Homepage
Login
Profile
BookClubs
dmBox
Read Ebook: L'amant rendu cordelier a l'observance d'amour by Martial D Auvergne
Font size:
Background color:
Text color:
Add to tbrJar First Page Next Page
Ebook has 346 lines and 20797 words, and 7 pages
S'ensuyt l'amant rendu cordelier a l'observance d'amours
Au son d'un bastouer cliquant D'une tresbelle chamberiere Sa voix singlant et decliquant Ainsy que une seraine clere En ung pr? joingnant la riviere M'endormis si soudainement Que perdis propos et lumiere Et ne s?ay que devins vraiement
Sy me sembla q'un grant boullon D'eaue me ravit et surmonta puis survint ung estourbillon De vent qui se doux chant m'osta Et d'illec sy me transporta Aussy viste comme ung canon A ung grant boys ou m'emporta Maugr? moy voulsisse ou non
Le boys ou forest s'appelloit La forest de desesperance Ou jamais homme sy n'alloit Qui ne fust marry a oultrance Mains vaillans les fers de leur lance y ont en combatant laiss?s Mains amoureux en desplaisance Par couroux y sont trespass?s
En maintes foretz ay est? Mais oncques n'en veis l'apareil Car soit en yver ou est? L'on n'y voit luire le soleil Le temps n'y est pers ne vermeil Tousjours y fait obscur et noir Ne n'a que tristesse et que dueil S'estoit verdier de desespoir
Quant je me veis en ce dangier Lors je commenc? a crier Vers amours pour me solaiger Et obvier au fourvoier Priant qu'il me voulsist convoier A ce perilleux damne pas Car sans son secour envoier Seur estoie de passer le pas
Sy n'euz pas mon oraison faicte Qu'amours de sa grace et bont? Sy me transmist une saiecte Ardant et plaine de clart? Qui me mist au chemin hant? Dont de loing veis une chapelle Vers laquelle me transport? Jamais n'en eschap? plus belle
Ainsy pour amours mercier Vers ceste eglise hastivement Prins pays sans me soucier Comme delivr? de tourment Et cheminay sy longuement Que j'arrivay devant la porte Qui estoit de grant exaussement Et d'ouvraige de mainte sorte
Ceste eglise faicte a pilliers De merveilleuse magnificence Fondee estoit de cordeliers Religieux de l'observance Ayans renonc? l'aliance Du noble service d'amours Pour faire leens penitance Jusques a la fin de leurs jours
Or sur ce point est a noter Que de tous vivans langoureux L'on eust leens souffert bouter Sy non les loyaux doloreux Les despourveux adventureux Les desol?s et espanis Mesmement povres amoureux Qui de leurs dames sont banis
De la nef du cueur du portal Ne sauroye au long toucher Tous les murs estoient de cristal Tous lambroussez jusques au clochier De fin or et d'azur mout chier Et la croisee toute d'ivire Brief qui vouldroit tout espluchier Il faudroit ung jour a le dire
Sy veis en entrant a l'eglise Ung povre amant plourer sy fort Portant le noir et sans devise Comme tout plain de desconfort Triste estoit lors jusques a la mort Com s'il vouloit pencer de l'ame Et disoit l'en leens qu'atort L'on l'avoit bany de sa dame
Le gallant avoit pour habit Longue robe noire dessainte Comme pour estre a ung obit Cornette de beau veloux tainte En couleur de reffus et plainte Cheveulx longs du temps des apostres Et puis par devocion sainte Portoit les belles patenostres
Quant je me fus agenoull? Et que euz commenc? ma priere De cet homme me esmerveill? Qui menoit sy piteuse chiere Car a ung lieu n'arestoit guere Ains alloit tousjours et venoit Et sembloit bien a sa maniere Que du monde ne luy challoit
En me pourmenant de travers De la nef et a l'opposite Ung des religieux convers Vint donner a tous l'eau beniste Puis que la grant messe fut dicte Je veis la venir damp procureur Portant ung visage d'ermite Qui fist a l'amant grant honneur
Or ?a dist il j'ay parl? Au jour duy de vostre matiere Mais damp prieur s'en est all? Sy pr?s il n'arrestera gueres Je vous asseure qui n'y a frere Ceans qui ne vous aime bien Pour quoy dev?s faire grant chiere Car vostre besongne ira bien
Lors dist l'amant la leur mercy De mon cas sont mal inform?s Las je n'ay fait ailleurs ne sy Chose dont doye d'eux estre amez Mes biens fais sy sont clers semez De moy ne leur en doibt challoir Quant les auroy acoustum?s Je n'emporray que mieulx valloir
Tantost apr?s cy arriva Damp prieur venant de dehors Auquel damp procureur luy va Presenter le povre amant lors Disant pere misericors En vecy ung qui fain a de rendre A l'ordre le cueur et le corps Se c'est vostre gr? de le prendre
Premierement il fault s?avoir Dist damp prieur sa voulent? Et s'il pourra bien recepvoir Tant de tourment et de durt? Il n'y a leans que povret? Amy je le vous vueil bien dire Affin que sy y estes bout? Vous pren?s en gr? le martire
L'amant
Helas dist il ne m'en chault Eslire vueil la voye certaine J'ay essay? du froit et du chault Et s?ay que ceste vie mondaine Est fainte deceptive et vaine Faisans cent mille gens perir Qui plus y est plus a de peine Et sy fault une foys mourir
Damp prieur
Or ?a mon amy qui vous meult Dont vous vient ceste affection L'ennemy tressouvent esmeut Maintes gens par temptacion Soubz umbre de devocion Pour faire ung coup a l'aventure Et entrer en profection Dont apr?s ilz maudissent l'eure
L'amant
A par ma foy je vous diray La chose ne m'est pas subite Car j'ay pie?a deliber? De mourir reclus ou hermite Les biens d'amours je les vous quicte Mes ris sont tourn?s a plourer En lieu ou tout plaisir habite Je ne quiers jamais demourer
Damp prieur
Comment vous qui estez sy jeune Av?s vous le cueur tant failly Qui ne vous chault de vie mondaine Hault desir est il aboly Av?s vous regart a nulluy Vous a l'en rien dit ou meffait Amours vous ont il defailly Qui ceste maladie vous fait
L'amant
Ma maladie la ne gist point Ne n'ay regret a homme ne a femme Remors de conscience me point Seulement a pencer de l'ame Car a poursuir grace de dame Trop y fault de pas et de tours Et sy n'en puet on avoir dragme Qui ne couste mille douleurs
Damp prieur
Telles douleurs ne sont que joye A gens qui les scevent contendre Et viennent de la la mont joye D'onneur qu'on ne sauroit comprendre Biens d'amours ne se pevent trop vendre Car c'est en tout temps heritaige Qu'on ne peut perdre ne despendre Et sy rend tousjours davantaige
L'amant
Le dire ne vous couste gueres Je s?ay bien comment il m'en tient De tant que ma plaisance est chiere Voirement plus peine apartient Mais quant tousjours on la soustient En vivant soubz une esperance D'aquerir loier qu'on retient C'est la pour perdre pascience
Damp prieur
Dames ne sont point tant cruelles Ne sy despourveues de savoir Que de ceulx qui seuffrent pour elles Elles n'en facent leur devoir Mais sy n'y veulent pourvoir L'on ne les en doibt point blasmer Legier croire fait decevoir Il fault congnoistre avant que amer
L'amant
Que peut on mieulx homme congnoistre Que par service et diligence Quant on le voit nuyt et jour estre Atendant d'amours l'influence Muer couleur et contenance Suer trembler et soupirer Helas c'est bien l'experience Qui la vouldroit considerer
Damp prieur
De telz maulz nulz n'est tant malade Qu'on ne face bien tost guerir D'un baiser ou d'une balade Quant amour le veult secourir Tel se plaint avant que ferir Qui n'a douleur ne maladie Ne n'en voit l'en gueres mourir Quelque chose que n'en me die
L'amant
Ha monseigneur vous av?s tort Vous s?av?s mieulx que vous ne dictez Car plus vauldroit souffrir la mort Que telles douleurs etroclites Se sont angoisses cy despites Qui font le sens perdre et tourner Aumoins ceulx la en seront quictes Ne n'y faudroit plus retourner
Damp prieur
Or je vous demande beau sire Se la dame ou estoies submis Vous a brass? sy dure martire Que secours n'y puisse estre mis y avoit il nulz compromis Entre vous deux et alliance Ou celle avoit nulz autres amys Qui vous aient fait bailler l'avance
L'amant
Doubter point ne fault de cela Tant estoit parfaicte et entiere Pour ce maintenir ?a et la Fust en langaige et en maniere D'onneur estoit la tresoriere Belle et bonne sans quelque chose A chascun faisoit bonne chiere Mais ne m'y demand?s autre chose
Damp prieur
De dire que n'y trouv?s point Ung peu plus qu'autre d'avantaige Je ne puis concevoir ce point Ne qu'elle eust sy gros couraige De vous veoir endurer dommaige En la servant et pour bien faire Veu qu'elle estoit sy bonne et sage Aussy je ne le sauroye croire
L'amant
Le bien et le mal congnoissoit Jamais n'en sera de pareille Dieu luy doint bon jour ou qu'elle soit Et a tous ceulx de sa sequelle Quant j'oys encor parler d'elle Les larmes m'en viennent es yeux Et ma doleur s'en renouvelle Dont il ne m'en est pas de mieulx
Damp prieur
Elle et aultre fault oublier Folie est de s'y amordre Aumoins se vous y voul?s lier Et garder les veux de nostre ordre Du temps pass? vous faudroit tordre Les mains et avoir repentailles Sy not?s bien ces motz par ordre Car se n'est pas jeu de troys mailles
Add to tbrJar First Page Next Page