Read Ebook: Les cinquante et ung arretz d'amours by Martial D Auvergne

Font size:

Background color:

Text color:

Ebook has 121 lines and 52386 words, and 3 pages

S'ensuyvent: les cinquante & ung arestz Donnez au grant conseil d'amours/ a l'encontre de plusieurs parties. Nouvellement imprimez a paris.

On les vent a paris en la rue neufve nostre dame a l'enseigne de l'escu de France.

? Cy commence les cinquante et ung arrestz d'amours.

Environ la fin de septembre Que saillent violetes & flours Je me trouvay en la grant chambre Du noble parlement d'amours Et advint si bien qu'on vouloit Les derreniers arrestz prononcer Et que a ceste heure on appelloit Le greffier pour les commencer Si estoyent illec bien vingt six A les rapporter et a veoir Ou meillieu desquelz je me assis Pour en faire comme eulx devoir Le president tout de drap d'or Avoit robbe fourree d'ermines Et sur le col ung camail d'or Tout couvert d'esmerauldes fines Les seigneurs lays pour vestement Avoyent robbes de vermeil Frangees par hault de dyamans Reluysans comme le souleil Les aultres conseilliers d'eglise Estoyent vestus de velours pers A grant fueillage de venise Bordez a l'endroit et l'envers Dessus si avoyent leurs manteaulx Tout de grosses perles barrez Fermans a moult riches fermaulx Et puis leurs chapperons fourrez Apr?s y avoit les deesses En moult grant triumphe & honneur Toutes legistes et clergesses Qui s?avoyent le decret par cueur Toutes estoyent vestues de vert Fourrez de penne de letisses Et avoyent leur col tout couvert De colliers d'or gens et propice Puis portoyent atours a ces fins Moult excellens et precieulx Qui estoyent si deliez et fins Que on veoit leurs beaux cheveux Leurs habitz sentoyent le cypr?s Et le mutz si habondamment Que l'en n'eust sceu estre au plus pres Sans esternuer largement Oultre plus en lieu d'herbe verd Qu'on a acoustum? d'espendre Tout le parquet estoit couvert De rommarins et de lavende Plusieurs amans et amoureux Illec vindrent de divers lieux Dont il en eust moins de piteux Et d'amans courroucez joyeulx Par derriere les bancz j'en vis Qui lesditz arrestz escoutoyent Dont leurs cueurs estoyent tant ravis Qu'ilz ne s?avoyent ou ilz estoyent Les ungz de paour serroient leurs dentz Et estoyent aussi froitz que marbre Les aultres esmeuz et ardans Tremblans comme la fueille en l'arbre Nul n'est si saige ne parfait Que quant il oit son jugement Qu'il ne soit a moyti? deffait Et troubl? a l'entendement Je laisseray ceste matiere Car de cela pou me challoit Et racompteray la maniere Comment le president parloit Et tout ainsi et au plus pres Que les arrestz luy ouy dire Je les ay escriptz cy apr?s En la forme que l'orr?s lire Sans y adjouster quelque chose Aussi retenir ne oster Et les pronon?a tout en prose Comme vous orr?s reciter

Premier arrest.

Par devant le prevost de deuil se assist despye?a ung proc?s entre une tresgracieuse dame et le procureur d'amours en cas d'exc?s d'une part/ & ung jeune amant escuyer deffendeur d'aultre part. et disoient lesditz demandeurs que ceste dame en tout son temps a est? de grant renommee fort esbatant joyeuse & de plaisant maintien & qu'elle s'est tousjours bien & honnestement entretenue en service d'amours/ sans jamais avoir est? reprise d'aulcun villain cas blasme ou reproche. Or estoit que ja pie?a cest amoureux s'acointa de elle/ et apr?s plusieurs allees/ et venues il la pria d'aymer en luy presentant plusieurs dons et bagues qu'elle ne voulut prendre ne recepvoir pour doubte de commettre symonie en amours qui est deffendue/ mais l'en remercia en luy soubzryant et respondant moult gracieusement toutes & quantes fois qu'il parloit a elle. Et peult bien estre que pour la loyault? qu'elle cuidoit trouver en luy disant que elle l'aymoit bien et qu'il estoit taill? d'avoir beaucoup de biens au temps advenir sans y penser nul mal dont le galant mal considerant que dames sont tousjours plus promptes a resjouyr Cueurs d'amoureux que a faire douloir s'esmeut & eschauffa tellement qu'il luy sembla que la besoingne estoit ja faicte et qu'il en viendroit bien au dessus de ces attainctes & de faict une journee luy vint dire qu'il estoit mort & qu'il ne viveroit pas trois jours si elle ne luy octroyoit ce qu'il luy demandoit De laquelle chose ceste dame estoit moult esbahie Et a brief luy respondit que d'autant qu'elle l'aymoit elle le herroit desormais s'il luy parloit plus de cella dont il ne tint guieres de compte ains se effor?a de proceder oultre & de prendre par force ung baiser parquoy elle le voulloit frapper et neantmoins ne s'en voult departir ains revient vers elle faignant de plorer de doulleur et d'angoisse qu'il enduroit. Et ou qu'il s'estoit faict frotter le visaige/ et les yeulx de eaue de soulcye affin que il semblast plus pyteux. Et tellement que ceste dame esmeue de piti? en cuydant veritablement que les larmes qu'il avoit aux yeulx lui venissent du parfond du cueur le baisa & acola deux ou trois fois pour obvier a plusgrant meschief ou que il ne cheust en desespoir. Et avecques ce luy feist plusieurs aultres gratuitez et menus plaisirs dont il ne fut encores pas content/ ains perseverant de mal en pis voullut mettre la main au testin/ et a ceste cause elle s'en courrou?a/ et apr?s pour le eslongner et pour lui monstrer qu'il n'estoit pas la ou il cuidoit elle luy donna cong? affin qu'il n'y retournast plus/ mais ce nonobstant encores fut il plus eschauff? de y venir que devant. Et apr?s advint que ung jour sus le jour arriva en la maison d'elle court habill?/ et desguis? a tout une gente daguette pendante a sa ceinture/ et apr?s qu'il l'eut saluee et bien longuement quacquet? il commen?a a dire ces motz. Madame mauldicte soit l'heure que je feus oncques n?/ neantmoins je ne eusse point tant souffert de paine que faitz pour vous et puis que ainsi est qui ne vous en chault et que n'y voullez remedier j'ayme mieulx me tuer icy par devant vous que de plus languir Et je vous asseure ma foy que jamais je ne me partyray de ceans qui ne m'emportera les piedz devant/ Car il me souffist que je meure & pour vous & en auray merite. Et sur ce point ledit amoureux print sa dague et commence a soy deslasser faingnant de s'en frapper a la poictrine. A quoy la dessus dicte dame pour doubte d'esclendre mist la main au devant du pourpoint et du pommeau et le tence tresbien luy demonstrant que il seroit perdu & homicide de soymesmes Et aussi elle le reconforte le myeulx que elle peust pour le destourner du mal fait qu'il voulloit faire/ mais au dernier riens ne valut/ car il commence a jurer et maulgreer que il se tueroit illec en la place sans plus attendre pas une heure/ et faict ainsy qu'il faignoit de soy frapper et mettre la dague dedans le corps ceste povre femme toute seulle esmeue et troublee & non pas sans cause pour obvier a l'effusion du sang qui s'en feust ensuy et ad ce qu'on eust peu dire que s'eust elle mesme est? et qu'elle l'eust tu? qui eust est? grant esclandre pour elle et les siens a tousjours fut contrainte de luy souffrir acomplir sa mauvaise voulent?. Depuis laquelle fiction ainsi faicte qui n'estoit que une vraye trahison pour decepvoir ceste povre femme comme il a bien monstr? & c'est ledit amoureux vent? et deu dire en plusieurs lieux qu'il en avoit jouy par subtilz moiens nonobstant que aultres y avoient bien failly en cessivant & esjouyssant & deshonnorant sans cause en maintes manieres.

? Parquoy elle concluoit a l'encontre de luy qu'il fust condempn? a luy faire amende honnourable et prouffitable. Honnourable c'est assavoir nue teste en chemise tenant une torche ardant a sa main du poix de quattre livres de cire disant que faulcement et maulvaisement il l'a deceue trahie et circonvenue si s'en repent et luy en requiert mercy et pardon. Et pour amende prouffitable qu'il feust condamn? envers elle en la somme de .iiii.M. livres parisis ou aultre telle somme que de raison deveroit/ et en ces despens dommages/ et interestz. Et aussi requeroit qu'il lui fust deffendu de parler a elle en aulcune maniere. Et au regard du procureur d'amours il concluoit et requeroit a l'encontre dudit amant que pour la raison dudict cas ou il y avoit faulcet? & trahison il fut pugny de telle pugnition corporelle et publique que le cas le requeroit et se il ne l'estoit au moins qu'il fust perpetuellement a tousjours banni d'amours et le declaira inhabille de estre en la compaignie de bien et de dames et damoyselles comme traystre et de mauvais affaire que tous ses biens feussent declairez/ confisquez/ et appartenir a amours. Et oultre qu'il feust train? sus une claye et batu par les carrefourgs de syons de vert osier & de branches de groseliers affin que desoresmais tous autres y prinssent exemple avecques aultres conclusions plus a plain declairees ou proc?s. De la partie de cest amoureux deffendeur fut deffendu au contraire. Et disoit que voirement il estoit vray qu'il avoit est? bien fort feru de l'amour de ycelle demanderesse/ et qu'il l'avoit servie moult longuement et fait envers elle tous les debvoirs qu'il est possible de faire a loyal serviteur mais elle lui avoit user de bien rudes & estranges termes. Car combien qu'elle luy eust promis de chierement l'aymer et entretenir en sa bonne grace. Touteffoys bien souvent faisoyt semblant de non le congnoistre/ puis a une fois elle lui soubzrioit & l'autre fois luy rechignoyt ou n'en tenoit compte. Et brief le povre gallant le plus du temps ne s?avoit ou il estoit & en eust bien voulu saillir/ mais il ne pouoit/ car quant il s'en voulloit oster c'estoit lors que il commen?oit plusfort a aimer que jamais ne dormoit point ne nuyct ne jour/ ain?oys tousjours pensoit a elle/ & en ce faisant bien souvent frissonnoit/ et luy sembloit qu'il avoit plus de cent esguilles autour du col qui le picquoyent S'il eust voulu manger il n'eust sceu car il n'y avoit si bonne ne si doulce viande qui amere ne luy semblast. Or disoit il que pour obvier a ceste maladie et aux acc?s de telles fievres blanches plusieurs foys supplye et requist ceste dame cy qu'elle eust de luy piti? et le voulsist secourir dont elle n'avoit voulu riens faire ains le pourmenoit de jour en aultre de dymenche au jeudy tellement que au dernier quant il veit que il n'en pouoit plus il voulut trouver maniere de luy dire au vray l'angoisse & la douleur qu'il souffroit pour elle. Et fut vray voirement que pource qu'elle n'y vouloit pas pourveoir il print alors sa dague pour s'en frapper et disoit veritablement que veu le tresgrant mal que il avoit il se feust tu? et ainsi l'avoit il deliber? de le faire se elle ne luy eust ayd? et secouru de sa bonne grace/ dont il se sentoit bien tenu a elle/ et quant est de ce que on luy mettoit a sus qu'il avoit publy? le cas pour la diffamer il respondit qu'il ne l'avoit jamais dit ne declair? sinon a aulcuns de ces particulliers et secretz amys que il tenoit bien si seurs jusques la que jamais riens ne revelleroyent/ et que on avoit cela song? pour charger son honneur a tort et sans cause. Et au regard du cas principal disoit qu'il n'y avoit veu de son cost? aucun exc?s/ crisme ne malleffice/ Mais luy avoit ayd? et secouru ladicte demanderesse de son bon gr? et consentement et qu'il valloit mieulx avoir le personnage par amour que venir par force: ou faire esclandre/ & par ainsi disoit qu'il ne luy en pouoit rien demander/ ains estoit en voye d'absouldre ses faitz concluoit et demandoit despens encontre ladicte demanderesse. Les dictes partyes ouyes en tout ce quelles voulurent dire & alleguer/ ledit prevost de dueil veues toutes les informations faictes en ceste matiere et la confession dudit amant deffendeur par laquelle les demandeurs prindrent & requirent droit estre fait condampna par sa sentence ledit amoureux deffendeur a faire amende honnourable a sadicte dame/ et luy crier mercy treshumblement a genoulx sans saincture ne chapperon a tout une torche ardante en sa main en disant ces motz. Madame je congnois et confesse ycy devant dieu et devant le monde que comme mal conseill? et mal advis?/ je vous ay trahie faulcement et maulvaisement/ dont je vous crie mercy et a la justice d'amours. Et avecques ce le declaira priv? de tous biens et plaisirs d'amours/ et ses biens confisquez en le bannissant perpetuellement du royaulme d'amours & de toutes bonnes compagnies comme indigne d'y estre et habiter. Et semblablement le condampna envers ladicte demanderesse pour amende prouffitable en la somme de mille livres parisis/ et a tenir prison jusques a plaine satisfation et en ses despens dommaiges et interestz/ de laquelle sentence ainsi donnee par ledit prevost de dueil icelluy deffendeur se est sentu aggrav? et en a appell? en la court de ceans/ et semblablement en a appell? ladicte demanderesse et ledict procureur d'amours pour ce que ilz disoyent que il ne leur avoit pas assez adjug?/ et que ledict deffendeur en avoit trop bon march?. et depuis ont lesdictes parties conclud audict proc?s par escript. et a est? veu et receu ceans pour juger a bene vel male. Si a ladicte court finablement veu le proc?s et tout ce qui a est? produyct en ycelluy a grant et meure deliberation et tout veu et consider? ce que faict a considerer. Adoncques ladicte court d'amours dict que entant que ledict amoureux est appellant il a est? bien jug? par ledit prevost de dueil/ et mal appell? par luy/ et le amendera. Et entant que touche lesditz demandeurs qu'ilz ont bien appell? et ledit prevost mal jug?/ et en amendant le jugement/ la court oultre les condampnations dessusdictes condampne ledict amoureux appellant a aller en voyaige nudz piedz a monseigneur sainct valentin et y porter ung veu de cire du poix de quarante livres/ et a raporter certiffication comme il y aura est? dedans ung moys Et en oultre desclaire ladicte demanderesse estre exemptee a tousjours de luy & des siens jusques a la tierce generation/ et si ordonne que en signe de la dessusdicte trahyson et faulcet?/ touteffoys et quantes que on le servira desormais a table on mettra le pain devant luy a l'envers et le dessus dessoubz. Et avecques cela le condampne la court en moult grans despens de la cause d'appel envers ladicte dame demanderesse. la tauxation reservee par devers elle.

Le .ii. arrest.

Par devant le baillif de joye c'est assis ung aultre proc?s entre ung jeune compagnon amoureux demandeur d'une part. Et sa dame deffenderesse d'autre part. Et disoit ledict amoureux demandeur que ainsi qu'il avoit prins cong? de sadicte dame pour s'en aller en sa maison elle le rappella et hucha pour parler a luy/ et apr?s quant il fut tout aupr?s d'elle elle faisant semblant de s'acouter et de vouloir parler de secret le baisa si tresasprement que elle le cuyda faire seigner du nez Et puis quant vint au desserrer le frappa moult durement de la patte de son chapperon ou il y avoit une esguille et une espingle de laquelle il eut la joue toute esgratisgnee qui depuis est debvenue enflee et ne sera d'icy a troys moys qu'il n'y paire. A l'occasion duquel cas il ne s'est os? monstrer devant les gens par certain temps et est encores tres fort malade. et pource que il s?avoit bien que sadite dame ne l'avoit pas fait par haine et maltallent qu'elle eust a luy il ne vouloit point tendre a reparation/ mais concluoit & requetoit seulement qu'elle fust condampnee a le garir & faire penser durant sa maladie. De la partie de ladicte dame fut deffendu au contraire/ & disoit que l'amant avoit est? invaseur & assaillant pour avoir ledit baiser/ et au regard de la picqueure elle estoit advenue par fortune/ & advanture dont elle ne pouoit mais/ et aussi n'y avoit chose dont l'en deust parler/ car ledict amant n'en laissoit a boire ne a menger et se plaingnoyt de sa teste Surquoy les parties ouyes ledict bailly de joye par sa sentence & au regard a certains rappors de medecins d'amours qui avoient rapport? le peril/ et dit que la playe estoit en lieu dangereux condampna ladicte dame a mouiller de sa salive tous les moys la playe de son amy pour faire en aller le venin jusques a ce qu'il fust guery. Et aussy a luy fournir de drappeaulx surquoy seroit fait bon emplastre. De laquelle sentence ceste defenderesse c'est sentue grevee/ et en a appell? en la court de ceans ou le proc?s a est? receu pour juger Et finablement tout veu & consider? ce que estoit a considerer. La court d'amours a regard? et dit qu'il a est? bien jug? par ledit bailly/ et mal appell? par ladicte dame appellante et l'amendera. Et en oultre pource qu'il est apparu en ladicte court & venu a congnoissance que icelle appellante a deu dire et soy vanter que depuis ladicte sentence que s'il convenoyt moullier ladicte playe de sa sallive/ elle le mordroit en ce faisant si asprement qu'il luy en souviendroit a tousjours mais. La court l'a condampnee en trente livres d'amende envers les prisonniers d'amours pour employer en bancquetz et en herbe verte et es despens de la cause d'appel la tauxation reservee par devers luy et si ordonne qu'elle sera contraincte a obeyr a l'arrest par prinse de son corps

? Le troisiesme arrest

Par devant le vergier d'amours en la province de beault? c'est assis ung aultre proc?s entre ung amoureux demandeur en matiere de recision de contract de une part. Et sa noble dame et amye deffenderesse d'aultre part. Et disoit ledit demandeur que du temps qu'ilz acointerent l'ung l'autre ilz firent ensemble plusieurs promesses et alliances d'amours/ & entre les aultres il y en eut ung compass? entre eulx deux/ par lequel ledit amoureux luy promist que toutes et quanteffoys qu'il se vouldroit coucher et mettre son coeuvrechief de nuit/ il seroit tenu de nouer le bout dudit coeuvrechief a deux bons & fors neuz et de dire pour l'amour d'elle en le tyrant/ dieu doint bonne nuyt a madame. Et aussi elle diroit pareillement quant il se lieveroit au matin en mettant sa chemise/ Dieu doint bon jour a mon tresdoulx amy. Et avecques ce estoit dit que le gallant debvoyt toutes les sepmaynes passer sur le tard une foys ou deux devant son huys. Et attendre une bonne certaine heure qui estoit dite pour avoir ung boucquet ou une viollette qu'elle luy debvoit pour recompense getter avant qu'il s'en allast/ ou dire a dieu/ dieu doint bonne nuit or disoit cest amoureux que en faisant ledict contract il avoit est? enormement deceu. Car premierement au regard de tyrer son couvrechief toutes les nuytz il en estoit en telle necessit? qu'il luy failoit avoir ung neuf de trois jours en trois jours tant en rompoit et deschiroit. Et si pour tirer ne pour nouer il ne luy en estoit de rien mieulx et ne s'en sentoit point en nulle maniere plus allegi? quant il estoit couch?. Mais souventeffois encore pour ce que ledit couvrechief estoit trop serr? ou nou? il luy failloit tout oster & le remettre qui luy estoit grant peine avec le mal qu'il avoit Et touchant l'autre point il y avoit aussi et de l'autre moiti? de juste pris/ Car seullement pour avoir ung povre boucquet ou une viollette/ ce galant estoit contrainct de aller et passer une fois ou d'eux la sepmaine par devant l'huys de sa dame ou il souffroyt maux infinis/ car premierement il advenoit tressouvent qu'il ne la trouvoit point a l'uys ne ame a qui parler/ et ainsi convenoit attendre illec et longuement jambaier le povre amant sans avoir feu ne clart?. Secondement car quant il s'en vouloit partir il veoit aulcuneffois la lueur de la chandelle par les verrieres dont il estoit transy et ravy qu'il ne s?avoit qu'il devenoit Et pource qu'il cuidoit lors qu'elle ne fust pas couchee et que tantost deust venir/ il attendoit tout seul illecques emmi la rue deux ou trois heures/ et aucuneffois toute la nuit & se pourmenant pour doubte de morfondre regardant en hault les gouttieres/ s'elle viendroyt point aux fenestres ou il y avoit aussi grant martire/ et mesmement ou temps de yver pour les neiges et la froidure qu'il luy convenoit endurer dont il estoit souvent en tel point qu'il ne sentoit membre qu'il eust si que l'en eust ouy cliqueter ses dens l'une contre l'autre comme une cigoingne Tiercement que pour la pluye et mauvais temps qu'il couroit il estoit parfoys contraint de s'en partir et retourner tout mouilli? a l'ostel sans rien faire fors seulement baiser la cliquette de l'uis a son amye pour luy dire a dieu Et ses habillemens estoient sy tres trempez que la chemise qu'il avoit vestue il luy failloit changier/ tout aussy tost qu'il estoyt a l'hostel et prendre tous nouveaulx habillemens qui luy estoit pareillement moult grant et tresgrief martyre sans encores n'y compter ne comprendre la paine qu'il avoit d'estre congneu du dangier du guet/ et aussy de se bouter dedans les boues/ et de cheoir aux russeaulx ou dedans la fange/ et de se heurter a grosses pierres/ ou rencontrer une charrette et moult d'autres malles adventures qui pouoyent venir de nuyct/ et aussi que il avoyt est? souventeffois/ et estoyt encores enormement deceu Et pource requeroit que ledict contract feust mis au neant et qu'il feust remis en sa franche libert?. Et disoyt oultre que a greigneur seuret? il en avoit a ceste fin obtenues lettres de relievement d'amours/ et dispensation sur ce dont en tant que mestier estoit requeroit l'enterinement/ offroit a prouver et demandoit despens. De la partie de ceste deffenderesse si fut deffendu tout au contraire et disoit que de se plaingdre du contract/ le demandeur avoyt grant tort. Car par icelluy elle estoyt subjecte a plus grande paine que il n'estoit. neantmoins elle estoit tenue touteffoys/ et quanteffoys qu'il plaira a amours de s'en departir et y renoncer/ Mais d'y venyr par recision ce n'estoyt point la maniere et ne voulloyt point qu'il luy feust reprouch? que elle eust jamais receu homme/ car c'estoyt trop grant blasme et ce n'estoit pas le renom. Et pour venir a ses deffenses disoyt que ledict contract fut fait et pass? a la grande priere et requeste dudict amant. Car elle n'y pensoit point quant il luy vint supplyer et requerir sur tous les plaisirs qu'elle luy pouoit faire qu'elle voulsist consentir lesdictes choses qui y sont contenues/ et oultre qu'elle n'en fist point de difficult?/ icelluy amant luy jura que la cause pourquoy on requeroit. n'estoit sinon affin qu'elle l'eust en memoyre/ et qu'il feust seur que une fois le jour et en mettant sa coiffe elle penseroyt a luy/ Parquoy de s'en plaindre maintenant et dyre qu'il a est? deceu & si n'y avoit nulle apparence/ et si rompoyt beaucoup de coeuvrechiefz le moys/ aussi faisoit elle de coiffes et luy failloit bien souvent des rubens tous neufz. Et au regard de l'autre point de venir et passer devant son huys une foys la sepmaine il avoyt pareillement grant tort de se plaindre/ car toutes et quanteffoys qu'elle doubtoyt qu'il viendroit icelle deffenderesse trois heures devant elle estoit toute ravye et ne s?avoyt qu'elle faisoyt. Et pos? qu'elle beust & mengeast si avoit elle tousjours le cueur a luy et luy faysoit bien mal quant il luy convenoyt tant attendre a l'huys/ mais n'en estoit maistresse pour la craincte de dangier qu'il failloit cheoir et amasser qui luy estoit plus grande peine la moyti? que tout le martyre que ledict amant pourroyt souffrir/ car il fault aulcuneffoys fayre semblant de dormir quant on veult veiller/ et de plorer ou l'on a bien grant fain de rire/ et de parler de froydure c'estoyt trop grant honte a luy/ Car jamais amans ne doibvent avoir froit soyt que il gelle a pierres fendant/ et s'il enduroit de malles nuitz aussi faisoyt elle de son cost? de trouver quelque fa?on de eschapper pour venir a la fenestre ou parfoys estoit toute nue par l'espasse de deux grosses heures a veoyr de quel cost? le vent venoyt et avoit ledit demandeur a plus belle occupation de passer le temps qu'elle/ car en attendant il se pouoit pourmener et dire ses heures et oraysons ne n'y avoyt personne qui alors l'eust empesch?. Et quant est de la pluye et de la neyge les estaulx ne luy pouoyent faillyr et si n'y a eaue qui face mal a telz gens et au regard des pierres et aultres mauvaises rencontrees qui survient la nuyct/ respondit ladicte dame que telz maulx ne adviennent voulentiers synon a gens qui n'ont point parfaicte fiance en amours et qui font aucuneffoys des faulcetez et trahysons. Et disoit oultre plus ceste dicte jeune dame deffenderesse que toutes les plainctes et paynes dont cest amoureux se plaignoit n'estoit a comparer a nulles des siennes car plus avoit de peine en ung jour seullement a tirer les violettes que ledict amant n'en avoyt en toute l'annee/ et ne failloit point a venir a la comparaison des biens et plaisirs l'ung de l'autre. Car plus coustoyt le fyl dont elle lyoit les boucquetz & violetes qu'elle luy donnoit que tous les plaisirs qu'il luy eut sceu faire. Et pour ce disoit ceste deffenderesse qu'il n'y avoit point eu deception audit contract et qu'il ne debvoyt estre receindr? sinon du consentement d'elle et que ledict amant l'en vint prier et requerre a ces fins concluoit et demandoit despens. Apr?s parties ouyes & apr?s ce qu'elles furent appointees en droit le viguier appointa que lesdictes lettres et reliefvement ne seroient point interrin?s et qu'il n'y avoit point matiere de receindre ledict contract et condampna ledict amant demandeur a l'entretenir jusques au bon playsir de sadicte dame et es despens de laquelle sentence c'est sentu agrav? et appelle en la court de ceans ou ledict proc?s a est? receu pour jugier/ si a la court veu ycelluy proc?s et tout ce qu'il failloit veoir en ceste matiere. Et tout consyder? la court dit qu'il a est? bien dit et appoinct? par ledit viguier & mal appell? par ledict amant et l'amendera. si le condempne la court es despens de la cause d'apel la tauxation reservee par devers elle.

? Le .iiii. arrest

Devant le mayre de Boys verd c'est assis aultre proc?s entre ung amoureux et sa dame/ et estoit pour raison d'une cotte verte dont ladicte dame se plaignoit disant qu'il la lui avoit baillee si rudement qu'il l'avoit cuid? affoler et que en cheant sa gorgerette estoit despecee & en avoit on peu veoir le bout de sa chemyse/ requerant en effect qu'il fust deffendu audit amant de ne se jouer ne toucher plus a elle sans son cong? et que pour la faulte qu'il avoyt faicte feust condampn? a faire amende honnorable. Et qu'on luy deffendist seullement que il ne se jouast plus a elle en quelque maniere que ce fust ne aprochast du lieu ou elle seroit sans la licence ou que elle ne l'appellast. De laquelle sentence il s'est tenu agrav? & en a appell? en la court de ceans ou le proc?s a est? receu pour juger. Si a veu la court ycelluy proc?s et tout veu dit a est? qu'il a est? bien jug? et mal appell? et bien appoint? par ledit maire/ et mal appell? par l'appellant et l'amendera & si le condampne es despens de la cause d'appel la tauxation reservee par devers elle.

? Le .v. arrest.

Par devant le conservateur des haulx previlleges d'amours s'est assis ung aultre proc?s entre d'eux gentilz compaignons tous deux amoureux en ung lieu/ & d'une mesme dame/ l'ung demandeur & complaignant en cas de saisine et de nouvellet? de une part/ et l'autre deffendeur & opposant d'aultre part. Et disoit ledit demandeur que ung premier jour du moys de may ainsi qu'il estoit sur les rues pour aller la nuyct resveiller les potz de marjoleine et planter le may devant l'huys de une moult gracieuse dame dont est question affin de la resjouyr/ ainsi qu'on a acoustum?. Icelle dame ce voyant le print en grace/ et le retint pour son amy/ en luy promettant des biens a grant plant? et plus qu'il ne valloit. et a celle intencion l'a depuis servie moult longuement Et a ce tiltre disoit qu'il avoit droit et estoit en bonne possession et saisine de soy dire et porter serviteur d'ycelle dame & de jouyr et user par le moyen de la grace d'elle des biens d'amours qui en despendent ensemble des joyes chieres liesses honneurs doulx regardz/ beaulx accueilz & prerogatives qui y appartiennent. En possession et saisine que ledict deffendeur ne doibt aller a la messe ou elle va pour luy bailler a l'entree de l'eaue benoiste. en possession & saisine que il ne luy doit point soubz ryre en passant/ ne faire quelque signe ou semblant de la regarder. En possession et saisine qu'il ne peult ou doit parler a elle de secret ne aultrement en quelque maniere que ce soit se n'estoit en la saluant que il dist dieu gard dieu begnie. En saisine et possession qu'il ne se doyt point agenouillier a l'opposite du cost? ou elle se assiet durant la messe. En possession et saisine que en se promenant en l'eglise ou elle est il ne doit claquer son patin/ ne redrecier le poil de son chapeau. En possession et saisine que se ledit deffendeur a et porte nouveaux gans es mains qui ne les doit point enfoncer ne faire semblant de alonger les dois en tirant. En saisine et possession qu'il ne doit point lire les oraisons ne les escripteaux des tumbes qui sont au pres de ladite dame durant ce qu'elle est en l'eglise En possession et saisine que se ledit defendeur est agenouill? & il y a quelque chien derriere qui aboye ou ung coffre qui crie qu'il ne se doit point retourner ne ne doit regarder ladicte dame ne luy getter en passant ung doulx yeulx. En possession et saisyne pareillement qu'il ne doyt point alumer la torche devant elle dont l'en lieve dieu au moins ne doyt frapper du baston a terre deux ou trois fois ne laisser choir le couvercle pour dire regardez moy. En possession et saisyne que ledit defendeur ne peut ne doit porter la paix & ne la doibt point baiser apr?s elle/ mais doibt attendre que tous les aultres l'ayent eue et baisee devant luy et nonobstant ledit deffendeur l'avoit troubl? en ses dictes possessions et saisines parquoy avoit obtenue ladicte complaincte. Si concinoit pour pertinent en matiere de nouvellet? et en cas de delay demandoit la reverence. Et de la partie dudit deffendeur au contraire estoit dict/ que long temps il fut nomm? par l'universit? d'amours aux premiers benefices qui vacqueroyent au dyocesse dont ceste dame cy estoit et que encore d'abondant il avoit obtenu grace expectative pour accepter la premiere qui seroit sans amy & si avoit dispence d'en avoir d'eux nonobstant l'incompatibilit?. Et disoit avecques ce qu'il avoit fait ses diligences par devers la dame dont il estoit question pour estre pourveu de sa grace/ et dedens les nuitz et les jours qui y sont ordonnez. Disoit oultre que apr?s ce qu'il trouva ladicte dame vaquant d'amy et qu'elle luy eust faict une gracieuse chere & tresgracieusement acueilly/ il accepta l'amour d'elle et fist pourveoir par l'executeur de sadicte grace expectative et n'y eut reffus ne contredit de dangier/ ne de malle bouche. Et deslors en fut mis en possession et saisine/ et a ce tiltre avoit droit et estoit en bonne possession et saisine/ et de se porter et dire serviteur et amy d'elle/ et avoyt la moiti? des joies que amoureux cuyde avoir quant il rencontre bonne dame. En possessyon et saisine que ledit demandeur sa partie adverse ne la peu ne doit appeller sa dame ou maistresse ne s'en dire serviteur. En possession et saisine qu'il ne doit s'acouter ne parler a elle ne pareillement l'acompaigner en voyage ne autre part au moins ne la doibt tenir par soubs les bras. En possession et saisine que s'elle veult aller en pellerinaige il ne la doibt point mener derriere luy ne luy aider a secourre sa robe. en possession & saisine qu'il ne luy doit point alumer sa chandelle au monstier ne faire le petit genoul devant elle. En possession et saisine que sur le chemin son fouet ou aussi sa verge s'elle cheoit a terre il ne luy doibt point relever ne bailler. En possession et saisine qu'il ne doibt porter la botte fauve pour l'amour d'elle ne la soulcie sur son chappeau En possession et saisine qu'il ne peult pareillement fermer sadicte botte fauve d'eguillette verte ne son chapeau cordonn? houppe de cheveulx En possession et saisine qu'il ne se doibt point desguiser ne faire fringuer son cheval devant son huis en la rue En possession et saisine qu'il ne doyt point au harnoys de ses chevaulx porter la livree d'elle/ Ne avoir plus d'une robbe neufve la sepmaine. En possession et saysine que ses cheveulx ne doivent venir jusques sur les yeulx ne qu'il ne doit avoir a son bonnet rubens de soye verte. En saisine et possession qu'il ne doit point dancer aux nopces ne autre part avec sadicte dame ne icelle prendre en chapellet. En possession et saisine qu'il ne doit point servir a la table ou elle se siet ne de luy bailler quarreaulx ou tronchet ou pacet a mettre soubz ses piedz et proposoit possessoire tout pertinent en requerant en ce cas de delay la recreance Et pour respondre au fait de ladicte partie adverse disoit qu'il ne pouoit avoir aucun droit en ceste matiere car son don ou tiltre estoit obtenu long temps apr?s celuy du deffendeur/ et si n'avoit nomm? grandeur et calefic en amours ains avoit seullement seduitte celle dame par persuasions et belles parolles tellement qu'elle c'estoit condescendue a l'aimer & l'avoit en garde qui estoit mal fait a luy veu qu'il s?avoit qu'il l'avoit par avant acceptee a dame et en estoit pourveu Disoit oultre plus que son don ne pouoit riens valoir/ le bien n'estoit point vacquant au temps qu'il l'acointa et n'estoit point une entreprinse faicte/ pour luy cuyder faire bailler le bont de sa dame/ et par maulvais rapportz ou l'en ne devoit point adjouster foy. A quoy ledit amoureux demandeur pour ses replicques disoit que en matiere d'amours n'y a point de priorit? ne de posteriorit?/ la raison est bonne/ car l'amour et le bien vient de dames et est leur facult? de le donner et tollir toutes et quanteffois qu'il leur plaist & a qui bon leur semble. Et ainsy doncques qu'il failloyt qu'elles fussent contraintes a aymer tousjours ung qu'elles avoyent aym? au commencement sans le changer ou prendre d'autres elles qui sont dames et usant de franche libert? seroient subgettes de soubzmettre leurs cueurs aux voulentez des hommes sans le pouoir oster/ parquoy deviendroient serves et privees de franchise et de domination qui est le plus beau previlege qu'elles ayent et aussy tout le plaisir seroit dehors ne n'auroient plus amour de luy/ car par ce moyen il leur fauldroit admettre qu'elles devroient ha?r & n'y auroit jamais nul jeune amant pourveu ne advanc? pour service qu'il peust faire par ce que les premiers vouldroient tousjours gouverner. Sur quoy ledit deffendeur disoit que au contraire que l'en ne doibt point ainsi despointer ung loyal amant qui a bien servy sans cause ne matiere et sans ce que sa dame l'eust trouv? en faulte ou present meffait/ ains fault qu'il soit ouy premierement/ et qu'il soit declaration sur la privation ou aultrement jamais il ne auroit bien ne service remuner?/ car il adviendroit tous les jours que jeunes amoureux pour estre avancez/ et entrez en la grace des dames qui croyent moult de legier tout ce qu'on leur rapporte/ et leur louenge soulleroyent et suppediteroyent les aultres par blandissemens et belles bourdes ou par mauvaises parolles qu'ilz apporteroyent de leurs personnes pour devenir maistres & leur oster leurs lieux. Et ainsi tous amoureux qui auroyent doncques fait leurs debvoirs le temps precedent pour bien servir auroyent des maulx et les jeunes pour mal faire et mal raporter seroyent honnour?s et bien venus ou n'a apparence au monde Et sur ce furent les parties appointees et despuis ledit conservateur par sa sentence dist et declaira que entant que touchoit le principal les parties estoyent contraires/ et feroyent leur enqueste et icelle faicte et raportee par devers luy il leur feroit droit et au regard de la recreance des possessions et choses contencieuses il adjugea audit demandeur le requerant pour en jouyr regir et gouverner soubz la main d'amours pendant le proc?s et jusques a ce que aultrement en feust ordonn?. De laquelle sentence ledit deffendeur en a appell? en la court ou ledit proc?s a grant et meure deliberation et que faisoyt a veoir en ceste matiere: Et tout veu ladicte court dit que en tant que ledit conservateur adjugea la recreance audict demandeur il jugea mal au surplus en amendant le jugement/ la court adjuge ladicte recreance et jouyssance des possessions/ et choses contencieuses audict deffendeur. Et se retient la court la canonyssance de la cause principalle ou les parties viendront proceder ceans au premier jour ainsi qu'il appartiendra par raison.

Le .vi. arrest.

De certaine tauxation de despens que deux conseilliers de la court de ceans avoient faicte a une jeune dame a l'encontre d'ung sien amy montant la somme de .xix. livres .iii. solz six deniers parisis pour raison de certain voyage et pellerinaige ou elle par grant ardeur avoit vou? sondit amy et auquel elle avoit est? nudz piedz pour luy affin qu'il fust guary d'une griefve malladie de fievres blanches qu'il avoit lors & aussi pour acheter des bouquetz de romarin & genievre dont on l'avoit chauff?/ et d'autres menues drogueries que on luy avoit baillez durant sa maladie. Cest amant cy s'est sentu agrav? et en a appell? en la court de ceans. Le proc?s a est? receu pour juger et a la court veu ladicte tauxation de despens & diminution baillee au contraire. Et tout veu la court dict qu'il a est? bien taux? par lesditz conseilliers et mal appell? par l'appellant et l'amendera & si le condampne es despens de la cause d'appel la tauxation reservee par devers elle.

Le .vii. arrest

Par devant les conseilliers ordonn? sur le fait de la justice du tresor d'amours c'est assis .i. aultre proc?s entre le cueur d'amours dudict tresor demandeur d'une part/ Et ung jeune amant deffendeur d'aultre part/ et disoit ledit demandeur que nulle amour ne peut tenir par acquisition aucuns biens d'amours ne faire fondation de rente ou revenue s'elle n'est deuement amortie. Et que toutes et quanteffoys que aulcun faict contre amours est en possession de prendre les fruictz et la revenue de la rente non amortie/ c'est assavoir de troys annees l'une. Or disoit ledit demandeur que ledit deffendeur sans licence d'amours ne avoir sur ce amortissement avoit faict ung contract par maniere de fondation avec une religieuse par lequel elle estoit tenue de pryer pour luy et de dire aussi certaines oraisons. Et aussi en ce faisant ledit amoureux la debvoit fournir de soyes/ et de plusieurs aultres menues bacguettes/ moyennant lesquelles ycelle religieuse luy debvoit envoyer pour souvenance tous les moys de l'an certaines bourses faictes a sa devise/ Et pour ce requeroit le procureur de amours demandeur que ledit amant deffendeur fust condampn? a rendre & luy bailler de troys bourses l'une/ selon les ordonnances et qu'il feust enjoinct audit deffendeur de prendre amortissement desdictes amours de ladicte rente/ ou de en vuyder ses mains. de la partie duquel amoureux deffendeur feust deffendu au contraire et disoit que luy considerant que en amours y a tresgrande peine car ceulx qui s'i mettent/ ne sont pas aulcunes foys maistres de eulx en oster quant bon leur semble/ Et mesmement affin que amours luy aydast en tous ses affaires et besongnes il estoit bien vray vrayement que pour les grans biens qu'il avoit aperceuz en une religieuse de son accointance il luy avoit pri? & requis que toutes et quantes foys que elle se trouveroit a matines et l'en commenceroit a chanter te deum laudamus qu'elle dist lors ung de profundis pour l'ame de luy ce que elle luy avoit accord? Et aussi pour la recompensation de la peine icelluy amant luy avoit promis d'envoyer de la soye et de l'or de chippre pour soy esbatre a faire de belles bourses & des soursainctes et des cordelieres & seroit tenue a en bailler de troys l'une. Or disoit ledict deffendeur que proprement ce ne estoit point acquisition perpetuelle/ mais estoit seullement une pension viagere faicte de la voulent? et union des deux cueurs par quoy n'y failloit nul amortyssement/ car il n'y avoit point d'obligation ne constitution de rendre sinon tant tenu tant pay?. Et que chascune desdictes parties estoit en son entier pour n'en retenir riens se bon ne luy sembloit. Et disoit oultre que veu que la dessusdicte fondation estoit faicte pour le salut de l'ame & pour convertir en piteux usages le dessusdit procureur d'amours n'en doibt riens avoir ne demander. et par ses moyens conclurent affin de absolution Surquoy finablement parties ouyes elles furent appoinctees en droit et depuis lesdictz conseilliers du tresor par leur sentence condampnerent ledict amoureux deffendeur a faire amortir a ses despens ladicte rente. Et avecques ce ordonnerent et appoincterent qu'il seroit tenu et oblig? de bailler de trois bourses l'une & pareillement la tierce partie des cordelieres soursainctes/ et boucquetz/ et aultres choses/ que ycelle religieuse luy envoyeroit jusques ad ce que ladicte fondation fust deuement amortie. de laquelle sentence ledit demandeur s'est tenu pour grev? et en appelle en la court de ceans ou ledict proc?s a est? receu pour juger. Si a la court veu icelluy proc?s et tout ce qu'il failloit veoir en ceste matiere a grant & meure deliberation et tout veu dit qu'il a est? mal jugi? par lesdictz conseilliers/ et bien appell? par l'appellant/ et en amendant le jugement la court absoult des impetrations et demandes a luy faictes par ledit procureur d'amours et ordonne que les bourses soursainctes cordelieres et biens qu'il avoit est? contraint de conseigner en main de justice lui seront rendus et mys a plaine delivrance.

? Le .viii. arrest.

Par vertu de certaines lettres de chancellerye d'amours ung amant ja pie?a feist mettre ung beau cordon tout plain de fleurs en main sequestre/ et disoit pour soubstenir sa main mise que sa dame lui avoit donn? ledict cordon pour le mettre a son chappeau affin qu'il eust souvenance d'elle et ung jour a une feste en ostant son chapeau de sa teste ledict cordon eschappa et le perdit dont il fut dolent. Et pour ce que depuis il l'a trouv? es mains de ung aultre amoureux deffendeur de sa partie adverse il la faict arrester et concluoit tout pertinent a matiere d'arrest en requerant que ledit cordon luy fust restitu? et mys en plaine delivrance de la partye dudict deffendeur si fut deffendu au contraire & disoit qu'il estoit bien d'accord avecques ledit demandeur que la dame dont estoit question le avoit fait de sa main et que elle luy avoit donn? par grant excellence de joye/ mais iceluy demandeur comme ingract ne en avoit tenu compte/ ain?oys pour certaines menues parolles que elle luy avoit dictes en se jouant & rigolant de ce qu'il mettoit la houpe dudit cordon trop sur le cost? cestuy amoureux demandeur remply de impacience avoit rendu et gect? par despit ledit cordon a celle dame & a celle dame a aussi clerement se par domination ou autrement s'il y avoit eu droit si s'en estoit il depparty/ et n'en pouoyt plus riens demander/ mais debvoit encores selon les droictz d'amours estre griefvement pugny veu que en ce faisant il estoit encouru en voye d'ingratitude disoit oultre ledit deffendeur que ladicte dame avoit aussi fait serment qu'en disoit de ycelluy demandeur ne rauroit jamais ledit cordon & puis l'avoit liberalement donn? de bon cueur audit deffendeur a la charge touteffois de le porter pour l'amour d'elle comme il avoit fait/ parquoy ledit arrest ne se pouoit soubstenir/ ne requerir mainte levee ne provision d'avoir ledit cordon a sa caution. A quoy de ladicte partie de ce demandeur fut repliqu? au contraire disant que toutes et quanteffoys que il trouve ce qu'il luy appartient et par don il le peult prendre de fait et faire proceder par voye de arrest comme sadicte chose Or disoit il que le cordon luy appartenoit de don a luy faict par sa dame ledit deffendeur confessoyt mesmement. Et ainsi l'arrest estoit bien recepvable. Et au regard de ce qu'il avoit reget? par despit n'estoit pas vray/ mais disoit que pour ce que ladicte dame luy reprochoit bien ledict cordon & que luy sembloit qu'il en devoit estre plus subgect vers elle/ iceluy demandeur luy avoit rebaill? en ceste intencion/ et touteffoys pour le luy garder. et nompas pour le donner a ung aultre amant. Disoit oultre plus que ce n'estoit pas trop grant honneur audict deffendeur de se vouloir ainsi fringuer/ ou de vouloir porter des biens dont les autres avoyent par avant fait leurs monstres et grans jours et quant a la provison n'en escheoit point/ mais se la matiere estoyt disposee a embellir/ elle luy debvoit estre faicte avant que audit deffendeur veu que il estoit despoint? et mesmes que pour enrichir et embellir le dessusdit cordon il luy avoit faict mettre quatre ou cinq perles & de menues pensees tout a l'entour. Surquoy ledit deffendeur dit au contraire que des incontinent que ung amant contemne les biens donnez par sa dame de quelque estat que il soit il se rend indigne de les tenir & posseder & peult bien icelle dame les luy oster & faire arracher devant tout le monde/ et puis le donner ou il luy plaist. et ne portoit pas ycelluy deffendeur ledict cordon pour faire quelque desplaisir audit demandeur/ mais tant seulement pour complaire a ladicte dame & luy obeir comme il estoit tenu de faire. Les parties ouyes a plain furent appointees par le juge ordonn? en droit & depuis par sa sentence les appointa contraires et en enqueste. et au regard de la provision requise par chascune des partyes il ordonne que en baillant caution par ledit deffendeur de rendre et restituer ledict cordon toutes & quanteffois que il seroit ordonn? il luy seroit rendu et delivr? pour en jouyr pendant le proc?s soubz la main d'amours & jusques a ce que aultrement en fust appoint? & sans prejudice des droictz de parties. De laquelle sentence ledict demandeur c'est tenu agrav? et a appell? en la court de ceans ou ledict proc?s a est? receu pour juger. et si a la court veu ycelluy proc?s et tout ce qui faisoit a veoir en ceste matiere/ et tout veu dict que tant que le juge ordonna que ledit cordon seroit entierement rendu et delivr? audict deffendeur sans declairer que les perles et menues pensees que ledit appellant y avoit faict mettre du sien a sa plaisance en seroyent ostees que il juge mal. Et au surplus bien en amendant le jugement la court dit que lesdictes menues pensees faictes a perles seroyent premierement ostees dudit cordon et baillees au demandeur pour en faire ce que bon luy semblera & au surplus renvoyez les parties a huytaine par devant ledict juge pour proceder sur le principal ainsi qu'il appartiendroyt par raison.

? Le .ix. arrest.

Par devant le marquis des fleurs et violettes d'amours c'est assis ung aultre proc?s d'ung amoureux demandeur d'une part & une jeune amye deffenderesse d'aultre part sur ledit amoureulx disoyt que tous les plus grans biens qui sont en amours/ c'est entretenir les cueurs l'ung de l'autre en perfaicte aliance et union d'amyti? et que toutes et quanteffois que ung amant ou une dame est vaquant ou que elle s'entremect de complaire a plusieurs c'est signe que son cueur n'estoyt point entier en loyault? et que l'on ne se doibt pas trop fier/ or se pressuppose disoit que ceste dame cy avoyt faict plusieurs promesses. Et entre les aultres que jamais elle n'auroit aultre que luy tant qu'il seroit vivant/ et luy pareillement a elle si en avoyent faict serment l'ung a l'autre sy grant et solempnel que faire peust en tel cas/ et ainsi se avoyent promys qu'ilz ne feroient chose a leur pouoir par quoy nul d'entre eulx y peust prendre ne avoit desplaisir/ mais ce nonobstant ladicte dame puis nagueres de temps en ?a s'entremettoit d'entretenir plusieurs aultres gallans par parolles et tresbelles cheres deffendues en tel cas. Et oultre plus pendoit tous les jours en sa sainture et en sa quenouille boucquetz nouveaulx et fleurs estranges sans ce que ledit amant les luy ayt donnees dont il a ung peu de mal en sa teste/ car aulcunesfoys quant il est dedans son lict et s'esveille sur ce point il mect bien trois heures a soy endormir Et pource concluoit que sa dicte dame fust contraincte et condampnee a ne plus porter boucquetz ne fleurs en quelque maniere que c'est synon qu'il les luy donne ou qu'il en soit d'accord/ et aussy qu'elle ne face chiere a aultruy sinon a luy seul et ainsi qu'elle avoit promis et offert de sa part s'elle prenoit plaisir en fleurs/ et boucquetz de luy en faire bailler et avoir tous les jours tant qu'elle vouldra affin qu'elle n'eust occasion de prendre aillieurs De la part de ceste dame deffenderesse fut deffendu au contraire et dysoit que quelque promesse que feissent dames doibvent entendre civilement c'est assavoir la ou sera leur plaisir & ne donne encore jamais si grant auctorit? qu'ilz n'en retiennent tousjours aulcune chose devers elles & qu'elles ne soient sur leurs piedz pour user de leurs voulent?s et plaisirs car elles sont dames Disoit de rechief avecques ce que ledict amant a tort de se plaindre de ce qu'elle porte boucquetz et viollettes & qu'elle tient langaige a trop de gens Car suppos? qu'elle luy ait promis de l'aimer bien & loiaument elle n'est pas pourtant liee ne obligee qu'elle puisse parler a aultre que a luy et prendre desdictes viollettes et boucquetz s'il ne luy en donne ung. Aussi le contract qui seroyt fait autrement ne se pourroyt soubtenyr car l'en scet que dames ne peuent renoncer aux biens qui leur peuent venyr et ont don et previleges de nature de rire & faire bonne chiere a tous affin que nulz ne puissent dire qu'elles soient mal gracieuses. Et appert bien que ledict amant est bien jeune simple et mal conseill? de intenter proc?s et fayre debat pour cecy. Car de tant qu'il auroyt vers elle plusieurs/ requerans et serviteurs et qu'elle l'avanceroit et aymeroit encore mieulx par dessus les aultres de tant auroit il plus de bien et en seroyt plus honnour?. Mais il entend mal son cas car il seroit content qu'on l'alast acoller devant tout le monde et qu'elle ne parlast a aultres que a luy affin qu'on die qu'il eust le bruyt qui n'est pas la maniere. Au regard des boucquetz et fleurs il a tort de s'en plaindre/ car elle a en sa maison des violettes et marjolaynes ou elle les prent. Et pose qu'on les luy donnast si n'y peust il avoir interest/ car l'imposition ne luy en est deue/ et si n'est chose ou l'en se doit gueres arrester veu que la fleur et odeur s'en passe de legier. Et quant a l'offre qu'il luy fait de l'en fournir respondit qu'elle n'en avoit cure/ et ne voulloyt point nullement du monde qu'il ait occasion de les luy reprocher si concluoit par ces moyens affin d'absolution et de despens. Sur quoy ledit demandeur disoyt au contraire que telz boucquetz perles et menues choses sont cause aulcuneffoys de esmouvoir les cueurs et faire bailler les bont?s a aultres qui point ne s'en doubtent. Finablement partyes ouyes furent appointees en droit & par sentence s'y absolut ceste deffenderesse de impetrations et demandes de ce demandeur en luy permetant s'elle vouloit en tant que mestier estoit de parler rire salluer et porter boucquetz toutes et quanteffoys qu'il luy plairoyt et bon luy sembleroit. Et condampner ledit amant en ses despens dont il sentit grev? et appella en la court de ceans ou le proc?s a est? receu pour juger. Sy a la court veu ledit proc?s a grant & meure deliberation et que faisoyt a veoir en ceste matiere. Et tout veu/ dit qu'il a est? bien jugi? et mal appell? et l'amendera l'apellant en le condampnant es despens de la cause d'appel la tauxation reservee par devers elle.

? Le .x. arrest.

Devant le juge de la garde des seaux establ?s aux contractz d'amours il c'est assis ung autre proc?s entre ung amoureux demandeur en matiere de recision de contrat usuratif d'une part/ & une sienne dame et amye deffenderesse d'aultre part. Et disoyt ledict demandeur que de raison & selon les ordonnances toutes usures sont en amour prohibees et deffendues et que l'en n'en doibt point user. Or ce presupos? disoit que du temps que il accointa ladicte dame luy estant en la grant chaleur et voulant bien complaire a elle se ingera pour entrer en la grace de luy offrir corps et biens en luy faisant plusieurs dons et gratuites/ & fut bien vray que en ce temps ledit gallant qui estoit fort feru et surprins de l'amour de elle et ne luy chaloit qu'il feist luy promist & obligea de luy mener toutes les festes de l'annee entre minuyt/ Et le point du jour le tabourin et les bas menestriers pour la resveiller en son lict et oultre luy promist de luy donner a toutes les estraines ung beau chapperon de demy graine et aussi une robbe neufve a chascun premier jour du mois de may de telle couleur qu'elle la vouldroit et aussi estoyt obligi? de changer et porter pour l'amour d'elle tous les moys une robbe neufve a la devise d'elle lesquelles choses il avoit continuees ja par long temps Mais il en estoit fort lass? veu que la charge estoyt bien grande et disoyt que ledict contract ne se pouoit pas soubstenir/ car pour les biens/ et plaisirs dessusdictz qu'il estoyt tenu de faire a ladicte deffenderesse s'il ne amendoit d'elle il n'en avoyt pour toute recompence que ung seul baiser quant il la pouoyt trouver a part qui n'estoit pas juste ne egalle recompensation. Et aussy la deception y estoit toute clere. Et disoyt en oultre/ que lesdictz menestriers et robbes et chapperons sans les autres bagues ne la paine de luy pour la poursuitte coustoyt tous les ans une grant somme d'argent qui luy convenoit bailler et trouver/ et payer de sa bource pour complaire a elle & luy faire plaisir/ et touteffoys de son cost? ne luy donnoit que ung seul baisier ne n'y mettoit du sien que la bouche/ ou la joue enquoy elle gaignoyt plus de la moyti? et sans main mettre parquoy l'usure y estoit toute clere et pource elle concluoit et requeroit ledict amant que ledict contract feust recind? et adnull? et demandoit despens. De la partie de ladicte deffenderesse fut deffendu au contraire et disoit que de l'appeller usuriere ledict amant avoyt grant tort car avecques luy elle n'avoit gueres gaign?. Mais il advient souvent que pour faire plaisir l'en a dommage. Et pour passer oultre disoyt que se elle ne l'eust jamais trouv? luy eust est? grant prouffit/ pour luy avoit souffert de malles nuytz dont elle estoyt petitement recompensee et ne failloyt point qu'il se plaingnist dudict contract/ car ne luy avoit pas faict faire/ mais luy mesmes l'avoit poursuivy et chass?. Disoit aussy qu'elle ne le contraignoyt point de envoyer aulx festes les menestriers devant son huys ain?oys y venoient jouer telles fois qu'elle eust bien voullu qu'ilz en eussent est? bien loing Car de les ouyr quant l'en a pas le cueur en joye est regrettement de dueil et plant? de pleurs et de lermes Et quant est des robbes si luy en a donn? plusieurs et elle les a voulu prendre de tant luy a fait plusgrant plaisir/ et en est bien tenu a elle veu qu'elle luy avoit faict plus d'honneur qu'il ne luy apartenoit de les avoir vestues & portees pour l'amour de luy. Et entant que toutes les robbes neufves dont il s'abiloit tous les mois ladicte deffenderesse disoit qu'elle n'y avoit gaign? ne prouffit et que s'il en voulloyt avoir tous les jours elle ne l'en pourroit pas garder: Disoyt oultre pour respondre au faict de partie que toutes les robbes/ et tout l'argent qu'il s?auroit en tout le monde finer pour faire dons et gratuyt?s ne sont a comparager seullement a la moyti? d'ung baiser/ Car s'il failloit faire estimation ou prisation de l'ung a l'autre et que ce fust chose que l'en peust priser ou estimer l'en trouveroit sans comparaison que la moyti? d'ung seul baiser d'une dame octroy? de bon cueur vault mieulx que tous les biens ne l'argent que on s?auroyt donner. Or avoyt ledict amoureux ung baisyer d'elle tout entier et par sa confession mesmes prinse en son prejudice Parquoy de dire le contract feust usur? n'y avoit apparence nulle. Disoyt aussy que ung baisier est reput? en amours pour chose singulliere et espirituelle & qu'on ne le s?auroit trop vendre ne acheter mesmement quant il est procedant de joye et qu'il y a embrassement Si le doit par ses moyens ladicte dame affin d'absolution et de despens. A quoy ledict demandeur par ses replicques disoit que touchant ledit baisier il en avoit autant de payne comme elle & de la joye qu'il en yssoit elle en amendoit aussi bien comme luy parquoy il ne pouoit cheoir en compensation. Et sur ce dupliquoit la deffenderesse que le bien qu'il procede d'ung baiser vient de la grace de la dame qui le donne et nompas de celuy qui le requiert/ car le plaisir vient d'elle et multiplie la joye de celluy a qui il est donn? pource dyent les maistres que telz biens ne sont a donner ne a gar?onner/ ains il fault que ung homme soyt bien experiment? et qu'il ait bien servy avant que il soit digne de avoir ung baisier. oyez lesquelles parties elles furent par ledit juge de la garde des seaulx appoinctees a produire et en droict. Et depuis par sa sentence il dist et declaira que ledit contract ne estoit point usurier/ et absolut ladicte dame de ses petitions et demandes & le condampna es despens dont il appella en la court de ceans ou ledit proc?s a est? receu et conclut pour jugier/ et a ladicte court veu ledit proc?s et tout ce que il faisoit a veoir en ceste matiere/ Et tout veu dict que il a est? bien jug? et mal appell? par ledit amoureux et l'amendera et payera tous les despens de la cause d'appel la tauxation reservee a ycelle.

? Le .xi. arrest.

Devant le maistre des forestz et des eaues sus le faict du gibier d'amours c'est assis ung aultre proc?s entre une jeune dame demanderesse d'une part/ & ung sien serviteur jadis amy deffendeur de l'aultre part. Et disoit ladicte demanderesse que a ung soir bien tard que il faisoit chault & que le soleil estoit pres de coucher elle & ledit amant et plusieurs de ses amys/ voisins s'en allerent baignier sus ung gravier d'une ysle et chasser aux poissons/ et furent les ungz mis en ordonnance pour tenir les rethz et filetz et les aultres pour courir devant le poisson/ et le faire courir devant les rethz. or advint que en courant ledit amoureux qui avoit tousjours l'oeil sus elle et plus que a prendre le poisson se vint aborder a l'encontre de elle/ et combien qu'il eust assez place pour tirer son chemin ailleurs toutes voyes tout en soursault/ et en ung moment il luy feist le jambet tellement que ceste povre femme cheut a terre & que sa cotte simple fut mouillee & gastee dedans la riviere Et ne fut pas encores content mais en faisant semblant de la relever il luy meist la main sur le tetin et la pressa tresfort dont elle fut toute esmeue au lict malade par bien long temps parquoy elle requeroit a l'encontre dudit amant qu'il en fust tresgriefvement pugny de pugnition publicque ainsi que le cas le requeroit et tellement que les aultres y puissent prendre bonne exemple. de la partie dudit amant fut dit tout au contraire que vrayement il est vray/ que ladicte dame et plusieurs aultres prindrent complot de leur baigner et chasser aux poissons et puis fut ledit amant mis a l'avantgarde pour chasser ledit poisson devant & elle estoit d'ung autre cost? & tenoit les rethz & le filet. Si advint que comme il choisit le poisson il mesmarcha pour ung gros chaillou que il trouva qui le feist tumber sur elle et tellement que tous deux cheurent dedans l'eaue/ mais dieu mercy ne c'estoit point fait de mal car l'eaue n'estoit point grande et si estoit en plain sablon. et disoit oultre sus sa foy que en chayant il ne l'avoit tastee ne pincee ne ne eut pas le loysir de ce faire pour l'eaue dont il estoit tout esblouy/ et ne luy cuydoit avoir faict aucun mal. or disoit il que de la cheuste il n'en pouoit mais/ car le cas estoit advenu qu'il ne l'a pas fait cheoir en son escient si l'en ne luy en pouoit riens demander. et au regard de la cotte simple/ et aultres habillemens d'elle qu'elle disoit estre gastez aussi avoyent est? pareillement les siens/ et si avoit est? autant moull? comme elle/ & par ces moyens tendoit affin d'absolution et de despens. ledict procureur d'amours dessus le fait des eaues et des forestz disoit que par les ordonnances il est deffendu de ne point chasser a engins par lesquelz l'on puisse prendre teteins en l'eaue/ et requeroit que cest amant fust condampn? en une bonne et tresgrosse amande. Mais ledit amoureux disoit au contraire que ce n'estoit raison car il n'avoit faict chose digne de reprehension/ ne touch? au tetins dont il ait souvenance/ et se d'advanture sa main y avoit fray? qu'il ne confesse encore pas si auroyt ce est? en tumbant & cheant et estoit force qu'il se soubstint a quelque chose/ mais quoy qu'il en soit ladicte dame ne en avoit point est? blecee/ et pource concluoit comme dessus affin d'absolution. Surquoy ladicte demanderesse disoyt que la cheuste estoit trop lourde/ et qu'il ne s'en pouoit excuser/ car il l'avoit fait d'aguet a pense & propos deliber? pour parvenir a ses attaintes et en verit? s'il ne lui eust fait oultraige elle n'en eust daingn? parler Finablement parties ouyes elles furent appointees contraires et en enqueste & depuis ladicte enqueste faicte et le proc?s appoint? en droict le maistre des eaues et forestz condampna par sa sentence ledict amoureux deffendeur a faire faire a ladicte dame une cotte simple verte en lieu de la sienne qui avoit est? gastee et a la porter en sa main et seroit tenu de se encliner devant elle en ostant son chapperon seulement et dire ces motz a genoulx. Madame par l'ordonnance de justice je suis contrainct de me venir rendre a vostre grace & mercy si vous prie que vous prenez en gr? ceste robbe verte que je vous donne de bon cueur & au regard du demourant ne vous en souviengne plus car sur ma foy je ne le fis oncques en intencion de vous courroucer ains aymeroye mieulx estre mort et au surplus furent les despens recompensez d'ung cost? & d'autre De laquelle sentence ledit deffendeur en appella en la court de ceans ou le proc?s a est? receu pour juger si a la court veu ledit proc?s l'enqueste aussi & tout qu'il failloit veoir en ceste matiere & tout veu dit qu'il a est? bien jug? par ledit maistre des eaues & forestz et mal appell? par l'appellant & l'amendera & condampne es despens

? Le .xii. arrest.

Par devant les dames de conseil d'amours en ladicte chambre de plaisance c'est assis ung autre proc?s entre ung aultre tresbeau et jeune filz bien amoureux demandeur & complaignant en cas de saisine et de nouvellet? d'une part & une gracieuse dame deffenderesse d'autre part. Et disoit ledit demandeur que ja pie?a par alliance d'amours luy et elle se donnerent l'ung a l'autre et promirent de vivre et mourir ensemble comme deux vrais amans sans jamais departir par quelque malheurt? qui peust advenir et en ce point en conferment l'aliance en eut plusieurs baisers donnez de si tresbon cueur que les larmes en venoyent de joye aux yeulx d'ung chascun. Disoyt avec ce ledit amant que apr?s l'alliance et confirmation ainsi faicte sollempnellement eulx deux promisrent encore qu'ilz seroyent communs en biens & que l'ung ne feroit jamais chose qui despleust a l'autre mais ce que l'ung vouldroit l'autre consentiroit/ affin que l'amour durast tousjours. or disoit ledit demandeur que a ce tiltre & par les moyens dessudictz avoit droit & estoit en bonne possession et saisine que ladicte dame ne pouoit ne debvoit acointer ne s'ayder d'autre que luy ne luy faire autre chere. en possession & saisine qu'elle ne leur debvoit ryre ne faire le petit genoul. en possession et saisine qu'elle ne debvoit saluer ne parler a eulx en quelque maniere que ce feust s'il n'y estoit present. en possession et saisine qu'il devoit & est sur tous le mieulx aym? & recueilly grandement quant il parle a elle sans luy rechisgner ne tourner la teste de cost? ne d'aultre. en possession/ et saysine que quant il se veult esbatre avec elle & luy doit dire les sornettes qu'elle luy doit respondre gracieusement comme elle faisoit au commencement & en riant sans le mespriser ne contempner. En possession & saisine que quant elle veult aller jouer et esbastre aux champs qu'elle luy doibt faire assavoir pour y aller ou sans y mener d'autres. en possession & saisine qu'elle ne doit souffrir prendre les liens de sa chausse/ aulcuns qui en font les sursaintes & qui les portent entour eulx en lieu de sainctures. En possession & saisine que se d'advanture il la boutte en passant par la rue par le cost? ou qu'il gecte une violette que elle ne luy en doit point gecter les groins ne faire aulcun semblant qu'elle en soit courroucee. en possession et saisine que s'il arrive en son hostel ou en aultre lieu ou elle soit assise elle doit reculer sa robbe pour luy faire place. Mais ce nonobstant ceste deffenderesse depuis ung peu de temps en ?a luy a tenu et tient les plus estranges termes du monde/ car quant il la salue et rencontre elle n'en tient compte/ ains faict semblant qu'elle ne le vit jamais. Et avec ce tient parolles a plusieurs autres galans en leur faisant plus grant chiere que a luy & luy sembla maintenant qu'elle preigne a desplaisir tout tant qu'il luy dit & faict. Et bien souvent quant elle le voit d'ung cost? elle va de l'autre en le mocquant & desprisant & mettant a non challoir le temps passe et l'alliance qu'elle a faicte. Et oultre plus quant il se veult jouer a elle ainsi que il avoit accoustum? elle l'injurie & menasse de frapper & ce fait n'a pas granment qu'il tiroit sa quenoille par derriere elle se courrou?a moult aigrement et jura que s'il y venoit plus elle luy en bailleroit sur la teste en troublant & empeschant ledit complaignant en ses possessions & saisines a tort & sans cause indeuement & de nouvel puis an et jour en ?a. Et pource concluoit en matiere possessoire tout pertinent/ & en cas de delay demandoit la recreance Et pour deffence ladicte deffenderesse disoyt que de raison naturelle feminine nulle dame n'est tenue d'aymer se la personne qui la requiert ne luy plaist ou agree et que aultrement le faire seroit trop a contempner tous les biens d'amours qui viennent de plaisir et joye. or ce pressupos? disoit que cest amant se fyoit trop en ses pensees et folles ymaginations Il cuidoit que tout ce qu'il pourpensoit devoyt advenir/ dont il estoit bien loing ne n'estoit coustume a advenir a telz biens par force et pour parler a cheval veu que tous ceulx qui se humilioyent jusques en terre et qui ne servent que d'obeyr et complaire a grant paine y peuent parvenir. Disoit avec ce qu'elle l'avoit aym? comme femme doit aymer ung chascun/ mais qu'il y eust aliance ou promesse particuliere entre eulx deux et telle qu'il l'avoit baptisee il ne la trouveroit point/ car tousjours avoit est? entiere et maistresse de soy comme encore avoit intencion d'estre/ et ne failloit point qu'il se plaignist d'elle atendu que a luy ne a aultre n'a mal fait. Et quant est des possessions qu'il prenoit a l'encontre d'elle disoit qu'elles n'estoyent recevable car selon raison gardee en matiere d'amours on ne peult empescher que femme ne caquette/ parle/ salue/ rye/ ou bon luy semble. Et d'aultre part ung serviteur ne doit estre receu a prendre complaincte contre sa dame tout ainsi que ne fait le vassal contre son seigneur. Et la raison est bonne/ car ce seroyt attribu? domination & seigneurie a ceux qui n'en ont point et qui n'en peuent avoir sinon par le moyen et courtoisie des dames/ et par ainsi doncques ce ceste dame avoit de grace aym? le gallant Cela pourtant ne l'obligeoit pas a l'aymer tousjours ne n'y avoit point d'aparence de dire qu'elle fust contrainte faire ce qu'il vouldroit bien souvent pensee de femme se change Et au faict de la quenoulle respondit que voirement pour ce qu'elle n'estoit lors en ses bonnes qu'il vint a elle tout estourdy se elle l'eust peu attaindre elle l'eust frapp?. disoit oultre que par les moyens dessusditz estoit en possession et saisine de resister et esloingnier ledict amant et de ne luy faire chiere ou feste comme au plus estrange d'alemaigne en possession et saisine de luy dire plainement allez vous en vous m'ennuy?s et de contredire a toutes ses voulent?s en posession et saisine de ne le daigner regarder ne dire a dieu s'il ne luy plaist se bon luy semble en possession et saisine qu'il ne se peult nommer ne dire son serviteur ne tenir riens d'elle en possession et saisine de tout ce qu'elle fait ou dit qu'il ne luy appartient point de parler ne de mot sonner. en possession et saisine que s'il veult avoir dame qu'il la doit aller querir ailleurs. En possession et saisyne s'il estoit efforc? ou effor?oit de faire le contraire des possessions et saisines dessusdictes de le contredire & empescher et le tout luy fayre reparer et mettre par justice au neant et au premier estat et deu en proposant du cost? d'elle possessoire pertinent et en cas de delay demandoit la recreance mais sur ce ledit amoureux qui replicquoit et disoit que au regard de nyer l'aliance & promesse faicte entre eulx ladicte dame avoit grant tort car elle avoit passees et accordees par serment mais d'en faire apparoir par lettres que ledict complaignant ne pourroit pource que alors n'y avoit que eulx deux & au regard la jouissance et possession qu'il avoit eu depuis au moyen de ce il la prouveroyt aussy clere que le jour Parquoy devoit souffire a son intencion/ disoit aussy que ses possessions estoient bien recepvables car elles ne tendent que a acomplir et executer ce que sadicte dame mesme la voulu. C'est assavoir de ne faire chose a son pouoir qui luy puisse tourner a dommaige & ennuy Or disoit il qu'il n'est aujourd'huy plusgrant desplaisir que de veoir ung estrangier festoier & avoir le bien qu'on a desservy/ parquoy il estoit bien fond? et ne vouloit point ledict complaignant empescher qu'elle ne parlast rie ou fist bonne chere a qui bon luy sembleroit/ mais qu'il feust toutsjours bien venu et aussi qu'il feust asseur? que quelque chose qu'elle fist aux aultres si seroyt mieulx aym? dont elle faisoit le contraire/ car elle le rigolloit plus que se jamais ne l'eust veu & suppos? que l'on dit que subgect ou serviteur ne peut intenter complaincte contre sa dame/ toutesfois il disoit que ceste raison n'avoit point icy lieu/ car pour le moyen de la solution & aliance qu'elle mesmes avoit fait il estoit devenu seigneur & avoit autant de puissance qu'elle ne plus ne mains ne n'eust pas deffendu que ung subgect et serviteur ne se puisse complaindre de sa dame ains est permis de droit quant elle le griefve ou luy fait extorcion comme au cas qui souffre. Aultrement aussi n'y auroyt jamais reparation et seroient povres amoureux et trop tenus de court mal traictez & concluoit comme dessus Mais ceste deffenderesse disoit au contraire que tous les biens d'amours gisent en grace des dames et qu'on ne se peult complaindre. car elles mesmes ne sont pas maistresses pour ce qu'il fault que les biens voisent aux sainctz a qui ilz sont vouez et ou amours les veult departir et ainsi doncques de se plaindre d'amours qu'il fait departir la grace ou il luy plaist la complaincte n'est recevable et n'y faisoit riens l'aliance car telz biens ne se peuent par aliance obliger ne engaiger ain?oys toutes promesses qui seroient & sont faictes au contraire et prejudice des dames sont nulles ipso jure ne n'en fault point de relievement et la raison est bonne car dames sont exemptes de force & servitude et fault venir a elles par supplication & par ainsi donc d'y venir par complainte & prendre telles possessions pour les mettre en subjection et servitude n'y auroit point d'apparence/ surquoy parties ouyes finablement lesdictes dames du conseil d'amours en la chambre de plaisance les appointerent de faire de chascun cost? examen de .xii. tesmoins pour valoir a fin principal que de recreance et depuis ledit examen fait & que les parties eurent produit icelles dames du conseil par leur sentence dirent et declarerent que cest amoureux demandeur ne faisoit a recevoir comme complaignant et que a tort il c'estoit dolu et complainct que a bonne et juste cause ladicte deffenderesse c'estoit opposee et la maintindrent & garderent es possessions & saisines par elles pretendues en levant et ostant la main d'amours et tout empeschement a son prouffit et si le condampneront a ses despens. De laquelle sentence ledit amoureulx c'est sentu agrav? et en a appell? en la court de ceans ou le proc?s a est? receu pour juger sauf a faire droit prealablement sur l'enterrinement de certaines requestes civilles lesquelles avoyent est? obtenues par ledict appellant pour estre receu a produyre ung pied de voultour d'argent dor? que sa dame luy avoit donn? pour curer ses dens avec ung petit d'or fait a lermes qu'il avoit tousjours port? et portoit encores pour l'amour de elle entre la chemyse et la chair affin de monstrer par ce de sa pocession: et aussi de l'acointance qu'il avoit eue avecques elle laquelle avoit ni? lesquelles choses avoit obmis de produire en son proc?s principal pour oubliance Si a la court finablement veu ledit proc?s examens requestes civiles & tout ce que faisoit a veoir en ceste dicte matiere et tout veu la court dit qu'elle ne obtempere point a la requeste civile/ neantmoins qu'il fust mal jugi? par lesdictes dames du conseil et bien appell? par l'appellant et en amendant le jugement la court dit que ledict complaignant est bien a recepvoir & que a juste cause il s'est doulu et complainct et que a mauvaise cause ladicte deffenderesse s'est opposee/ maintient et garde la court icelluy amant complaignant en toutes ces pocessions & saisines en levant et ostant la main d'amours et tout empeschement a son prouffit/ et si condampne la court ladicte intimer es despens de la cause d'appel et principal la tauxation reservee par devers elle.

? Le .xiii. arrest

Devant le prevost d'aubepine c'est assis ung proc?s entre les hoirs & heritiers d'ung gratieux jeune amoureux demandeur d'une part et une dame jadis son amye deffenderesse d'aultre. Disoit ledict demandeur/ que le deffunct en son vivant estoit bien aly? avecques la dame qui l'a bien servi jusques a la mort/ disoit que en faisant l'inventoire des biens l'on a trouv? en son coffre une lettre de sa main signee d'elle par laquelle il avoit droit de prendre et avoir d'elle tous les jours ung doint bon jour et luy debvoit faire la dame le petit genoul quant le rencontreroit. Or disoyent qu'il estoit all? de vie a trespas delaiss? lesditz demandeurs ses plus prochains heritiers habilles a luy suceder ausquelz maintenant appartenoit la debte et revenue qu'il avoit et pource requeroient iceux demandeurs que ladicte deffenderesse feust condamnee a leur paier les choses dessusdictes/ et a leur continuer et entretenir comme heritiers dudyct deffunct. Ledit genoul leur dieu vous gard/ quant elle les rencontreroit et a leur bailler ung boucquet comme elle estoit tenue de faire a leur frere. A ces fins ilz concluoyent despens. De la partie de la dame si fut deffendu au contraire/ et disoyt que se on fait du plaisir et des biens aux ungz l'en n'est pas tenu de les faire aux autres/ et au regard du deffunct elle l'avoit voirement bien aymee jusques a son trespas. disoit aussi qu'il estoit bien vray que pour la grant loyault? qu'elle sentoit aucuneffois a luy elle luy faisoyt de bon gr? aucuns biens qu'elle ne vouloit pas faire a ses heritiers/ car elle ne les congnoist ne ne scet qu'ilz sont si non par ouyr dire/ et quant est de la lettre ou scedulle dont il se veulent ayder elle n'estoit point congneue/ parquoy n'emportoit ypotecque d'obligation. Disoit oultre que pos? qu'elle feust obligee envers ledit deffunct si n'en pouoient ilz faire poursuytte car par la coustume notoire et gardee en matiere d'amours toutes et quanteffois que deux personnes sont allyez en amours et l'ung va de vie a trespas/ Adoncques les biens qui estoient communs ensemble se departent et sont estaings ne n'y peuent les heritiers succeder car telz biens sont personnelz et n'ont point de suyte/ ains des incontinent que la mort vient il meurt ensemble ne n'ont point vigueur et disoient lesditz heritiers ne faisoient a recepvoir/ et que s'ilz estoient recepvables que si estoient elle en voye d'absolution/ et demandoit despens. Les demandeurs pour leurs replicques disoient que se ledict deffunct eust est? tenu en aulcune chose vers elle que elle en eust bien voullu estre paiee d'eux parquoy c'estoit raison pareillement qu'ilz en eussent ce qu'elle luy devoit veu qu'ilz estoyent ses heritiers. La deffenderesse disoit qu'il y a autant de difference de debte deue a cause des biens temporelz & des biens d'amours comme de blanc a noir et que l'une n'ensuit point la nature de l'autre Disoyt aussi que si leur faisoyt avoir le petit genoul et ung dieu vous gard il conviendroyt diviser les biens d'amours et la renderoit la mort subgecte de fayre d'eux plaisirs pour ung qui estoyt contre raison. Parties ouyes le prevost les appointa a produire en droict puis par sentence declara que les heritiers ne faisoient a recevoir en absoulant la deffenderesse des impetitions et demandes et les condempna es despens Ilz ont appell? en la court de ceans la ou le proc?s a est? receu pour juger et veu le proc?s et tout ce qu'il failloit voir en ceste matiere ladicte court dit qu'il a est? bien jug? mal appell? par lesdictz appellans et l'amenderont d'une amende seullement et si les condampna es despens de la cause d'apel la tauxation reservee vers elle.

? Le .xiiii. arrest

Par devant le seneschal des ayglantiers c'est assis ung autre proc?s entre ung demandeur en matiere de retrait lignaigier d'une part. Et disoit ledit demandeur que ung sien frere et compaignon d'armes acquesta ja pie?a d'une tres belle dame ung baiser toutes les sepmaines dont il a longuement jouy et estoit vray que puis ung an en ?a ycelluy du consentement d'elle et pour son bon plaisir avoit vendu et transport? ledict baiser et le droit qu'il avoit en icelluy audit amant deffendeur en sa partie adverse pour certain pris convenu entre eulx/ or disoit ledit demandeur qu'il estoit le prochain lignaigier d'ycelluy vendeur parquoy a venir au retraict avoit droit et pource requeroit que ledit deffendeur feust condampn? a luy delaisser ledit baiser & offroit bourses et deniers en ce cas de delay/ demandoit despens/ dommages et interestz de la partie dudit deffendeur fut deffendu au contraire/ et disoit que en amours ne y a point de retraict. Car les biens qui en procedent ne descendent point de ligne directe ne colacteralle ne ne peult estre heritage perpetuel/ si non a ceulx qui les acquierent et si ne les peut encores transporter ne alliener a autre ce n'est par le gr? & consentement d'elle dont ilz procedent & fault encores qu'il y ait interposition de decret d'elle qui y consente ou autrement tout seroit nul. Disoit oultre que ledit demandeur ne pouoit venir a retraict/ car point n'y avoit vendicion mais estoit une pure donnation que ladicte dame luy avoit faicte ainsi que loisible luy estoit en faveur de celluy dont il a le droit qu'il avoit moult pry? de luy donner ledict baiser en son abscence. Et par ses moyens tendoit a fin d'absolution de despens Le demandeur disoit au contraire pour ses repliques que puis qu'il y avoit transport? & qu'il estoit lignaiger du vendeur il devoit estre receu audit retraict. Car c'est la plus convenable chose que les biens voisent aux prochains que aux estranges. Et au regard de la dame il disoit que elle debvoit estre contraincte d'y consentir & le deffendeur a s'en departir. Mais ledit deffendeur disoit que le transport dudit baiser n'estoit point fait pour cause de vendition/ mais par maniere d'eschange/ car il estoit en ce lieu tenu de recompenser celui qui luy avoit faict transport de luy bailler la moiti? plus de telz biens d'une autre dame dont il avoit requis. Surquoy finablement partyes ouyes elles furent appointees en droit/ et depuis ledit seneschal par sa sentence deist et declaira que ledit demandeur ne seroit point receu audit retraict et que ledict deffendeur jouyroit dudit baisier selon le transport et donation a luy faicte/ Et si le condampna aux despens dont celluy demandeur appella en ladicte court de ceans ou le proc?s a est? receu pour juger. si a la court veu ledit proc?s avec ce qu'il failloit veoir en ceste matiere & tout veu dit qu'il a est? bien jug? par ledit seneschal & mal appell? par l'appellant & l'amendera & si condampne la court es despens la tauxation reservee par devers elle.

? Le .xv. arrest

Par devant le reformateur general sus le faict des abus d'amours c'est assis ung proc?s entre ung amoureux demandeur d'une part et une sienne dame et amie deffenderesse d'aultre part et disoit ledit demandeur que pour avoir accointance & privee familiarit? de ladicte deffenderesse il se estoit plusieurs foys tyr? par devers elle & luy avoit compt? tout son cas qu'elle le voullist aymer. Disoit oultre qu'il estoit vray que pour le entretenir en amour & affin qu'il luy souvint de luy il lui avoit baill? plusieurs bagues & joyaulx & mesmement quant il parla a elle/ derrenierement lui bailla six aulnes de damas pour faire une cotte simple deux petites verges d'or/ quatre aulnes d'escarlatte/ une turquoise/ & ung agnus dei dor? bien gent avecques plusieurs aultres menues choses/ or disoit il que depuis qu'elle a eu lesditz dons elle a tenu de luy moins compte que devant en commetant vice d'ingratitude et si luy tient les plus estranges termes de jamais car quant elle le voit ne s'en faict que mocquer qui est mal consider? le plaisir & peine qu'il a eue pour servir et acquerir sa grace et pource que il scet bien qu'il ne la s?auroit contraindre a l'aymer s'elle ne le vouloit requeroit que commandement luy fust fait pour declairer c'elle l'aymeroit ou cas qu'elle en seroit reffusant qu'elle feust condampnee a luy rendre/ et restituer lesdictz dons qu'il luy avoit baill? & ne demandoit point les despens pour ce qu'il disoit que il l'aymoit trop De la partye de la deffenderesse fut deffendu au contraire disant qu'en matiere d'amours n'y a point de reception et que yceulx qui demandent ce qu'ilz ont donn? doivent estre reputez infames et privez de tous biens d'amours/ Or soit que cest amant estoit jeune & estourdy qui n'entendoit point son cas/ car il luy sembloit pour ses beaulx yeulx qu'on luy devoit ottroyer ce que il demandoit des la premiere fois sans ce qu'on l'eust essay? ne sans s?avoir qu'il a au ventre. disoit oultre qu'elle luy a dit souventeffois que quant elle le rencontroit en la rue qu'elle ne luy faisoit point de chere affin que les gens ne s'en aperceussent mais il s'en courrouce et voulsist bien qu'elle luy rist a plaine gorge ou qu'on s'arrestast de pied quoy pour parler a luy et tenir langage qui n'est pas la maniere. Disoit oultre ledit amant qu'elle declairast s'elle l'aymeroit ou non. Il ne estoit pas recepvable/ car en telles choses on n'a pas accoustume de marchander avant la main ains faul congnoistre avant que aymer/ et s?avoir se il est digne d'aymer et quelz biens il a en luy & qu'il se doit experimenter/ et quant elle le trouvera seur elle le pourra prendre en grace/ ou luy donner cong?/ et ne peult on trop acheter amour de dame. Touchant des bagues disoit que elle ne luy demanda oncques riens & n'en vouloit riens prendre si n'eust jur? et contraint les prendre a force & depuis avoit employ? le drap en robe que elle avoit vestue pour l'amour de luy. disoit qu'elle s'en repentoit de bon couraige/ et qu'elle ne vouloit riens de l'autruy ne avoir rien de luy affin qu'il ne luy peust rien reprocher estoit contente et luy offroit de bailler tout ce qu'il lui avoit donn? pourveu que ledict amant ne l'eust point entre ses mains & que les draps robbes bagues & aultres choses par elle receuz except? l'agnus dei fussent en sa presence & devant ses yeulx ars & bruslez sans ce qu'il en fust jamais nouvelles/ et affin qu'il ne se peust vanter/ ne dire qu'il eust bien besongn? comme plusieurs font au jourd'huy quant ilz peuent retenir leurs bagues & disoit que ainsi le debvoit faire pour la seurt? d'elle et obvier aux autres inconveniens qui s'en pourroyent ensuyvir comme de s'en mocquer et dire telle chose qui fut a telle que j'ay eue/ et recouvert par dyvers moyens a ses fins concluoit d'absollution requerant despens. Le demandeur disoit pour ses repliques quant une chose est donnee esperance & condition non advenu ou qui n'est point acomply qu'elle doit estre rebaillee a celluy qui l'a donnee aultrement seroit frustree de son intencion/ au moins quoy qu'il en soit il n'en doit point avoir de dommaige Or disoit il devant lesditz dons par luy fais luy faisoyent avoir assez bel accueil de sadicte dame/ mais despuis que elle les avoit eues elle ne le daignoit a peu regarder ains sembloit qu'il luy fist mal & qu'elle prent desplaisir a le veoir & ne vouloit point avoir les bagues Mais il luy faisoyt trop grant mal qu'elle eust le sien et que elle se mocquast encores de luy. Disoit oultre que il estoit content et offroit en jugement s'elle le vouloit aymer de lui en donner plus la moyti? qu'elle n'avoit eu/ et de plus grant chose cent foys. Sur ce point le procureur d'amours disoyt que telz choses ne pouoyent vendre ne marchander par argent bagues joyaulx & qu'il est deffendu d'en user/ et pource que cest amoureux en auroyt argent/ et en voulloit avoir par telz moyens illicites disant qu'il estoit amendable et requeroit a ceste fin qu'il feust condampn? envers amours en une tresgrosse amende Et au regard des biens dont estoit question s'en raportoit a justice et audit amant qui estoit feru d'amours ne lui chault qu'il face mais que il ait allegement et deust il vendre jusques a se achepter lesdictz biens/ car bien s?avoit qu'ilz ne se vendent point/ mais seulement qu'elle congneust la bonne voulent? qu'il avoit envers elle mais ceste deffenderesse disoit que elle n'avoit cure de luy ne de ses biens et que jamais par contraincte de personne ne esperance de dons ne de biens elle n'auroit personne veu qu'il n'en print mal a celles a qui le font. Et au regard d'elle disoit qu'elle aymoit mieulx en aymer ung ou fust son plaisir que avoir tous les biens temporelz/ et joyaulx du monde que on luy pourroit donner ledit amant requeroit doncques que les aultres biens qu'elle avoit euz luy feussent rendus/ et disoit qu'il se pourvoiroit aillieurs & s'aideroit a oster de l'amour d'elle au mieulx qu'il pourroit en mauldissant l'heure que il l'avoit jamais veue & ouye. lesquelles parties furent appointees en droit & depuis ledit reformateur general par sentence dist & declaira en tant que touchoit le drap de damas & l'escarlate qui estoit employ? en robbes que ycelle dame deffenderesse ne seroit tenue d'en rien restituer mais au regard des verges de l'agnus dei et aultres bagues qui estoient encore en nature il la condampne a les rendre et restituer audit amant demandeur pour en faire a son bon plaisir & au surplus pource que ledit amant en demonstrant son affection desordonnees avoit ainsi offert en jugement argent pour estre aym? et pour avoir des biens d'amours autrement que a point ledit reformateur le condampne en amende envers amours & au double de ses biens par lui offers Et recompensa les despens d'ung cost? et d'autre & pour cause de laquelle sentence ledict amant entant qu'elle faisoyt contre luy en appella/ & pareillement en appella ladicte dame en la court de ceans ou le proc?s a est? receu pour juger joinct ung grief que ledict amant disoit estre hors ledit proc?s entant que ledit reformateur luy avoit donn? sa sentence/ ou jour de feste/ c'est assavoir le premier jour de may et l'aulbespine nouvelle. Sy a la court veu ledit proc?s a grant et meure deliberation avecques tout ce que il failloit veoir en ceste maniere/ & tout bien veu & consider? la court dist entant que ledit amant est appellant il a est? bien jug? par ledict reformateur general et mal appell?. et entant que ladicte deffenderesse a appell? a est? mal jug? & en amendant le jugement ladicte court dict que ledict amant ne fait a recepvoir a demander lesditz dons & bagues qu'il avoit donn? a ladicte dame et que trestout luy demourroit comme siens pour en faire ce qu'elle vouldra sans ce qu'elle en soyt tenue de luy en rendre et restituer aulcune chose et si le condampne es despens de la cause principalle & de la cause d'appel ou il estoit appellant seulement la tauxation reservee par devers elle.

? Le .xvi. arrest.

Devant l'ung des audicteurs desdites causes d'amours c'est assis ung autre proc?s entre ung povre amant demandeur et requerant l'enterinement de certaynes lettres de respit d'une part. et une sienne dame deffenderesse d'autre part. Et disoit ledict demandeur qu'il a est? fort malheureux en amours parce qu'il a eu a faire aux femmes qui tirent huylle de noix a quoy ne pouoit contenter de dons disoit avecques ce que pour luy complaire et affin que son service luy feust agreable il luy convint faire plusieurs gratuit?s & mises excessives. Et si a est? contrainct de soy tenir joly & de changer souvent habitz enquoy il a beaucoup fray? et despendu du sien. et aussi faisoit le plus des jours de la sepmaine dancer faire karoles et plusieurs aultres jeux & esbatemens tant que toutes les dames l'honnoroyent et y a tellement fray? qu'il en est fort en debt? Et puis la dame en qui il se fioit si l'abandonna et bailla le bont dont luy sont survenues plusieurs aultres fortunes au moyen desquelles il ne s?auroit a present payer ses creanciers sans faire vile possession de ses biens Et pource avoient & a obtenues lesdictes lettres de respit: dont il requeroit l'enterinement aussy que l'execution de certaines obligations par laquelle il estoit oblig? envers ladicte demanderesse fust tenu en surceance et delay jusques a ung an es despens contre ceulx qui le vouldroyent empescher. De la partie de ceste deffenderesse fut deffendu au contraire & disoit que dames n'ont point argent quant elles veulent ains ont grant paine a en assembler & si leur en convient tousjours avoir pour employer en robbes & plusieurs aultres jolivet?s survenans chascun jour et disoit avecques ce que cest amant ung jour vint a elle tout desconfort? la requerir de luy ayder/ et prester jusques a deux escus pour avoir le drap d'ung pourpoint de velours qu'il avoit achept? dont elle fut au premier ung peu reffusante. Touteffois au dernier elle meue de piti? en voyant la grant necessit? du povre gallant qui ploroit presque luy presta de bon cueur ladicte somme moyennant & parmy ce qu'il luy promist rendre et payer dedans certain temps pie?a pass? dont il n'avoit riens fait mais se vouloit aider dudict respit. Or disoit elle qu'il ne luy devoit estre enterin? par plusieurs moyens

? Premierement car la debte estoit previlegee & procedant de dame qui ne doibt plaider dessaisie encontre luy qui est oblig? Secondement car les pertes/ & les fortunes par luy aleguees ne estoyent point recepvables atendu qu'il ne monstroit point que elles feussent advenues par trop aymer ou maladies d'amour ain?ois par son propos prins en son prejudice n'en debvoit point jouir car il confessoit qu'il avoit servy plusieurs dames en plusieurs lieux. Et ainsi ne luy pouoit pas bien venir de ses besongnes/ car ung homme qui a plusieurs dames n'est gueres souvent trouv? loyal/ & est bien employ? quant il luy meschiet consider? que il n'est pas possible en ce cas d'y garder foy & loyault?. Si disoit par ses moyens que ledit respit ne luy doit estre enterin? & que nonobstant a celuy elle debvoit incontinent estre payee et demandoit despens. A quoy ledit amant disoit pour ses repliques qu'il estoit impossible de contraindre une personne a payer plus qu'il ne s?auroit finer. et au regard de luy il confessa bien devoir ladicte somme loyaulment mais les eaues estoient si basses qu'on n'y s?auroit prendre poisson et brief a present ne avoit dequoy payer. Disoit oultre que ladicte deffenderesse n'avoit pas grant interest a l'enterinement dudit respit veu qu'il ne duroit que ung an & qu'elle n'estoit pas indigente. mais ycelle deffenderesse en perseverant en son fait disoit oultre que ce n'estoit pas raison que le gallant portast pourpoint de vellours a ses despens/ Aussi elle avoyt a faire du sien/ au regard de sa povret? disoit qu'il n'en laisseroit ja a faire grant chiere/ requerant au surplus qu'il fust contraint par prinse de corps a lui payer la somme veu la matiere qui estoit previlegiee. Surquoy finablement parties ouyes l'auditeur par sa sentence dist et declaira que le respit ne seroit audit demandeur aulcunement enterin? & que nonobstant ycelles il seroit contraint par prinse de biens & de sa personne payer ycelle somme a ladicte deffenderesse incontinent et sans delay en le condampnant es despens de l'instance/ de laquelle sentence ycelluy demandeur si appella en la court de ceans ou le proc?s a est? receu pour juger & a ladicte court veu le proc?s et tout ce qu'il failloit veoir en ceste matiere & tout veu dict la court qu'il a est? bien jug? par ledit auditeur & mal appell? par ledict appellant et le amendera et si le condampne es despens de la cause d'appel la tauxation reservee par devers elle.

? Le .xvii. arrest.

En la court de ceans c'est assis ung aultre proc?s entre ung moult gracieux amoureux appellant de hongnart sergent dangereux d'une part & danger & chagrin parties intimees d'autre part Disoit ledit appellant que pour servir une syenne dame et maistresse plaine de biens et de beault? et aussi pour monstrer qu'il estoit tout prest de luy obeyr il s'estoit plusieurs foys transport? en la rue ou elle demoure en la saluant de tresbon cueur touteffoys et quantes qu'il la pouoit veoir a l'huys en luy faisant le petit genouil/ mais puis aulcun temps en ?a/ ledit danger et chagrin qui s'en sont bien doubtez l'ont menass? de luy porter grant dommage en corps et en biens. et qui pis est des incontinent qu'ilz voyent maintenant ledict galant passer ou que la dessusdicte dame luy soubzrit du coing de l'oeil en luy disant adieu ou quelque aultre mot ilz n'en font que rechisner toute la journee et en estoyent si trescourroucez de ce qu'elle parloit a luy qui n'en s?avoyent que dire et ne s?avoyent que faire de s'en courroucer tellement en estoyent marris Et combien qu'il leur ait fait doulcement remonstrer qu'il ne pense aucun mal neantmoins ledit sergent luy a fait commandement qu'il ne voise plus ou sa dame sera & a la dame qu'elle ne soit si osee de le regarder ne rire ains que des incontinent que elle le verra venir qu'elle s'en parte et entre en sa maison affin qu'il ne la puisse veoir & qu'il ne perde ses pas a l'encontre desquelz exploitz l'amoureux c'est opos? mais ledit sergent ne luy a voulu recepvoir dont il s'est sentu trop grev? tellement qu'il en a appell? en la court de ceans ou il a depuis bien & deuement relev?/ et concluoit tout pertinent en cas d'appel qu'il a est? mal command? mal deni?/ mal deffendu et exploict? par ledit haignart/ et bien appelle par luy a ses fins offroit a prouver et demandoit despens De la partye desdictz chagrin et danger parties intimees si a deffendu au contraire & disoit qui ne pourroyt aux premiers mouvemens des cueurs des jeunes a tresgrant peine on en peult apr?s estre maistre & qu'on ne les doit point laisser converser souffrir/ ne festoyer l'ung l'autre par regars ris ou autrement/ car il en advient aucuneffoys plusieurs inconveniens dont n'est ja besoing de parler pour le present/ car qui parleroit plus avant il en pourroit besongner a son entente. Or se pressupos? disoyent qu'ilz estoyent commis au regard de ladicte dame & tenus d'en respondre s'elle versoit mal/ par quoy avoyent cause de empescher que personne ne s'en approchast/ aussi le galant n'estoit aulcunement de la parent? ou finit? d'elle Et neantmoins il se ingeroit tous les jours de l'accointer et parler a elle/ et ainsi justement luy avoyent peu deffendre d'aller et venir et ne estoit son appellation recevable. et au regard qu'il disoit que il n'y pensoit aulcun mal a elle/ et qu'il eust myeulx souffert la mort qu'il luy eust est? reproche qu'il luy eust dit aucune parolle deshonneste ne villaine qui luy feust tournee a son prejudice/ respondoient que ce ne estoit pas pourtant a dire qu'il y deust penser bien et que le plus seur estoit de ne se y trouver point Si concluoit par ses moyens affin de non recepvoir apr?s mal appell? & demandoit despens/ a quoy l'appellant requeroit au contraire et disoit que se l'en ne voulloit qu'il eust aulcun bien au moins que sadicte dame qui n'en pouoit mais n'en debvoit avoir aulcun mal ou dommage entendu qu'il y metoit peine autant qu'il estoit possible. Disoit aussi que c'estoit bien grant rigueur a eulx de empescher qu'elle ne venist a lui ainsi que elle avoit acoustum? et la tenir si estroictement qui n'estoit point chose a requerir de la vouloir tenir si court/ et quant est de la rue disoit ledit appellant qu'elle n'appartenoit pas ausditz intimez ne n'y avoyent fait faire les carreaux qui y estoient parquoy l'avoit deffendu qu'il n'y marchast et passast nullement la deffence estoit torcionnaire & son appellation bien recepvable. Sur quoy lesditz intimez disoyent qu'ilz ne voulloyent pas empescher/ que l'appellant n'y passast mais seulement garder qu'en passant il ne veist la dame et si en cecy il y avoit grief ce seroit a elle a plaindre et nompas a luy. Finablement partyes ouyes elles ont est? appointees en droit et a mettre par devers la court/ et au conseil ce que bon leur sembleroyt. La court a veu ledict proc?s au long avec ce qui est? produict et ce qu'il failloit veoir en ceste matiere & tout veu la court dict qu'il a est? mal exploict? par ledit hongnart/ Et bien appell? par ledit appellant/ et permet la court audit appellant de passer et rapasser a toutes heures soit de nuit ou de jour par la rue/ et devant l'huys de sa dame pourveu qu'il ne pourra parler a elle sans la presence dudict dangier/ ou de ses commis qui sont tenus de luy rendre compte de toutes les parolles & besongnes que ilz se feront ensemble et desquelles parolles et besongnes iceulx commis prendront ladicte declaration par escript pour leur descharge et leur valoit enqueste la ou il appartiendra & si condampne la court lesditz intimez es despens de la cause d'appel la tauxation reservee par devers elle.

? Le .xviii. arrest.

En la court de ceans c'est assis ung autre proc?s entre une dame appellant d'une part/ et ung sien amy intime d'autre part. Et disoit ladicte appellante pour la cause d'appel que ja?oit que en amours force & voye de fait sont deffendues neantmoins ledit intime ung journee tout eschauff? s'en vint vers elle et s'effor?a de l'embrasser et qui plus est tout en ung moment sans dire dieu gard ne autre chose il la baisa maulgr? elle/ et a force dont elle appella et concluoit qu'il avoyt mal proced? Le deffendeur disoit que pour elle avoit beaucoup souffert de mal et qu'il l'avoit fort aymee et si le savoit bien mais elle n'en tenoit gueres de compte et ne luy vouloit donner aucun alegement disoit qu'il l'avoyt tant pourchass? envers elle qu'elle luy avoyt promis ung baisier mais elle s'excusoit de luy donner et brief une foys luy dist qu'elle estoit empeschee a l'autre qu'il n'estoyt pas heure & qu'il revenist a ung aultre jour et tellement qu'elle l'avoit pourveu par telles frivolles excusations par bien long temps & affermoit ledit galant par sa foy qu'il avoit est? troys moys a la poursuytte dudict baisier qui estoit bien grant piti?: & par ce luy voyant qu'il n'en pouoit plus a une journee que dangier estoit hors de la maison luy pria qu'elle entretenist sa promesse dont ne voult riens faire ain?oys le vouloit delayer comme devant/ Et pource luy estant au destroit d'une grant challeur qui luy print au cueur/ et voyant qu'elle ne voulloit faire rayson d'elle mesmes pour priere ne requeste qu'il luy fist print ledit baiser de soymesmes enquoy ne peult ladicte dame dire estre grevee car il ne luy a faict aultre blessure dont elle se doyt plaindre/ et quant a la voye de faict dit qu'il avoyt ass?s attendu & que veu les reffus precedans & les longs delaiz que avoit prins/ il pouoit et devoyt ainsi proceder et concluoit que ledict appel n'estoyt recepvable et quoy que soyt que ladicte dame avoit tresmal appell?/ et demandoit despens en requerant que oultre le baiser qui avoit est? ainsy prins par emblee et sans acollee il en eust ung aultre tout entier et de bon cueur. A quoy la dame pour ses replicques disoit qu'elle ne avoit point promis de baiser & que pos? qu'il y eust promesse si estoit elle condicionnelle c'est assavoir/ ou il luy plairoyt et avoit elle reserv? le temps de le donner: et par ainsi le grief y estoit tout evident disoyt que avant la promesse eut est? pure et symple/ sy failloit il qu'elle fust congneue & qu'il y eust deliberation sur ce faicte avant qu'on la peust excuser et y venir par voye de doulleur et non par faincte et voye de fait deffendue. parquoy avoit est? grevee. Mais ledict intime en dupliquant disoyt qu'il vouldroyt en telles matieres tenir long proc?s ordinaire et faire preuves a chascune fois il ne seroit jamais jour Et auroient les dames trop d'avantaige contre les povres amans car tous les tesmoings en ce cas sont pour elles et a leur poste et disoit au surplus que quant il n'y auroit eu ne don ne promesse sy ne pouoit il a tout le moins pour ses peines et salaires d'avoir servi si long temps que avoir ung baisier et que en tel cas qui sont previlegiez l'en peut proceder par voye d'execution et prendre les biens ou on les treuve concluant comme dessus oyes les parties au long elles ont est?s apointees en droict et a mettre par devers la court et au conseil ce que bon leur semblera. Si a l'en veu le proc?s et ce qui faisoit a veoir en ceste matiere. et tout veu la court dit qu'il a est? bien proced? par l'amant et mal appelle par l'appelante et l'amendera en la condampnant es despens de la cause d'appel la tauxation reservee & ordonne la court que le baiser ainsi baill? par contraincte ne sera point compt? mais ladite dame sera tenue de luy en bailler ung autre en ce lieu de bon cueur toutes et quanteffois qui l'en requerra pourveu que danger n'y soit point ne n'en s?aura rien affin qu'il n'en puisse grongner.

? Le .xix. arrest

En la court de ceans c'est assis ung aultre proc?s entre une tresbelle dame et le procureur general d'amours avec elle adjoinct demandeurs en cas de exc?s et de delict d'une part/ et une vieille chamberiere deffenderesse d'aultre part. et disoit la dame que toutes servantes devoyent foy & loyault? a leurs maistresses avoir courte langue et longues oreilles & grandes qu'elles ne sont pas dignes de demourer en quelque maison que ja pie?a elle loua une chamberiere pour la servyr deux ans pour certain pris convenu entre eulx. Et oultre luy avoit promis par dessus son sallaire mais qu'elle fist bien la besongne une paire de chausses au bout de l'annee et ung de ses vielz chapperons. Et combien qu'elle en eust trouv? assez d'autres qui eussent bien voulu demourer avec elle sans prendre denier ne maille touteffois a l'ocasion de ce que la chamberiere sembloit estre secrette & avoit beaucop veu/ icelle dame fut meue de la retenir devant toutes autres et la fist venir des lors en son hostel ou du commencement elle a fait merveille de servir mais en effect voyant que sa maistresse se fioit fort en elle luy monstroit grans signes d'amours elle a voulu entreprendre sur elle et se mesler de toutes besongnes Et de fait est advenu quant ung sien amy de congnoissance que ladicte dame aymoit en tout bien & en tout honneur venoit a l'hostel soy esbatre ou compter des nouvelles de la ville et passer temps Ceste chamberiere escoutoit tout Le lendemain ou le soir mesmes rapportoit tout ce que ladicte dame et son amy avoient dit ensemble a dangier le mary qui estoyt mal faict a elle/ et tellement que bien souvent la nuit au lict ledit dangier luy tenoit plusieurs rigueurs et luy en gectoit puis ?a puis la ung mot a la vollee et par ambages dont elle estoit bien esbahie mais icelle dame considerant qu'il n'estoyt pas possible qu'il en sceust rien a la verit? s'il ne le devinoit ne jamais n'eust cuid? que la vieille en eust parl? ung mot veu qu'elle la tenoit seure de son cost? comme elle devoit estre Or estoit vray que a une journee ainsi que ledict gallant s'en vint esbatre l'apresdinee comme il avoit acoustum? la dame tenant sa quenoulle d'aventure laissa cheoir son fizeau. Lequel gallant en demonstrant son humillit? le leva et en luy baillant la baisa. Dont ycelle dame le remercia en soubzriant et sans penser nul mal/ mais la vieille en despit de sa maistresse qui l'avoit tancee le matin pour occasion de ce qu'elle ne luy avoit pas ploy? ses gorgias dist et proposa en soymesmes qu'elle s'en vengeroit/ et de faict aussy tost que dangier fut venu de la ville elle luy commen?a a compter tout le cas & plus la moyti? qu'il n'y avoit/ dont il n'en sonna mot et le garda en son cueur trois ou quatre jours en rechygnant puis apr?s se desgorga en maulgreant que se le gallant y retournoit plus qu'il luy coupperoit les jambes. Si fut la dame bien esbahye et ne se feust jamais doubtee de ladicte vieille. Mais touteffois a la fin il a tout sceu et a la vieille gast? son cas/ car par le moyen de telz rappors elle cuidoit devenir maistresse & tailler les morceaulx a ladicte demanderesse & pource a est? boutee hors de l'hostel et depuis constituee prisonniere pour raison du cas qui est de grant consequence et concluoit ladicte dame a l'encontre d'icelle vieille chamberiere qu'elle feust condampnee a luy crier mercy et faire amende honnorable nudz piedz & sans coyffe coeuvrechief ny chaperon en sa teste et aussy en tenant une torche en sa main et disant que a tort et maulvaisement elle avoit raport? les parolles de sa dame et maistresse & de ce qu'elle l'avoit fait tancer qu'elle s'en desdisoit devant tout le monde/ et en oultre qu'elle feust contraincte et condempnee a venir dire et declairer devant dangier que tout ce qu'elle luy avoit dit et raport? de sadicte maistresse avoit est? controuv? par elle contre verit? et par mallice. affin que icelluy danger n'y eust plus de suspition. Et au regard dudict procureur general d'amours qui estoit adjoinct avec ladicte dame il disoit que ce cas icy estoit digne de grant punition. et que il ne se devoit point passer soubz dissimulacion/ Car la consequence estoit trop perilleuse pour l'esclandre qui en pouoit tous les jours advenir Disoit aussi que chamberieres sur toutes choses doibvent estre secrettes et aussy celer tout ce qu'elles voient faire en amours comme font confesseurs et y est la paine si grande selon les droictz que celles qui revelent ainsi secretz sont digne de mort. Or disoit il que ceste vieille avoit revell? les secretz de sa maistresse audit dangier pour a tousjours le cuyder mettre en noise et rapporter la moyti? plus qu'il n'y avoit de mal. Et pour ce concluoit a l'encontre d'elle qu'elle fust condampnee a estre arce & bruslee ou a tout le moins qu'on lui per?ast la langue d'ung fer chault devant tout le monde affin que les autres servantes et chamberieres y prinsent exemple et que son sallayre qu'elle devoit avoir fust declair? forfait & fust confisqu?. Ou que telles autres conclusions fussent adjugees ainsi que le cas le requeroit et que la court adviseroit en requerant au surplus que pour pourveoir a telz inconveniens y eust visitacion sur lesdictes chamberieres/ car les plus grans dangiers du monde en viennent. et disoit oultre que jamais l'en ne devoit laisser a telles vieilles chamberieres porter la clef du vin car quant d'aventure elles ont beu ou faict bonne chere elles parlent aussi bien contre elles que pour elles/ et la ou elles cuydent sauver l'honneur de leurs maistresses c'est adonc l'heure qu'elles gastent tout. Et puis apr?s ne leur en souvient lendemain et jurent et afferment hardyement que en leur vie n'en parlerent mot dont ce a est? cause de plusieurs maulx qui en viennent parquoy le procureur requist que la court mist sur ce provision De la partie de ladicte vieille fut deffendu au contraire et disoit que quant elle vint demourer en l'hostel de ladicte maistresse elle luy promist fayre beaucoup de biens/ mais elle s'en estoit bien petitement apperceue et si avoit tant eu de peine que merveilles. Or estoit vray que ledit dangier son mary des l'entree et au commencement qu'elle entra leans il parla a elle a part en l'oreille & luy promist de luy donner tous les ans une robe et ung bon chapperon oultre son sallaire affin qu'elle se print garde de la dame qui estoit encore bien jeune et luy rapporter toutes nouvelles de ce que son maistre luy avoyt faict promettre ycelle chose luy disoyt tout ce qu'elle veoit faire a sa maistresse en gardant tousjours l'honneur des dames comme tenue y estoit/ et aussy affermoit que jamais elle ne luy fist faire chose qui ne feust bonne et honneste/ et combien que ladicte vieille la servist le myeulx qu'elle pouoit/ touteffois ycelle maistresse ne s'en pouoit contenter/ et la ten?a tresbien dont ladicte chamberiere se courrou?a et advint que pource qu'elle veist le gallant ledict jour a l'hostel qu'elle le dist a son maistre & comment il l'avoit baisee Or disoit elle que de ce l'en ne la pouoit reprendre & qu'elle n'avoit point fait de mal/ car elle estoit beaucoup plus tenue d'obeyr a son maistre qu'a elle et aussi avoit il marchand? a elle et louee par telle condition qu'elle luy devoit tout rapporter. Parquoy elle n'avoit faict que son debvoir et ne luy en eust point parl?/ si non que son maistre luy promist qu'il n'en diroit riens a elle & ainsi l'on la debvoit excuser tendant & concluant par ses moyens affin d'absolution A quoy fut repliqu? par ladicte demanderesse disant que toute l'eaue de la riviere ne la pouoit laver du cas/ car elle s?avoit bien qu'elle se fyoit en elle et qu'elle s'en fust bien gardee se elle eust voulu et sans ce qu'il en eust riens sceu. Et suppos? que l'on dye que toutes servantes et chamberieres doybvent servir premierement leurs maistres que leurs maistresses cela s'entent touchant le service comme de boire & de manger/ mais au regard d'autres choses riens/ ains fault que elles obeyssent a leurs maistresses. Aussi ont elles previllege que se leurs chamberieres ne sont a leur poste elles ne doybvent pas demourer trois jours en la maison/ & apr?s disoit le procureur que veu que ladicte vieille confessoit que elle prenoit argent de son maistre oultre son loyer pour reveller les secretz d'amours l'en ne le pourroit trop pugnir/ & quant est de l'excusation qu'elle prenoit sur ce que son maistre lui avoit promis de n'en rien dire ne luy en faire semblant elle ne valloit riens/ car jamais en tel cas l'on ne faict telles promesses si non pour s?avoir et enquerir plus avant et concluoit a reparation du cas comme dessus est dit. Surquoy ladicte vieille disoit au contraire que son faict estoit pitoyable & que jamais n'en eust parl? se elle eust sceu qu'il en fust venu mal/ ou qu'il y eust eu danger pour sa maistresse. Finablement parties ouyes ont est? apoinctees en droict et a produire par devers la court et au conseil ce que bon leur semble. Si a ladicte court veu le proc?s avecques la confession faicte par la vieille & tout ce qu'il failloit veoir en ceste matiere a grant et meure deliberation/ et tout veu la court a condampn? ladicte faulce vieille pour raison du cas a elle commis a crier mercy a ladicte demanderesse et estre pilloriee par trois foys au jour de march? et oultre la prive & bannisse du service des dames a tousjoursmais de quelque estat qu'elles soyent en luy deffendant sur peine de la hart que jamais en bonne compaignie ne se trouvast. Au regard des aultres provisions requises par le procureur general touchant la visitacion/ la court a ordonn? certains commissaires qui se informeront sur les abus pour apr?s y pourvoir ainsi qu'il appartiendra

? Le .xx. arrest

En la court de ceans c'est assis ung aultre proc?s entre ung amant demandeur d'une part a sa dame/ d'autre part disoit ledict demandeur que le plus grant desir que cueur d'amant ait c'est de veoir souvent sa dame/ mais pour doubte de faulx semblant et malle bouche qui sont tousjours espiant il estoit contraint de aller de nuyt passer devant l'hostel de la dame et s'il ne la trouvoit il baisoyt l'huis et s'en alloit pensif/ mais il se esjouyssoit pensant que amours luy avoit fait si grant grace devenir a si hault bien Et puis quant il estoit couch? & il ymaginoit en soy mesme que sa dame ne s?avoyt riens s'il estoit venu ou non & qu'elle ne luy en s?avoit aulcun gr? pource qu'elle ne l'avoit veu: il se retournoyt dedens le lict plus de cent mille fois et ne pouoit dormir: et apr?s ce/ venoit sur le point du jour qu'on ne voit encores guaire luy failloit ribon ribaine se lever du lict et s'en aller de rechief devant l'hostel de sadicte dame escoutant lever les avaynes et regarder par les crevasses de l'huys s'il la verroit point en son corset ou a sa cotte simple/ car il en eust est? en paradis. Or disoit il que incontinent qu'il estoit arriv? et qu'il boutoit l'oeil entre la serrure et la fante par ou en oeuvre l'huys d'ung loquet il en y avoit au plus pres de la maison de sa dame une paillarde caille qui commen?oit a crier/ et chanter courcaillet comme se seust est? chose juree & qu'elle le voulsist accuser/ or disoit cest amant icy que au cry de ladite caille son sens mesloit et perturboit/ ne n'y a homme si rassis qui n'en fust esbahy et tellement que aulcuneffoys de sanglante paour et frayeur qu'il avoit se hurtoit le nez en se retrayant ne s?avoit qu'il devenoit et encores pis ne cessoit de crier comme une enragee plus fort que devant jusques a ce qu'il s'en fust party qui luy estoit ung tresgrant ennuy et desplaysir et disoit que s'il pouoit veoir ou tenir ladicte caille il la tueroit/ quoy qu'il luy deust couster mais il ne la pouoit veoir ne prendre pour ce qu'elle estoit dedans la maison et pource requeroit que ladite dame fust condampnee a faire abbatre la cage et tuer ladicte caille ou faire vuyder dehors affin qu'elle ne luy escriast plus dessus son jeu ne fist desplaisir et disoit que c'estoyt raison. Et la partie de ladicte dame fut deffendu au contraire et disoyt que ladicte caille ne estoit sienne en sa puissance et subjection/ Car elle estoit en la maison d'ung de ses voisins qui y prenoyt plaisir a la nourrir et tenir parquoy n'y avoit que congnoistre aussi n'estoit ce que ung povre oyseau qui gaingnoyt sa vie a chanter/ pource de la tuer se seroit tres mal faict/ disoit oultre que ladicte caille n'y pensoit a nul mal et n'estoit que sa coustume de chanter et quant est d'attendre longuement a l'huys de la maison c'estoyt simplesse a luy/ car il pouoit bien penser que a l'heure de si hault matin il n'y avoit personne lev? et luy eust mieulx valu estre couch? & dormir encores Si concluoit ladicte dame par ces moyens a fin de non recevoir et d'absolution A quoy ledict amant pour ses replicques disoyt que de dormir n'eust il peu/ car en tel cas quant l'en veult dormir c'est a l'heure que on s'esveille et que une heure en dure cent. Et au regard de ladicte caille disoit que ladite dame la debvoit faire abatre/ car elle avoit bien la congnoissance au lieu ou c'estoit/ et ne failloyt que faire rompre ung ou deux bastons de ladicte cage pour l'en faire en aller Et protestoit au surplus que se ladicte dame ne luy voulloyt faire que luimesme la feroit tuer a quelque meschief qui en peust advenir/ car aulcuneffois quant elle crioit elle l'effroyoit tellement et luy faisoit plus de mal que qui lui eust baill? d'une dague par l'estomac/ surquoy finablement parties ouyes ont est? appoinctees a mettre devant la court & au conseil Si a ladite court veu le plaidoy? des parties et tout ce qui a est? produict Et tout veu et consider? ce qu'il faisoit a veoir & considerer la court dict que ledict amant ne faict a recepvoir a faire ladicte demande contre ladicte deffenderesse/ Et si desclaire que ladicte caille demourra la ou elle est pour vivre et chanter tout ainsi qu'elle pourra. Et oultre deffend la court audict demandeur de luy faire mal ne getter pierres contre la caige pour l'abbatre a terre sur peine de confiscation de corps et de biens/ & d'estre priv? de l'amour de sadicte dame.

? Le .xxi. arrest.

En la court de ceans c'est assis ung aultre proc?s entre ung aultre amant demandeur d'une part et une sienne jeune dame et amye deffenderesse d'autre part et disoyt ledict demandeur que ja pie?a sadicte dame se feist saigner du pied en l'eaue et de la vaine du foye et pource que son medecin luy avoit encharg? comment que ce fust qu'elle ne s'endormist point apr?s la seignee. Icelle dame manda a son tresdoulx amy demandeur que il se trouvast devers le soir devant son huys a tout la Harpe et les Orgues/ pour la resjouir et faire passer le temps affin que elle ne dormyst point. Et a ceste cause le gallant incontinent qu'il sceut les nouvelles laissa toutes besongnes et feist dilligence de se trouver a l'heure assignee: garny des bas instrumens de mellodye qu'on pouoyt finer et n'avoyt garde d'y faillir. Sy estoit vray que ainsy que lesdis menestriers commencerent a jouer/ ladycte dame s'en vint jouer/ incontinent de plain bont et a l'estourdy ouvrit une des fenestres de ladicte chambre ou elle estoit pour les ouyr de plus a plain/ mais il advint que en retirant a elle ungs des potz de marjolaine ou de violettes pour prendre place et se appuyer sur le bort des fenestres qu'elle fist par hativet?/ elle fist choir une palette plaine de son sang qu'on avoit mis sur ladicte fenestre pour essorer ainsi qu'on a acoustum?/ et tumba sur luy si que toute sa chemise en fut gastee et ensanglantee et pareillement le colet de son pourpoint Touteffois il cuydoit lors pource qu'il estoit nuyt et aussi qu'on ne veoit goutte que ce ne feust que eaue qui eust degoutt? des violers en les arrousant et n'en tint pas grant compte ain?oys s'en tenoit tout joly esperant que sadicte dame l'eust fait tout de voulent? pour l'amour de luy Or quant les menestriers eurent ass?s longuement illec jou?/ et qu'il fut temps de s'en aller ledict amoureux demandeur s'en partit moult reconfort? et ne luy duroit point le chemin. Mais se mal advint que en une des rues par ou il luy failloit passer a s'en retourner/ il y avoit eu moult grant noise de gens qui s'estoyent entrebastuz et les queroit le guect tout partout et pource par suspe?on vint le guet demander audict compaignon demandeur qu'il estoit et dont il venoit. A quoy il leur respondit qu'il venoit de reveiller les potz de marjolayne/ mais l'en ne l'en vouloit pas croire: ain?oys firent les gens du guect approucher leur lanterne pour le veoyr a son visaige/ en quoy ce faisant fut apperceu son colet du pourpoint tout plain de sang qui estoit respandu de la fenestre de sa dame sur luy. Et commen?a chascun a dire qu'il estoyt de ceulx qui s'estoient combatus en ladicte rue/ et qu'il en portoyt les enseignes/ combien que a la verit? ne s?avoyt que c'estoyt de ladicte noyse: et a tant fut prins et men? prisonnier non obstant ses bonnes raisons/ dont il fut bien esbahy et coucha la nuyt en prison ou il ne dormoyt guieres car cela luy valloit une seignee ou il ne failloyt point dormir apr?s et le lendemain il fut delivr? Or disoit que dudit emprisonnement et de la paine dommage et interest qu'il avoyt soustenus ladicte dame en estoit tenue tout du long/ car ce avoit est? par elle que le cas estoit advenu. et pour ce concluoit a l'encontre d'elle qu'elle feust condampnee a le recompenser de ses despens/ dommages et interestz ou aumoins a lui donner pour recompensation dudit cas six ou huyt baisiers tous entiers a grans acollees et embrassees. A ses fins offroit a prouver et demandoit despens du cas que elle vouldroit resister a l'encontre de ses conclusions. De la partie de ladicte deffenderesse fut deffendu au contraire Et disoit que par sa foy quant elle vint a la fenestre ouir lesditz menestriers elle ne pensoit nullement du monde que lesdictes pallettes lesquelles estoyent plaines de son sang y feussent encores/ ains elle cuydoit fermement que sa chamberiere & servante les eust oster hors de la Et ne advint le cas que par deffortune et inconvenient dont par ce moyen n'estoit tenue a luy Et aussi ne luy recordoit aulcunement qu'elle eust ouy rien cheoir a terre sinon ung bouquet de viollettes qu'elle luy gecta. Disoit avec ce que s'il avoit est? mis & detenu aucunement prisonnier elle n'en pouoit mais. et aussi n'estoit ce pas a sa requeste ain?ois en avoit est? moult dolente & courroucee quant elle le sceut/ et s'il s'en fust all? le droit chemin sans aller par ces rues foraines/ il n'eust point a l'advanture rencontr? le guet. Et pource de prendre conclusions a l'encontre de elle/ certainement n'estoit ledit amant aucunement recepvable. Et n'estoit ladicte dame tenue de l'amender/ mais au regard desdictz baisiers qu'il luy demandoit elle s'en rapporta a la court. Concluant au surplus affin d'absolution. Disoit ledit amant par ses replicques que pos? qu'elle n'eust commys le cas a son escient et aussi de guet a pens? touteffois veu qu'il estoit advenu par faulte & coulpe d'elle elle estoit tenue de l'en desdommager et de recompenser. disoit oultre que oncques puis sadicte chemise ne son pourpoint ne luy servirent combien que de cela ne luy chaloit pas tant comme de la prinse de sa personne. Mais ladicte dame respondit que luymesmes en estoit cause/ et que jamais l'en ne doit aller sans s?avoir le nom de la nuyt car s'il l'eust sceu il ne fut pas tumb? en danger. Et quant est de la partie de sa chemise elle offroyt de la blanchir ou luy en donner une autre plus belle que la sienne n'estoit combien qu'il la debvoit plus aymer que une autre pource que le sang d'elle avoit espandu dessus Finablement lesdictes parties ouyes elles ont est? appointees a produire/ et mettre par devers la court & au conseil plaidoy? & tout ce que bon leur semblera. Si a la court tout au long veu ledict proc?s et tout ce qu'il failloit veoir en ceste matiere et tout veu la court dist que ceste dame sera tenue toute recompensation de donner a sondit amy demandeur demy douzaine de baisiers bien assis & dont chascun d'iceulx pourra durer autant qu'on mettroit a dire ung De profundis et Fidelium. Et si pareillement sera tenue l'avoir pour recommand? en sa grace pour les biens du temps advenir.

? Le .xxii. arrest.

En la court de ceans c'est assis ung aultre proc?s entre les heritiers ou ayans cause d'ung amant jadis de grant fa?on & bien renomm? demandeurs en cas d'exc?s & le procureur general d'amours adjoingt avecques eulx d'une part. Et la dame de icelluy deffunct deffenderesse d'autre part Et disoyent lesdictz heritiers demandeurs que ledict deffunct avoyt en son vivant son amour mis si ardamment qu'il ne s'en s?avoit ravoir. Et estoit bien aulcuneffois deux ou trois jours sans boire ne manger quant il pensoit a elle. Et brief il en estoit tant feru que au dernier il luy en estoit mal prins. Et pour venir au cas particulier disoyent sesditz heritiers demandeurs que ladicte dame avoit moult long temps pourmen? ledit deffunct sans luy faire aulcun bien & estoit qu'elle luy prya qu'il l'estrenast le jour des estraines. A quoy se voulut tresbien employer/ et en effect luy donna ung tresbeau don dont il n'est ja besoing de parler Et dequoy elle fut tant contente & tant joyeuse qu'elle luy dist lors qu'elle le estraigneroit tresbien. Et de fait elle ordonna qu'il coucheroit en l'hostel d'une sienne voisine qui avoit sa chambre et demourance assez pres de la sienne Et par laquelle en cas de necessit? l'en pouoit aller de l'ung a l'autre. Si fut le povre gallant bien joyeulx de telles estraines en soy repentant que il ne l'avoit encores mieulx estrainee. Mais ain?oys les dictes estraines luy cousterent bon prys. Si advint que pour inciter & mouvoir tousjours les ditz de sa dame a devotion il loua les bas menestriers pour venir jouer devant l'hostel entre mynuyct et le point du jour qu'ilz ne faillirent pas a venir/ et comme ledit gallant fust couch? en atendant ses estraines lesditz menestriers alors commencerent a jouer la basse dance de Je languis et de l'ardant desir/ & sur ce point dangier le mary s'esveille lequel ne pensoit pas a danser et commen?a incontinent a dire qu'il avoit ouy des larrons en la maison. Et aussi pareillement que il avoit ouy ou song? la nuyt que on les devoit desrobber/ parquoy se voulut lever. Et alors ladicte dame faignant de aller allumer de la chandelle s'en vint courant dedans la chambre ou le galant estoit couch? & luy dist qu'il estoit perdu/ et que dangier se doubtoit bien qu'il estoit leans. or qui fut bien esbahy a l'heure ce fut le compaignon et nompas sans cause/ car il ne s?avoit de quelle part tourner. Et alors tout a coup et soubdainement il gecta la couverture du lict ou il estoit couch? a terre et se leva tout nud comme s'il venist du ventre de sa mere/ ce qui estoit besoing qu'il fist sans songer/ car l'en le poursuyvoit de bien pres & avoit est? la chose bastie de longue main pour l'attrapper et luy faire finer piteusement ses jours. Si advint si bien qu'en descendant les degrez il rencontra une vieille chamberiere qui s?avoit tous les destrois de l'hostel de leans/ laquelle ayans piti? et compassion de son cas luy dist que il n'y avoit remede en son fait sinon qu'il se boutast dedans ung vieil gelinnier de la maison lequel estoit tout plain de poulles/ et de chappons ou jamais on ne l'eust est? querir ne cercher. si creut son conseil et advertissement & apr?s que ledit gallant fut entr? dedans ledit gelinnier ladicte vieille ferma tresbien le guichet en mettant des barres au devant/ affin que l'en n'y peust entrer. Et ce fait s'en partit ladicte chamberiere bien legerement sans soy arrester pour mucer et oster ses robbes et habillemens affin que l'en n'apperceust riens/ en quoy feist diligence extreme et brief elle les entourtilla tous en ung monceau et les getta tous sur le ciel de son lict. mais encores ne peult oncques si bien cacher ne mucer que ledict danger ne trouvast ung des patins dudit galant qui estoit par cas de fortune demour? en la ruelle du lict et dieu scet la tempeste qu'il en fut Et combien que ladicte vieille chamberiere en faisant son debvoir jurast & affermast par grans sermens et sur son baptesme que c'estoyt ung des patins des menestriers dessusditz qu'ilz luy avoyent ru? a la teste/ pour ce que elle leur avoyt gect? de l'eaue affin que ledit dangier n'y eust point de regret ne aucune suspection. Touteffois pourtant icelluy danger ne s'en voulut oncques taire/ ain?oys dist et jura que il n'y auroit lict ne banc qui ne fust renvers? & mis sen dessus dessoubz/ et cherchoit depuis la jusques au guernier pour trouver ledit galant lequel estoit cach? et muc? leans & en congnoistre et s?avoir la pure verit? Si furent allumez falotz et lanternes de tous costez/ et n'y eut guichet/ ne cornet despuis le hault jusques bas ou l'en ne cherchast/ & si ne failloit point replicquer ne dire. Il n'y est pas/ car la fureur de dangier couroit alors pour tout confondre. Or sur ce point fault noter qu'il geloit a pierres fendans et goutte sur aultre/ parquoy le povre amant qui ainsi estoit tout nud dedans ledit gelinier ne l'avoit point d'advantage/ car il demoura la en cest estat et trembloit pareillement comme la fueille fait en l'arbre par l'espace de bien environ deux grosses heures Et qui plus est avec le mal qu'il souffroit encore souffroit il innumerable douleur des coqz & chappons qui le venoyent mordre & bequeter comme se feust est? poussins et tellement qu'il luy failloit tousjours avoir les mains au devant de ses yeulx affin qu'ilz ne les luy crevassent. et disoit on pour vray que quant il sortit dudit gelinnier il avoit plus de six cens troux & morsures dont il seignoit de tous costez/ qui estoit une angoisse importable & ne se osoit plaindre/ crier/ ne tirer son alaine affin qu'on ne le veist ou apperceust. Et advint si bien que quant ledit dangier demanda qu'avoyent lesditz poussins qui ainsi voloyent et faisoyent si grant glay et caquet que merveilles. Mais ladicte vieille chamberiere & servante print la parolle sans soy effrayer en disant audit danger que c'estoit pour l'amour de la lueur/ et lumiere des falotz & chandelles dont lesditz chappons & poulletz avoyent paour/ & adonc fut ledit danger content sans plus rien en enquerir & s'en alla coucher. si fut le povre homme tir? dehors de leans aussi roide comme une barre de vieulx fer & ne congnoissoit desja plus personne/ et quant l'en le voullut faire approcher d'ung feu que l'en fist en la cuisine pour l'eschauffer il commen?a a soy esvanouyr/ et brief qu'il ne l'eust bien tost secouru il estoit mort tout plat/ or s'en failloit il partir a cop Car la demeure estoit trop perilleuse/ mais ledict povre amant ne eust peu avoir sesdictes robbes/ et vestemens qui ainsi avoyent est? gectez sur le ciel du lict sans faire grant noise qui estoit encores pour tout gaster parquoy fut ledict compaignon contrainct de vestir l'une des robbes de ladicte vieille chamberiere qui estoit bien estroicte sur les espaulles dudit amant & de chaulser les souliers de ladicte vieille chamberiere. et en ce point s'en vint a sa maison tresbien malade & en moult piteux termes/ si se fist alors bien penser et le lendemain visiter par les medecins. Mais estoit si tresesmeu et avoit si forte fiebvre du grant travail qu'il avoit souffert que l'en n'eust sceu bouter remede sinon que il traina bien .xv. jours sans s?avoir boire ne manger. Et devint aussi sec que boys si que finablement il alla de vie a trespas qui estoit bien grant dommage veu qu'il estoit sur le point de son bien Or disoient lesditz heritiers que attendu sa personne et le lieu dont il estoit le cas estoit bien detestable/ parquoy la pugnition & la peine debvoit bien estre grande contre ladicte dame qui avoyt est? cause de le faire ainsi mourir avant ses jours. Et pour ce concluoyent et requeroyent a l'encontre d'elle que pour occasion dudit cas dont mort s'en estoyt ensuyvie qui n'estoit pas possible de reparer ycelle feust condampnee a leur faire amende honnourable nudz piedz et sans saincture tenant une torche ardant en sa main du poix de quattre livres en disant que faulcement et maulvaisement elle avoit est? cause de la mort dudict deffunct leur frere dont elle se repentoit et leur en cryoit mercy et a amours Que avecques ce elle feust condampnee a faire faire une croix ou epytaphe ou tombe ou cymitiere ou il estoit enterr? en laquelle fust pourtraicte la figure et representacion dudict deffunct et escript au bas de la tombe pour en avoir memoire a tousjours.

? Cy devant gist le corps d'ung vaillant amoureux jadis bien renomm? qui fut piteusement estrain? de sa dame/ et qui receut d'elle si bonnes estraines qu'il en est piteusement mort quinze jours apr?s: dieu en ait l'ame.

Read Ebook: Les cinquante et ung arretz d'amours by Martial D Auvergne

Ebook has 121 lines and 52386 words, and 3 pages

Trending!

Back to top

Read Ebook: Les cinquante et ung arretz d'amours by Martial D Auvergne

Add to tbrJar First Page Next Page

Ebook has 121 lines and 52386 words, and 3 pages

Add to tbrJar First Page Next Page

Trending!

Back to top