Homepage
Login
Profile
BookClubs
dmBox
Read Ebook: L'amant rendu cordelier a l'observance d'amour by Martial D Auvergne
Font size:
Background color:
Text color:
Add to tbrJar First Page Next Page Prev Page
Ebook has 346 lines and 20797 words, and 7 pages
Elle et aultre fault oublier Folie est de s'y amordre Aumoins se vous y voul?s lier Et garder les veux de nostre ordre Du temps pass? vous faudroit tordre Les mains et avoir repentailles Sy not?s bien ces motz par ordre Car se n'est pas jeu de troys mailles
L'amant
Helas c'estoit la plus prudente Que je veis onc et plus parfaicte Saige savant d'onneur plaisante En bont? et beaut? complecte De tous biens brief estoit replecte Il n'y falloit metre n'oster Quant il m'en souvient je souhaite La mort que me viengne emporter
Damp prieur
En ung propos n'estes pas ferme En ce que puis apercevoir Ne n'est pas le chemin de l'ame De vos amours ramentevoir Il vous en fault tout demouvoir Et ung autre le?on aprendre Avant qu'on vous puist recevoir En la religion ne prendre
L'amant
Si forte rigle que vouldr?s Bien garder? pour abriger Et me sembloit que quant saur?s Qui me fait mon mal rengregier Vous aider?s a deschargier Mon povre cueur de grant mesaise Mais j'ay paour de vous trop charger Et que mon langaige desplaise
Damp prieur
Nenny vous ser?s escout? Dire me pov?s hardiment Cy soubz le benedicit? Vostre vouloir et pensement Aussy avons expr?s serment De ne prendre ceans personne S'il ne desclere entierement La cause pour quoy il s'i donne
L'amant
Vray est que fu jadis esprins Par le mouvement de desir De ceste dame de hault pris Se s'eust est? son bon plaisir Ou failly n'avoye a choisir De en sa grace me hebergier Mais dangier m'en vint dessaisir Qui me fist bien tost deslogier
Damp prieur
Dangier sy a ceste coustume D'effroier tousjours la poulaille Il destaint le feu et l'alume Il trenche les morceaux et baille L'un ran?onne l'autre tenaille Il en prent par ou il en treuve On n'a point telz biens sans bataille Mais il ne fault pas qu'on recouvre
L'amant
Las je ne s?ay quel recouvrer Il vault mieux plus tost departir Que trop attendre et pis trouver Et retraire que repentir Brief c'est pour devenir martir Qui a entre ses mains affaire Car quant on cuide bien departir Lors c'est quant est a reffaire
Damp prieur
De dangier ne se doibt l'en plaindre Car amour sy l'a destin? Pour reprouver et pour refraindre Le feu de desir obstin? Bien aux dames fut ordonn? Pour en avoir la garde et umbre Car tout seroit habandonn? Et en vendroit des maulx sans nombre
L'amant
Non feroit ja sans vostre grace Dames ne sont point sy volaiges Que cy tost et de prime face Pour ung peu de plaisant langaige Elles declerent leur couraige Sans savoir a qui ne comment Aussy raison qui est leur gaige Ne le souffreoit aucunement
Damp prieur
Raison est souvent endormie Mais jamais dangier ne sommeille Ne ne dort heure ne demie Tousjours a la puce en l'oreille Il court il suyt il traveille Pour guerroier jeunes et vieux Il est bon mestier qu'on y veille On ne demanderoit pas mieulx
L'amant
Puis male bouche et faulx parlant M'ont grev? tant qu'on seroit dire Sans ce que j'en aye fait semblant Cuidant qui se deussent reduire Ou apaiser ung peu leur yre Mais plus y pert qui plus leur donne Car elles m'en ont voulu plus nuyre Mais maintenant je leur pardonne
Damp prieur
C'est bien dit nous devons benistre ceulx mesmes qui nous font les motz Et avons expresse epistre Se me semble ad corintheos Se vous estes misericors Dist dieu je le vous seray Combien que de tous durs effors Ne sembloit pas tout empiray
L'amant
Je n'ay membre qui ne s'en sente Il m'en puet assez souvenir Et tel souvent cy rit et chante qui est dolent jusqu'au finir Je m'en s?ay bien a quoy tenir Et sy n'y puis secours donner Ains m'en fault des maulx soustenir Dont ne fais pas les sains sonner
Damp prieur
Quant vous enduri?s telle peine Que n'alli?s vous devers la belle Dire vostre raige inhumaine Et impetrer la grace d'elle Je crois qu'eussi?s eu nouvelle Opportune pour vous guerir Car dame n'est point sy cruelle Que nul vueille faire mourir
L'amant
Il ne tenoit point a bailer Mais je n'y povoye radrecer Car dangier gardoit le parler Et malle bouche le passer Ainsi vous failloit traverser Entre deux par emblee ou fuyte Sy m'esbahis a y pencer Que mort ne suis a la poursuite
Damp prieur
Or sire quant vous y alli?s y trouvi?s vous n'avant n'arriere Chose de dont vous esbayssi?s Ou deussi?s faire bonne chiere Estoit elle point coustumiere De jecter ung doux regart Ou se par ris ou par maniere En passant vous disoit dieu gart
L'amant
Je ne passoye point cy avant Ains a l'uys troys heures entieres De nuyt estoye soubz ung au vant Regardant en hault les goutieres Et puis quant je oye les verriers De la maison qui cliquetoient Lors me sembloit que mes prieres Exaussees d'elles sy estoient
Damp prieur
Esti?s vous seulement content De telles plaisances mondaines Et d'illec demourer tant Escouter lever les avoynes Vous jecte l'en point marjolaines Quand on les venoit abruver Ou savi?s enseignes certaines qu'elle vous puest bien aviser
L'amant
Se m'aist dieu j'estoye tant ravis Que ne savoye mon sens ne estre Car sans parler m'estoit advis Que le vent ventoit sa fenestre Et que m'avoit bien peu congnoistre En disant tout bas doint bonne nuyt Et dieu scet se j'estoye grant maistre Apr?s cela toute la nuyt
Damp prieur
Puis que vous ne la vey?s mye Cause n'aviez d'estre joyeux Car estoit puet estre endormie Quant ainsy vous ri?s aux cieux Auffort vous rapaisi?s vos yeux Des fenestres ou des violiers Et vous profitoit cela mieux Que d'avoir escuz a milliers
L'amant
Ce soir dormis plus seurement Que par avant n'avoye dix jours Tant sentoie grant allegement D'ainsi avoir veu mes amours Sy faisoye lors mout de clamours Au lieu en merciant la belle Du confort et joyeux secours Que j'avoye eu au moyen d'elle
Damp prieur
Or sire par ce seur dormir Que tenez de cy grant valeur Senti?s vous point le cueur fremir Et entrer en froit ou challeur Vous sembloit le repos meilleur Que n'aviez dont acoustum? Ou se de joye ou de douleur Esti?s point transi ou pasm?
L'amant
Tellement estoie restaur? Que sans tourner ne travailler Je faisoie ung somme dor? Sans point la nuyt me resveiller Et puis avant que m'abiller Pour en rendre a amours louenge Baisoie troys foys mon orillier En riant a par moy aux anges
Damp prieur
Du temps que ceste nuyt duroit La songi?s vous point nullement Ou se vostre oeil la desiroit Point veoir illec visiblement Car de tel mondain pensement Adviennent maintes frenaisies Qu'on cuide estre vrays proprement Et sy ne sont que fantasies
L'amant
Bien souventesfois advenoit Que voirement je la songoie Toute telle joye sy me prenoit Que au lit chantoie et pleuroye Puis moy resveill? j'enragoye Que ne la veoie illec Et maintesfoys place changoye En faisant des pi?s le chevet
Add to tbrJar First Page Next Page Prev Page