Read Ebook: Les cinquante et ung arretz d'amours by Martial D Auvergne

Font size:

Background color:

Text color:

Ebook has 121 lines and 52386 words, and 3 pages

? Cy devant gist le corps d'ung vaillant amoureux jadis bien renomm? qui fut piteusement estrain? de sa dame/ et qui receut d'elle si bonnes estraines qu'il en est piteusement mort quinze jours apr?s: dieu en ait l'ame.

Que en oultre ladicte dame soit condempnee a asseoir rentes a tousjours et perpetuelles pour fonder deux chappelles garnies de messel calices/ chappes/ aubes/ vestemens et ornemens aux armes d'iceluy deffunct. et esquelles chappelles seront chantees et celebrees .ii. messes & quatre obitz l'annee pour le remede et salut de l'ame dudit deffunct amant et de tous ses amys trespasses. Qu'elle soit aussi condempnee a bailler l'argent qu'il fauldra pour admortir lesdictes rentes Que la presentacion desdites chappelles appartiengne aux hoirs et heritiers d'icelluy deffunct & la conlation a l'ordinayre. Et oultre plus que ycelle deffenderesse soyt de rechef condampnee envers iceulx heritiers par devant toutes oeuvres par ledict procureur general pour ladicte grant offence qu'elle a faicte a faire ung service moult solempnel auquel service tous les parens et amys/ grans/ et petis dudict deffunct seront appell?s Et ou il y ait semonce deux torches et luminaire selon l'estat de la personne dudict deffunct. Auquel service les gens partyront de l'hostel ou le deffunct est trespass? comme se son corps y estoit et la sera ladicte dame de icelluy deffunct nudz piedz faisant le premier dueil et laquelle tiendra en sa main en allant au monstier et durant le service ung crucefix de bois bien piteux qu'elle pourra bayser s'elle veult en signe et signification qu'elle est signe de mort comme celle qu'on mayne a la justice que aussi elle soit condempnee quant l'on yra a l'offrande par la robbe l'ancien frere dudict deffunct/ & de le mener devant par ung des costez de son manteau jusques au pres du prestre pour le faire baiser. Et cela fait s'agenouillera et inclinera devant le prestre sans baisier a l'offrande et puis s'en reviendra apr?s luy. Que aussy quant ce viendra a lever dieu elle soit tenue de soy lever de la place ou elle sera assise pour aler alumer la torche a celluy qui la tiendra et ce fait baiser le poile estant sur le coffre dudit deffunct ou de sa representation en soy inclinant tout bas Et en oultre apr?s ce que la grant messe sera dicte et quant l'on yra en procession chanter sur la fosse dudit trespass?. Libera me domine de morte. &. ce. que icelle dame deffenderesse soit condampnee et contrainte a soy descheveler & agenouller sur ladicte fosse les mains jointes au ciel/ durant toutes les oraisons que l'en dira illec sur le corps et a prendre le guypillon ou benoystier pour getter l'eaue benoiste dessus ladicte fosse deux ou trois foys en baisant la terre & disant devant tout le monde c'est par moy que es maintenant cy lasse dolente/ maudicte soit l'heure que je fus oncques nee/ et puis cela faict elle sera tenue de metre au bout du chevet de ladicte fosse une croix ou ledict crucefix qu'elle tiendra en ses mains. Et aussi qu'elle soyt condampnee a donner et bailler le jour du service par ses mains a chascun povre qui se trouvera audict cymetiere ung grant pain blanc tout chault/ et deux tournoys pour l'ame dudict deffunct. Et pour amende prouffitable qu'elle feust condampnee en la somme de quatres mille livres: et aussy a tenir prison ou il appartiendra A ces fins offroient lesdictz heritiers a prouver/ et demandoient despens dommaiges et interestz. Et au regard dudict procureur general & des gens d'amours ilz disoient que par les dessusdyctes informations qui avoyent est? faictes en ceste matiere il apparoissoit bien de tout ce que dit est dessus et comme ledict deffunct quant il fut tir? du gelinier/ il estoyt presque demy mort mais se cas la advint par la faulte de ladite dame ou pour le cuider decepvoir/ il n'y avoyt nulz des tesmoings examyn?s es dites informacions qui en parlast. Et pource protestoyent lesdictes gens d'amours de prendre leurs conclusyons plus a plain mais qu'ilz eussent ouyes les dictes partyes tout du long. Sy fut apr?s ladicte deffenderesse ouye/ qui premierement nya la demande d'eulx demandeurs estre vraye. Et puis apr?s pour ses deffences disoyt qu'elle eut singuliere amour et accointance avecques le deffunct et que ce fut moult grant dommaige de sa mort/ car il estoit taill? se il eust vescu d'estre ung grant homme et d'avoir des biens largement. Aussi estoit il debonnaire aym? de chascun: parquoy valloit bien d'estre cher tenu/ et n'y avoyt ame qui en la mort de luy eust tant perdu qu'elle avoit faict/ car une foys par le moyen de luy s'il eust pleu a Dieu de le laisser vyvre sur la terre elle avoyt intencion d'estre fort avancee et honnouree et ne feut oncques icelle deffenderesse autant doulente de mort d'homme comme elle feut de la sienne aussy ne le pouoit encores oublier. Or estoit il vray voirement que le jour des estraines il se approcha d'elle & la voulut estrainer Et combien qu'elle ne voulsist prendre les dons qu'il luy vouloit donner toutesvoyes il la contraignit par force a les recevoir/ et jura que jamais ne les remporteroit Si advint que lors pource qu'il estoit tard & qu'il n'eust veu goutte pour s'en retourner il la pria que pour dieu elle le logeast pour la nuyt seullement/ et jusques a ce que les menestriers venissent devant l'huis pour le recueillir et s'en aller avecques eulx. A laquelle priere obtempera icelle dame ayant piti? de luy et pour recompensation des estraynes qu'il luy avoyt donnees feut contente de le hebergier/ et ordonna qu'il feust couchi? blanc et mol/ comme a luy bien il appartenoit/ et en beaulx draps tous neufz qui sentoyent a plaine gorge les roses des provins qu'elle luy tyra de son coffre a celle fin qu'il dormast mieulx Et apr?s ce qu'elle luy eust dit dieu vous doint bonne nuyt elle luy bailla ung coeuvrechief & s'en alla coucher ou elle devoyt et elle ne cuidoit point jamais que danger s'en fust advis? ou apperceu. Et aussi a la verit? il ne l'eust pas jamais fayt se n'eussent est? d'aulcuns malheureux envieulx dudit deffunct courrouc?s de son bien qui luy baillerent cest aventure sans cause & sans raison/ car chacun n'y pensoit que bien. Or fut vray que tout a ung mouvement ledict dangier quant il ouit les menestriers jouer devant son huys se leva comme tout esmeu et eschauff?/ commen?a a dire. S'il est ceans je le trouveray bien. Et de ceste heure ceste povre femme qui ne dormoit pas vint au devant de luy en demandant ou il voulloit aller ne qu'il voulloyt faire. Surquoy en respondant mal gratieusement dist laiss?s moy aller et luy bailla ledict dangier deux souffletz dont elle cheut a terre toute plate comme toute estourdye. Si commen?a a crier et survint au cry la vieille chamberiere a qui ledict dangier commanda de aller allumer la chandelle mais ce pendant la bonne maistresse la bouta du pied et entendit et congneut bien le jeu/ tellement qu'elle s'enfouyt tout incontinent sans delay vers le deffunct luy dire et annoncer les nouvelles dont il fut si effray? qu'il se leva treshativement sans se seigner ne prendre sa chemise. Or qu'il devint depuis ne qu'il en fist ceste dame deffenderesse n'en s?avoit riens mais oncquespuis ne le veit ne n'ouit parler Et avoyt lors ass?s a faire de choyer dangier/ Et de luy dire qu'il auroyt frait/ et seroit malade s'il ne s'en tournoit coucher affin de luy rompre son entreprinse/ mais d'autant qu'elle le vouloyt appaiser il eschauffoit encores plus de cherchier ledict gallant ne ne la voulloit oncques en fa?on ne maniere qu'il est au monde possible cesser ne delaisser aucunement pour parolles ne pour prieres et supplications/ ains convint qu'il cherchast par tout ou bon luy sembla et n'atendoit la povre femme que la mort et ne s?avoit lors qu'elle faisoit ne ou elle estoit/ Car des douleurs avoit assez et eust bien voulu estre hors du monde/ nompas pour doubte d'elle ne pour son honneur/ car elle n'en craignoyt ame du monde/ mais pour le dangier ou ledict deffunct estoit/ et le desplaisir qui l'en pouoit avoir Or disoyt elle oultre qu'elle feut bien deux grosses heures entieres nudz piedz et en sa cotte simple parmy la maison allant tousjours apr?s ledict dangier et jusques a ce que le tonnoirre fust cess? et dieu scet en quel paine brief chascun eust piti? de la veoir en cest estat/ car elle n'avoit couleur au visaige et estoyt aussi deffaicte que ung drappeau et si trembloit comme la fueille en l'arbre Et encores par maleuret? advint que le feu de la chandelle que elle tenoit se print a ses cheveulx mais elle si terriblement troublee qu'elle ne le sentit oncques ne n'est possible a femme de endurer tel torment ne tel douleur pour une foys qu'elle fist alors Disoyt avecques/ ce que quant la noyse fut appaisee & que dangier ne trouva pas ce qu'il cuydoit elle envoya incontinent ses clefz en bas pour avoir des couvrechiefz pour chauffer sondit feu amy/ et luy faire revenir le cueur & la parolle/ et si n'est point a croyre qu'il ne luy fist tresgrant mal de ce qu'elle ne pouoit aller vers luy pour le reconforter/ mais elle avoit trop grant empeschement et si n'estoyt pas temps Touteffois au dernier faignant qu'elle eust mal au ventre elle trouva maniere de venir en bas et vint a une course luy dire a dieu & le baiser moult doulcement et alors les larmes yssirent deux yeux tant d'ung cost? que d'autre & ne pouoient parler tant avoient chascun le cueur serr?/ cela faict elle s'en retourna coucher bien dolente/ mais n'eust sceu dormir tant larmoyoit et avoit de mal si que le lendemain l'en eust trouv? les draps du lict tous plains de larmes et gemissemens. et depuis qu'elle le sceut que ledit deffunct fut malade elle ne eut joye au cueur ne n'estoit une seule journee que elle ne luy envoyast des prunes de damas seches/ des fleurs de toutes sortes/ boucquetz odorans/ et toutes autres choses plaisantes pour le esjouyr/ mais ce que chascun dit il fut mal pens? ou petitement secouru et luy bailla son medecin par trop de medecines laxatives/ Et puis il estoit foible et de tendre complexion/ et en effect il trespassa bien trois sepmaines le cas advenu Or disoit ceste dicte deffenderesse que de la voulloir chargier de la mort dudit deffunct c'estoit tresmal fait/ veu qu'elle n'en avoit tache ne coulpe/ ain?ois vouldroit qu'il luy eust coust? six pallettes de son sang/ & qu'elle ne deust boire ne manger que du pain & boire de l'eaue d'icy a trois ans & il fust encores en vie. Disoit aussi par autre moyen que l'en ne la devoit charger de sa mort. Car elle n'en pouoit mais/ et fut a la requeste dudit deffunct qu'elle consentit que il demourast a l'hostel & pour lui faire plaisir qui ne luy doit tourner a dommaige et s'il eust beaucoup a souffrir encores en eut elle plus la moyti?. Aussi ne fut ce pas par elle que la fortune advint ain?ois par ceulx qui avoyent rapport? faulses parolles a dangier dont par ce moyen l'en s'en devoit adresser a eulx et nompas a elle. Et quant au regard de la charger qu'elle s?avoyt bien que tout ce qui a est? fait adviendroit. Respondit par sa foy qu'il estoit impossible que le cas fust advenu se premierement danger n'eust est? embouch? des envieux dudit deffunct & ne l'eust point song? Aussi de dire qu'elle feust consentant/ veu que son honneur y pendoit/ cela estoit trop notoirement faulx et ne l'en voulut oncques charger ledit deffunct qui en s?avoit bien la pure verit?. Si disoit ladicte deffenderesse qui par les moyens dessus couchez que lesditz heritiers ne faisoyent a recepvoir en quoy que ce soit en voye d'absolution. A ses fins concluoit et demandoit despens Et entant qu'il touchoit les gens d'amours qui disoyent que il sembloit de prime face que il y eust grande presumption contre ladicte dame entant que elle envoya audit gallant qui estoit dedans ledit gelinnier une vieille robbe ou couverture pour le couvrir veu qu'il geloit a pierre fendant/ et qu'elle pouoit bien penser qu'il morfondoit illec/ & pource requeroyt que le droict d'amours y fust gard?. Respondit ycelle dame qu'il n'eust pas est? en toute sa puissance de le secourir/ pour ce que dangier estoit tousjours aupr?s d'elle et qu'il faisoit autant de pas comme elle faisoyt/ et se elle eust fait aulcun semblant d'aller devers luy/ tout eust est? descouvert. Aussi ne s?avoit elle alors ou il se estoit bout? ne qu'elle faisoit tant estoit effrayee de l'advanture. Surquoy les heritiers dudit deffunct en repliquant disoyent que elle ne se pouoit excuser de la mort d'icelluy/ car devoit estre asseuree de son cas & avoir deux cordes en son arc avant que le laisser demourer leans. c'est a dire que elle debvoit pourveoir a l'inconvenient et luy faire deux chemins affin au moins quant danger fust venu par l'ung qu'il s'en allast par l'autre mais elle avoit ouvr? au contraire/ car elle avoit mys le povre homme coucher en la gueule des loups qui l'eussent voulentiers devor? se par amours ne eust est? secouru/ & quant du secours qu'elle disoit avoir fait audit deffunct ne sert de riens. et aussi pour monstrer l'experience du contraire oncques n'avoit est? au service dudit deffunct ne porter le dueil. comme se jamais ne l'eust congneu Si fut dupliqu? par ladicte deffenderesse/ en disant que c'est plus grant paine la moycti? de porter le dueil dedans le cueur que dehors & mettre une robe noire car l'ung griefve et touche de pres/ et l'autre n'est que pour faire maniere/ et en y a beaucoup qui font le dueil par dehors mais ne leur en chault. Si estoit ladicte deffenderesse de ceulx mesmes qui le portoyent au cueur car jamais n'oublyoit le deffunct/ et n'estoit jour ne nuyct que elle n'en plourast et priast pour luy quant il luy souvenoit de sa grant douleur et debonnairet?. Au regard des deux chemins il n'est personne si saige ne si advis? qui ne perdist le sens mesmement quant l'en n'a pas le loisir d'y penser et que ung tel inconvenient vient si soubdainement et en parlent plusieurs bien a leur aise par ce qu'ilz ne s?ayvent que c'est. si disoit par ses moyens que a elle l'en ne pouoit riens demander dudit cas comme dessus. Lesquelles parties ouyes en tout ce qu'elles ont voulu dire & aleguer elles ont est? appointees contraires et en enqueste/ laquelle a est? faicte/ et rapportee par devers la court et ont depuis les parties baill? reprouches produit ce que bon leur a sembl?. Si a la court veu finablement ledit proc?s enquest? et tout ce qui il failloit veoir en grant et meure deliberation/ & tout veu et consider? ce qu'il failloit a considerer la court dit que elle absolut la dame des impetitions & demandes des heritiers dudit deffunct comme non coulpable du cas & recompense les despens d'ung cost? & d'autre & pour cause

? Le .xxiii. arrest.

En la court de ceans c'est assis ung aultre proc?s entre une dame apellant d'une part & ung sien intime d'autre/ & disoit ladicte appellant que ja?oit ce qu'elle ne luy eust meffait ne mesdit en riens/ mais ay tousjours tach? a luy complaire/ neantmoins ledit intime c'estoit vant? de luy porter dommaige & de fait l'a menacee de la faire prisonniere/ et voulant faire information pour la prendre elle s'est sentue grevee et en a appell?. Si concluoit tout pertinent en matiere d'appel qu'elle a est? mal menacee & bien appell? par elle A ces fins offroit a prouver et demandoit despens de la partie dudit amant fut deffendu au contraire & disoit que ung soir bien tard ainsi que il passoit par devant l'huys de sadicte dame il commen?a a toucer affin qu'elle l'ouyst pour dire dieu vous doint bonne nuyt/ mais aussi tost qu'elle entendit que c'estoit il elle print ung seau d'eaue & le gecta a sa fenestre sur sa teste et dedans le dos tellement que le povre homme fut tout esfarouch? & cuidoit bien estre noy?. Apr?s laquelle eaue gettee la dame & sa chamberiere commencerent a rire si hault & se mocquer qu'il les peust bien ouyr/ dont il fut plus dollent que par devant et pour ceste cause s'en estoit plaint a la justice d'amours qui avoit ordonn? faire information du cas pour apr?s y pourveoir. Or disoit que le cas estoit maulvais/ car il avoit est? fait d'aguet a pensee et avec propos deliber? en hayne et desrision d'amours/ et contre le dit amant qui estoit en sa sauvegarde/ parquoy il cheoit grant reparation mais encores l'en ne faisoit que l'information pour la verit?/ & par ainsi d'en avoir appell? l'appellation n'estoit recepvable/ aussi ne faisoit a ladicte dame aucun grief/ car quant l'en l'eust voulu prendre il estoit lors temps d'en appeller & nompas de l'information. Disoit avec ce ledit amant que jamais n'en eust parl? si n'eut est? la mocquerie & risee qu'elle & sadicte chamberiere en firent quant il fut ainsi moull?/ et concluoit affin de non recepvoir allias mal appell?/ en requerant provision. A quoy fut replicqu? par l'appellant disant que sus sa foy quant l'eaue fut gectee/ elle ne cuydoyt point que ce fust il Et aussi ce ne fut elle pas qui la lui gecta mais sa chamberiere qui estoit jeune & sote dont elle fut moult courroucee apr?s/ combien qu'elle n'y eust peu mettre remede car la chose estoit ja faicte/ mais quoy que ce soit ne se farcerent oncques de luy/ et ainsi de se plaindre a ledit amoureux grant tort. Aussi n'y avoit il danger de son cost?/ car l'eaue estoit nette si lui estoit moult proffitable pour le rafreschir. Et au regard qui fust en la saulvegarde d'amours elle n'en s?avoit rien aussi ne luy en avoit on riens signifi?. Ledit amant pour ses dupliques disoit qu'il n'estoit que de bonne chaleur & que ladicte dame ne se pouoit excuser pour dire qu'elle ne cuidoit point que ce feust il/ Car il avoit toussy une foys/ ou deux tant que elle l'avoit bien entendu/ Et fut la chose faicte a la main pour se farcer de luy et despriser. et quant a la saulvegarde ne la pouoit ygnorer/ car il estoit tout notoire que tous amoureux qui vont de nuyt sont en la sauvegarde d'amours tout ne plus/ ne moins comme sont les oubliers qui vont par la ville et de ne leur toucher sur peine de perdre le poing. surquoy les parties ouyes elles ont est? appoinctees a mettre par devers la court & au conseil ce que bon leur sembleroit/ si a la court veu ledit proc?s & tout ce qu'il failloit veoir en ceste matiere et a tout veu la court dit qu'il a est? mal appell? par ladicte appellante et l'amendera en la condampnant es despens de la cause d'appel/ la tauxation reservee. et ordonne la court que ladicte dame et sa chamberiere comparoistroyent ceans en personne pour estre interrogu? sur ledit cas. Et ce faict la court pourvoyera sur tout & fera droit aux parties ainsi qu'il appartiendra par raison.

? Le .xxiiii. arrest

En la court de ceans c'est assis ung aultre proc?s entre une jeune dame appellante d'une part/ et ung jeune amant intime d'aultre part. et disoit ladicte appellante que comme entiere et loyalle ou elle debvoit estre elle avoit esconduit ou debout? ledit intime Touteffois affin qu'il n'en feust mal content ou qu'il ne cuydast qu'il eust haine a l'encontre de lui faisoit tousjours ung commun acueil comme aux aultres. Or disoit elle que une journee ainsi comme elle et d'aultres de ses voysines jouent au propos il se vint seoir aupr?s d'elle. Et advint a son tour que ainsi qu'il parloit a elle a l'oreille pour luy dire son mot et proposer dessus que icelluy gallant en haulsant la pate du chapperon la baisa tout a coup/ duquel baiser ainsi prins d'emblee et par trahyson ceste dame si a appell? et relev?/ et pource concluoit tout pertinent qu'il avoit est? mal proced? & tres mal exploict? par ledit amant et bien appell? par elle offrant prouver et demandoit despens. et au surplus elle requeroit que il luy fust deffendu de plus ne luy toucher en quelque fa?on que ce fust De la partie dudict amoureux intime fut deffendu au contraire et disoit que voirement se trouva assis avecques elle/ et plusieurs aultres qui jouoyent audit propos & fut vray qu'en s'approchant vers elle pour luy dire le mot qu'il avoit pens? son pied luy grila devers elle & ainsi lui cuidant dire en l'oreille sa bouche froya ung peu contre sa joue/ mais cella ne doit estre reput? pour ung baiser car ce n'estoit que ung glyssement. Aussi n'avoit il touch? que contre la joe et l'orelle. Et n'y avoit eu saveur ne odeur quelconque ains encore luy rechigna elle comme s'elle l'eust voullu menger pourquoy de se plaindre avoit ladicte dame grant tort. et n'estoyt l'appellacion recepvable ne valable veu mesmement qu'il ne luy avoit faict aucun grief et pour ce concluoit a ses fins et qu'il fut dit qu'elle avoit mal apell? offrant a prouver et demandoyt despens. Cest appellant pour ses replicques disoit que par telz moyens prendre baiser c'est larcin publique & que l'en ne pourroyt pugnir telz malfaicteurs/ car c'est a eulx trop entreprins et en peult venyr trop d'inconvenient Et peult estre que ceulx qui les voyent ainsi prendre ne l'oublyoient pas aussy de legier et pensent a l'adventure ce qui n'est pas et aussi quant les autres a qui la chose touche le s?avent ilz en prennent des merencolies & aussi des desplaisances beaucoup et cuident souvent que leurs dames par ce moyen ayment autres que eulx parquoy avoit appell? dudit baisier l'appellation estoyt bien recepvable. Et ne valloyt rien de dire au contraire que cela ne luy portoit point de prejudice car ce n'estoyt pas son plaisir qu'il la baisast ne touchast en aucune maniere et concluoit comme dessus Mais ledit intime pour ses dupliques disoit que autant en emportoit le vent et que nul qu'elle ne pouoyt s?avoir qu'il l'eust baisee: car la pacte du chapperon estoit au devant Finablement les parties ouyes elles ont est? appointees en droit et au conseil. Si a la court veu ledict proc?s ce qu'il failloit veoir en ceste matiere: Et tout veu la court mect ceste appellation au neant et sans amende ne despens et ordonne la court que doresnavant l'en ne jouera plus audit jeu de propos sinon que dangier ou chagrin soient entre deux & pour cause

? Le .xxv. arrest.

Ceans c'est plaint ung amoureux d'une sienne dame/ disant que combien qu'il l'ait longuement servie et qu'elle ait peu apparcevoir sa bonne voulent?/ neantmoins elle ne l'a voullu aymer ne prendre en grace/ ains luy a ja respondu par plusieurs fois qu'elle ne le veult aymer plus luy que ung aultre & qu'elle ne sera subgecte en amours tant qu'elle vive affin qu'il se pourvoye ailleurs/ Et ainsi se povre gallant a des maulx beaucoup a souffrir/ car il a mis tout son cueur en elle qu'il en vouldroyt bien oster et retirer/ Mais il ne peut et pource requeroit qu'elle fust condempnee a le recepvoir en sa grace comme son serviteur et amy: ou aumoins qu'elle fist tant qu'il ne luy souvenist plus d'elle et ne luy en chaulsist point. Et sur ce a ladicte dame deffenderesse deffendu au contraire disant que au regard d'elle pour obvier aux grans maulx qu'elle veoyt tous les jours advenyr a ceulx et celles qui sont au plaisir & service d'amours elle ne veult personne aymer ne mettre son cueur plus a l'ung que a l'autre/ car selles qui le font s'en tiennent deceveurs: et advient voullentiers qu'elles en seuffrent beaucoup d'oprobres et en perdant leur bonne renommee/ dont aulx gallans ne chault guieres/ car ilz ne pensent que a leur singulliere voullent?/ et leur semble que ce qu'ilz songent leur doibt advenir dont ilz sont bien loing Et aussi pour faire tout uny n'avoyt ladicte dame entencion d'aymer aulcun/ ains voulloyt demourer et la franche libert?. Et ledict complaignant avoyt mys si fort son cueur en elle qu'il ne l'en pouoyt oster dont c'estoyt follye a luy/ car il aymoit sans partie Et quant est de requerir qu'il ne luy souviengne plus d'elle: respondict ladite dame qu'elle ne le s?auroit garder de songier et de penser a elle/ se luy mesmes ne s'en voulloyt garder/ Car elle n'avoit pas la clef de son cueur. Aussy telz pensemens ne viennent que de folles voullent?s qui suffocquent les cueurs des gens par trop legier croire & fole esperance en quoy l'en ne se doibt fier: mais en tant qu'il luy touche ne luy souvient de luy que bien a point. Et disoyt oultre qu'elle ne peche en riens qu'il ne l'oste de l'amour qu'il dit avoir en elle veu qu'il s'i abuseroit trop longuement. Si concluoit par ses moyens affin d'absolucion et demandoit despens/ et apr?s le procureur d'amours qui touchant ceste matiere c'estoit adjoint avec ledit povre amant demandeur. Si disoit que une femme de quelque estat qu'elle soit s'elle n'est une fois en sa vie amoureuse et au service d'amours elle ne sera jamais bien venue du monde/ ains doibt estre reputee tout son temps comme une beste brute qui n'a point d'entendement/ car tous biens viennent d'aymer et qu'il soit vray l'en le peult veoir par experience de celles qui ayment car d'amours vient joye plaisance et desplaisance/ aise et desaise de tous les biens du monde ne n'aura jamays femme ne homme qui soit amoureulx disette de biens/ car l'en a tousjours ass?s et vault myeulx ung soubzrys/ ou ung petit genoul ou quelque petit signe que l'en s'entregette l'ung a l'autre que avoir cent muys de bl? au grenier car au moins telz biens d'amours ne se peuent diminuer et si ne les fault point vanner pour les chardons. Et aussi l'en voit communement que une femme qui est amoureuse est tousjours joyeuse ne n'y a celluy qui ne tasche a luy faire plaisir. et si s'entrebat l'en encores pour estre des premiers a la servir elle sera tousjours coincte jollye et bien cueillie et n'y a ordure qui s'osast prendre a sa robe/ mais au contraire celles qui renoncent au servyce d'amours sont maleureuses et chetives et ne veult l'en avoir a faire a elles sinon en passant pour dire dieu gard et a dieu dame. Et tous les plus grans biens qu'ilz peuent avoir c'est quant elles se treuvent es festes ou on dance ou en aultre lieu qu'on fait bonne chere qu'elles sont assises en banc pour parler du temps pass? regard?s le personnages et vieulx habitz qui sont pourtraictz en ses tapisseries de nopces de deviser illecques a ung coingnet du temps jadis n'avoyent garde d'eux habiler de telz habitz qui courent maintenant/ et l'une belle commen?a a dire tout est chang?/ et qu'elle ne congnoist plus rien au monde/ et l'autre dira que ce n'est que folie d'y mettre son cueur veu qu'il fault mourir/ et en ce prennent leur deduyt et ne leur dure gueres/ car quelque chose qu'elles en disent elles vouldroient en leurs cueurs estre aussi jolyes que les aultres et avec ce elles n'ont point de bien car lors n'en tient l'en pas grant compte/ parquoy n'ont point de joye ne liesse ains languissent sur le pied & pource disoit ledit procureur d'amours qu'il avoit choys de l'ung a l'autre et qu'il ne pouoyt croire que ceste dame de si vaillant cueur reffusast son service/ et affin que il en sceust la verit? requeroit qu'elle jurast c'elle vouloyt a tousjours renoncer aux biens & service d'amours surquoy elle interroguee dist et afferma que ouy & qu'elle n'avoit cure d'aymer quelque gallant que ce fust pour aucunes causes que a ce la mouvoient. Ouyes les responces et affirmations ledict procureur d'amours print ses conclusions a l'encontre d'elle tant qu'elle fut banie & privee a tousjours du royaulme d'amours/ et des biens qui y sont et qui n'y eust personne qui se esbahyst ne parlast a elle en quelque maniere que ce fust sur peine de confiscation de corps et de biens et qui tous ceulx qui luy verroyent desormais tenyr boucquetz les luy allassent arracher des mains devant tout le monde comme indigne de les porter Et avec ce que nonobstant la renonciacion par elle faicte et sans prejudice d'icelle fust condampnee a le saluer et rire de l'oeil et de bouche tant seulement et pour ce gallant aimer tant qu'il fust revenu a sant? de la maladie qu'il avoyt a cause d'elle. Et oultre requeroit que a greigneur seuret? il fut baill? a elle en garde pour le penser durant sa maladie en telle maniere que s'il rechet jamais en l'estat l'on s'en pourra prendre a elle. Et aussi qu'elle fust tenue de respondre ou que telles aultres conclusions fussent adjugees audict procureur d'amours qui la court aviseroit Surquoy ladite dame dessusdite disoit que veue la revocation par elle faicte de ne aimer ne d'avoir aucuns biens d'amours/ l'en ne luy pouoyt plus rien demander: car elle estoit exempte de la court/ et non tenue de proceder/ mais devoyt estre mise hors de proc?s Et quant est des conclusyons prinses contre elle par les gens d'amours disoit qu'elles n'estoyent recepvables: car amour vient de voulent? et de plaisir. Et ainsi doncques puis que une foys elle avoyt declair? que son plaisir n'estoit point d'aymer l'en ne la devoyt de raison contraindre par force aymer ne ne s'en devoit plus la court mesler. Et au regard d'avoir en garde le malade: elle respondoyt qu'elle n'en prendroit jamais la charge: pour ce qu'elle avoit ass?s a faire de se garder elle mesme. Et quant est de porter fleurs ou boucquetz bien s'en passeroit Mais le povre amant par ses repliques disoit qu'il estoyt content qu'elle demourast en sa libert? et qu'elle feist tout ce qu'elle voudroit pourveu qu'il ne luy souvint plus d'elle combien qu'il ne luy estoyt possible que jamais la sceut oublier/ et s'en estoit bien esforc? tant par voiages et pelerinaiges qu'il en avoit fait que aultrement car tout rien n'y a voulu/ car de tant plus qu'il en estoit loing c'estoit alors qu'il avoit plus grant desir de s'en approucher. parquoy son cas estoit pitoyable et moult favorable entendu mesmement qu'il n'estoit possible de recevoir garison synon de la grace de sadicte dame pour occasion de laquelle sa maladie luy estoit venue: et a ce qu'il fust guery et estoit content de mourir entre ses mains/ en offrant de la quiter de sa mort et aussi de deffendre a ses heritiers de ne luy en jamais rien demander Mais ladicte dame perseveroyt tousjours en ses reffus disant que celles qui y sont bien se y doivent tenir/ et que de soy obliger en une chose ou elle n'est point tenue jamais ne le feroyt pour rien. Oultre elle disoit qu'il ne luy souvient de luy/ parquoy ne luy doibt point souvenir d'elle: et est bien grant simplesse d'y mectre son cueur si avant que on ne l'en puisse oster A quoy le povre homme respondit que l'on n'en est pas maistre qui veult/ et que s'il s'en pouoit une fois deffaire jamais elle ne aultre n'aymeroit si parfaictement au moins qu'il ne sceust bien comment. Ouyes lesquelles parties en tout ce qu'elles ont voulu dire et alleguer elles ont est? appointees a mettre par devers la court et au conseil. Sy a la court finablement veu ledit proc?s avec ce qu'il failloit veoir et visiter en ceste matiere. Et tout veu et consider? la court dit que veu et visiter la renonciation faicte par ladicte dame deffenderesse de ne servir jamais a amours elle ne tiendra court ne congnoissance de ceste matiere mais elle ordonne qu'il sera deffendu a tous galans subjetz & serviteurs d'amours qu'ilz ne soyent si osez/ ne si hardys de la mener danser en quelque feste qu'elle soit ou voise ain?ois qu'on la laisse toute comme une femme habandonnee et bannie de toute joye. Et pareillement sera deffendu a tous cousturiers qu'ilz ne luy facent aucunes robbes ou vestemens a la nouvelle fa?on/ mais que ilz mettent tousjours en celles qu'ilz luy feront ung gros ply entre deux menus que devant ou derriere elles soyent mal arondies que legier passe d'ung cost? affin que chascun congnoysse que avant ses jours elle deviendra chartreuse/ et que par ce moyen elle soit esloingnee et privee de toute joyeuse compagnie. Et au regard de la provision requise par ledit povre amant malade/ la court dict que elle n'y peult toucher mais de grace combien qu'il ne soit acoustum? de faire/ luy conseille de se pourveoir ailleurs de dame/ ou de se vestir de dueil/ affin que le cueur d'elle puisse ung peu amollir.

? Le .xxvi. arrest.

Aux cryees d'une tresbelle fille se sont trouv?s sept opposans Et disoit le premier qu'il avoit bien desservy l'amour d'elle et qu'il la voulloit bien par quoy la requeroit a avoir devant tous les autres. le second opposant disoit qu'il avoit tout son cueur en elle & disoit qu'il l'avoit de pie?a choisie pour estre son serviteur si c'estoit son plaisir Le tiers disoit qu'il l'avoit premierement requise & fait ses diligences en temps & en lieu et ainsi devoit estre prefer?. Le quart disoit que s'elle prenoit autre que luy se devoit estre a la charge de lui faire ung petit genoul/ & ung soubris qu'elle luy avoit promis que toutes et quantes foys qu'il passeroit par devant elle. Le .v. disoit aussi qu'ilz avoyent promis de eulx entre aymer ensemble/ et de faire des biens l'ung a l'autre Et pource requeroit qu'il ne fust pas oubli? ne mys des derniers. Le .vi. disoit que combien que il eust bon droit de s'opposer toutesfois attendu qu'il y avoit tant de opposans il ne requeroit seullement que la grace d'elle et que on l'eust pour recommand? a jour de payer comme ung autre. Le .vii. et dernier disoit qu'il l'avoit songee deux ou trois fois la nuit/ & aussi on luy avoit rapport? qu'elle le aymoit bien/ parquoy requeroit estre prefer? devant tous autres A quoy dangier et malle bouche qui estoyent adjoinctz a veoir juger ce decret desdictes criees & disoyent que lesditz opposans s'abusoyent bien de y venir par opposition car il n'y s?avoit nul qui eust droict en la propriet? des choses criees ne qui deust empescher d'en disposer a leur plaisir & devoient lesditz opposans venir par requeste et supplication & nompas par main armee. Et quant est des parolles & gracieux semblant qu'on leur avoit donn? disoyent lesditz dangier et malle bouche que filles ne ont point de vouloir ne de facult? de choisir ou eslire et oultre quelque double parolle ou bel acueil que facent aux gallans cela ne peult prejudicier sinon a ceulx qui se y fient trop de leger & pource de s'i attendre estoit grant simplesse avec plusieurs autres raisons servans leur cas Surquoy parties ouyes elles ont est? apointees en droit et au conseil. Et a la court finablement veu ledit proc?s lesdictes criees avec les causes d'opposition & tiltres de chascun. Et tout veu et consider? la court dit que nonobstant les oppositions desditz opposans dont elle les deboute ledict decret sera adjug? a la voulent? desditz dangier et male bouche mais ladicte fille choisira celluy des opposans qui mieulx luy plaira pour estre son amy et serviteur et condampne les opposans es despens.

? Le .xxvii. arrest

En la court de ceans c'est assis ung proc?s entre ung povre amant appellant de certain reffus a luy fait par sa dame intimee d'aultre part/ et disoit ledit appellant que la chose qu'il desiroit plus c'estoit d'estre en la grace d'elle et qu'elle eust souvenance de luy. Or disoit que a ceste occasion & affin qu'elle l'eust en memoire il se advisa aux estraines dernieres passees de luy faire ung des plus beaulx/ et riches mouchoirs qu'il estoit possible de faire ou son nom estoit escript a lettres entrelassees le plus gentement du monde/ et luy avoyt bien coust? quatre escus/ car il estoit attach? a ung beau cueur d'or et franges de menues pensees. Si fut vray que le povre gallant mesme luy presenta ledit don audictes estraines mais elle n'en eut cure ain?ois l'a reffus? en disant qu'elle n'en prendroit point & qui plus est maintenant luy fait pire chiere que elle n'avoit acoustum? par avant en luy rechisgnant a chascun coup/ parquoy se gallant voyant qu'il n'y pouoit trouver aultre maniere a appell? dudit reffus et rechignement en la court de ceans. et pour ce concluoyt tout pertinent en matiere d'appel qu'il avoit est? mal reffus? mal rechign? et bien appell? par luy. A ses fins il offroit a prouver & demandoit provision d'estre remis en l'estat qu'il estoit par avant son appel et despens. De la partie de ladicte intimee fut deffendu au contraire et disoit que c'elle luy rechisnoit ou faisoit maulvaise chiere/ l'on ne s'en debvoit pas esbahir/ car il se vouloit trop moquer d'elle de luy presenter ung tel don qui n'estoit pas recepvable veu que c'elle l'eust prins elle eust confess? en effect d'estre morveuse. car aussi il ne sert que de moucher/ pource a bonne et juste cause l'avoit reffus? et n'estoit par consequent l'opposition dudict reffus vaillable. Et concluoit a ses fins/ et quant est de la provision n'en doibt point avoir/ car pour meffaire/ ou mesprendre si lourdement envers sa dame qui debvoit garder de courroucer elle n'estoit tenue de rendre plaisir. A quoy ce povre amant disoyt que en telles matieres l'on ne debvoit pas tant regarder au don que a la voulent? du donnant. et affermoyt par sa foy que jamais n'eust pens? la ou sadicte dame pense/ mais seullement luy avoit fait faire ledict mouchouer qui estoit moult beau & riche pour l'amour d'elle et affin que quant elle metteroyt la main a ses clefz elle le veist ou quant elle se mouscheroit luy souvint alors de luy/ et brief aymeroit myeulx mourir/ que faire chose en son escient qui luy despleust/ en offrant de luy donner en ce lieu ung aultre tel don que elle vouldroit en requerant pour dieu mercy entant qu'il la pourroit avoir offensee. Surquoy ladicte dame pour ses duplicques/ disoit au contraire que par le propos mesmes dudict amant prins a son prejudice il avoit delinqu? & que pour donner exemple aux autres ou affin que une aultreffois fussent mieulx advisez estoit besoing de y pourveoir. Finablement parties ouyes ont est? apointez en droit & a mettre devers la court et au conseil. si a la court d'amours veu ledit proc?s a grant et meure deliberation & tout ce qu'il failloit veoir en ceste matiere/ & tout veu dit que il a est? bien reffus? & proced? par ladicte dame & mal appell? par le dict appellant et l'amendera en le condampnant es despens de la cause d'appel/ la tauxation reservee avec ce declere la court ledit don non recevable ne vallable en deffendant a tous amoureux de jamais n'en arrestez leurs dames sur peine d'amende arbitraire & de encourir l'indignation d'amours

? Le .xxviii. arrest.

Ceans c'est complaint une femme de une sienne voisine/ disant que elle luy tient les plus rudes termes du monde car incontinent qu'elle voit ung homme qui vient parler a elle toute la journee elle ne cessera de quaqueter mal es voisines en gectant des petites pierres par une fenestre qu'elle a respondant sus la rue dessus les gens qui estoyent a son huys pour les en faire aller. Et puis quant on n'en tient compte ou que l'en ne s'en bouge/ elle s'en vient plainement a ladicte fenestre tousjours/ et dire dieu vous gard comme pour dire/ je vous voy bien et proferant plusieurs aultres parolles mal sonnant/ & encores plus elle non contente de toutes ses choses ycy tressouvent elle murmure & se elle a quelque robbe ou chapperon nouveau ceste femme deffenderesse va publier incontinent que elle s?ait bien qui luy a donn? & que tel l'a pay? qu'on ne cuyderoit pas en luy faisant plusieurs autres oultrages et desplaisirs. Et pour ce requeroit icelle demanderesse qu'il fust deffendu a sa voysine de ne parler contre elle sur paine de luy parcer la langue et que sa fenestre par ou elle vient escouter les gens fust abatue & demandoit despens De la partie de ceste deffenderesse fut deffendu au contraire et disoit qu'elle avoit tousjours vescu paisiblement/ et n'eut jamais noise en la rue si non depuis que ladicte demanderesse y estoit venue demourer qui n'estoit contente des biens qu'elle a/ mais veult entreprendre sus les aultres et si luy semble pour deux/ ou troys robbes qu'elle a qu'on la doibt appeller ma dame et qu'elle doit supediter tout le monde. Or ne le vouldroit point ycelle deffenderesse la despryser/ mais aussi ne la souffriroit jamais a son pouoir entreprendre sus elle. Combien qu'elle y a bien tasch? par plusieurs foys. Et est vray que par faulx rapors elle luy a soutrait ung des meilleurs chalans qu'elle eust pourquoy s'elle en est courroucee contre elle/ l'en ne s'en doit esmerveiller et s'elle a parl? contre elle aussi a la damoyselle/ et dit d'elle des maulx infinis dont elle laissera la vengeance a dieu qui s?ait tout. Et quant est de sa fenestre elle est sienne & en sa maison. Parquoy elle y peult estre a toute heure ne ne la pourroyt on empescher qu'elle n'y viengne quant bon luy semblera. Au regard des chapperons/ et des robbes nouvelles disoit qu'elle n'a pas dit encores tout ce qui en est/ & que quant il fauldroyt nommer ceulx qui les ont donnees/ voirement elle les nommera bien parquoy de se plaindre d'elle & avoit la demanderesse moult grant tort Et au surplus concluoit affin de absolution et de despens. A quoy ladicte demanderesse respondit disant qu'il vauldroit beaucoup myeulx estre log? aux champs que empr?s une femme envieuse/ car elle ne se peult taire tant est courroucee du bien d'aultruy & si en est le service d'amours empesch? par ce que plusieurs entreprinses se pourroient faire qui en son rompus et advient moult voulentiers que par telles malles bouches l'honneur est sans cause tolu. et donne l'en charge a ceulx qui n'en peuent mais/ et semble que veu que on ne luy dit mot et aussi qu'on n'entreprent rien sur elle qu'elle deust bien estre contente Mais elle aymeroit mieulx mouryr qu'elle ne parlast ou dist mal d'ung chascun & ne vit d'autre chose oultre ladicte demanderesse que sadicte voisine a bien grant tort et luy venoyt de ung faulx couraige de venir escouter les parens et amys/ et de gecter des pierres pour les faire departir Disoit aussi pareillement que en sa vie ne fist ung rapport maulvais de ladicte deffenderesse ain?oys luy vouldroit a son pouoir garder son honneur comme le sien. Et s'elle avoit aussy bonne voullent? et desir comme elle certainement il ne fauldroit point plaidoier. Surquoy ycelle deffenderesse disoit au contraire que sa partie adverse n'est q'une flatteresse et baveresse/ et que avant qu'elle y venist chascun estoit bien d'accort et sans murmure/ mays maintenant l'on n'oyt que debat et noyse pour et a l'occasion d'elle. Finablement parties ouies elles ont est? appointees en droict et a mectre devers la court et au conseil. Si a la court veu et visit? ledict proc?s/ et tout ce qu'il failloyt veoir en ceste matiere et tout veu et consider?: dict que la fenestre par ou ladicte deffenderesse vient escouter les gens et getter les pierres sera seellee et muree comme une chose condampnee. Et au surplus deffent la court a chascune des parties qu'elles ne parlent l'une a l'encontre de l'autre en quelque fa?on ne maniere que ce soyt sinon en tout bien et en tout honneur sur peine de la hart et de confisquation de corps et de biens.

? Le .xxix. arrest.

Ceans c'est complaint une dame d'ung sien amy disant qu'elle a despie?a donn? son cueur a luy du tout & qu'il n'est possible a femme de aymer tant homme qu'elle a faict luy/ mais pource que il le scet bien il n'en faict guaires de compte/ & la faict languir en maintes manieres et pour quelque priere que elle luy face il ne la veult entretenir ne luy bien faire/ et quant elle l'envoye querir pour venyr vers elle il se faict celer. Et encores luy promect par serment qu'il y viendra il se faict aller querir trois ou quatre fois et n'en peult l'en venir a chief que a bien grant peine combien qu'il n'y a homme au monde mieulx festoy? ne mieux venu quant on le peult avoyr. Disoit avec ce que puis n'a gueres ceste dame a sceu et est advertie que ledict galant en ayme une aultre/ et est la cause par laquelle il fait tant de reffus qui est tres mal faict a luy/ car il luy a promys foy et loyault?/ et a veu le temps qu'il eust est? bien eureux quant seullement elle luy eust voullu soubzrire d'ung oeil/ mais l'en dict bien vray quant ilz ont faict des gens il ne leur en souvient plus et sont folles celles qui si fient & disoit ceste dame complaignant que a l'occasion de ce cas et de ce qu'elle voit maintenant que ledict galant l'a layssee pour en prendre une autre elle a eu et a si grande desplaisance au cueur qu'elle n'en s?auroyt boyre ne mengier chose qui bien luy face/ Elle ne peult durer ne dormyr de nuyct/ car tousjours sans cesser pense a luy son cueur luy fremist et luy viennent plusieurs vomyssemens qui tressouvent la font esvanouyr/ elle crache sang a gros morceaux mesl?s de grant ordure qui est grant piti?. Et brief elle se doubte que ledict gallant ne luy ait baill? quelque maulvais boucon dont elle a celle maladie/ elle ne veit ne n'est soustenue que de souspirs & ne boit que de l'eaue de larmes/ les jambes luy commencent a peler les ongles luy cheoient: parquoy a grant presumption contre luy. Et aussi y a eue information faicte a sa requeste Si requeroit ladicte dame que ledict amant feust estroictement detenu prisonnier et que l'en le contraingnist a en dire la verit? par sa bouche. De la partie de cest amant fut deffendu au contraire et disoit que au regard de luy il a est? comme encores est de bonne vie et renommee ne ne fist oncques desplaisyr a ladicte dame ne a aultre qu'il saiche: et aussi ne vouldroyt il faire/ et est bien vray qu'il a fort aym? ladicte dame et servie par long temps sans estre en amende que bien a point quant il l'a bien congneue et veu ses estranges manyeres bien peult estre qu'il s'en est voullu deffaire et delaysser la peyne qu'il y avoit/ Car trop est forte chose de tousjours servyr sans loyer aussi elle a d'autres serviteurs ou elle peult bien renoncer/ et dont elle doibt estre contente. Disoit outre ledit amant qu'il n'est aujourd'huy si perilleuse chose que de se adresser a une dame qui a le cueur vollaige pour le departir en plusieurs lieulx: Car les biens qui en pourroyent venir ne sont jamais entiers ou parfaitz et n'en vient que noyse & discentions entre les contendans et requerans et quelque chose qu'elle di jamays ne le mandast qu'il n'alast devers elle en luy obeyssant plus qu'il n'estoit tenu et tellement qu'il est las du service et n'y veut plus retourner pour le pris aussi est pourveu ailleurs pourquoy de adresser a luy ceste dame si ne faict a recepvoir & quant est de sa maladie qu'elle luy vient d'ailleurs/ mays il failloyt prendre son excusation sur quelque chose et au surplus requeroit ledit amant qu'elle desclairast s'elle voulloyt charger du cas qu'elle luy imposoit/ car il protestoit a l'encontre d'elle d'en avoyr reparation et conclure en amende deshonnorable et proffitable Et sur ce que les gens d'amours disoient que puis nagueres ceste dame estoyt devenue fort maigre et merencolieuse et sechoit sur le pied. Dysoit au contraire ledict amant que par l'informacion qu'il a fait faire touchant justifications et deffences appart qu'il est bien renomm? et de leal couraige/ et y a aulcuns tesmoings qui disoient et desposoyent qu'il a eu beaucoup a faire au service de ceste dame/ car au commencement luy a est? fort rude avant qu'elle luy voulsist faire aucun bien Et s'elle est punie de pareille peine elle l'avoyt bien desservy en requerant les gens d'amours qu'ilz se voulsissent adjoindre avec luy tellement que le droit d'amours y fust par tout gard?. Et disoit qu'elle offroit prouver ce qu'elle avoit dit et plus encor parquoy ledit amant devoit estre prisonnier. Et quant est a l'information qu'il avoyt faict faire sur ses justifications l'en n'y devoit adjouster foy/ car tous les tesmoings estoient a sa poste Et au regard de sa malladie affermoit qu'elle ne luy venoyt d'ailleurs que de luy: Et qu'il avoit tort de se plaindre d'elle: car jamais ne trouvera femme qui l'aimast autant qu'elle a faict ne qui luy face autant de plaisirs. Et requeroit provision au moins que pendant le proc?s luy fust deffendu de non aller devers la dame par luy nouvellement choisie & ledict amant disoit que ce n'estoit pas raison/ car pour elle ne devoit estre retard? son bien. et si luy avoit fait promesse ce n'estoit pas a tousjours/ parquoy n'y cheoit aulcune provision Finablement parties ouyes ont est? appointees en droict et au conseil. Si a la court veu ledict proc?s et tout ce qu'il failloit veoir en ceste dite matiere Et tout veu dit que lesdites parties ne se peuent aulcunement delivrer sans enquerir la verit? de leurs faitz/ et qu'elles sont contraires Si feront leur enqueste et icelle faicte et raportee par devers la court elle leur fera droit. Et au regard de provision requise par ladicte dame la court dit que aulcunne ne luy en sera faicte pour le present mais permet audict amoureux de se pourveoir ailleurs & de servir telle dame que bon luy semblera pendant le proc?s et jusques a ce que aultrement en soit ordonn?. &. c.

? Le .xxx. arrest

Ceans c'est plaint ung amoureux d'une sienne dame qu'il a longuement servie disoyt que du temps qu'il eut premierement congnoissance a elle y estoit bien aise et avoit du sien largement. Et quant elle luy demandoit aulcune chose a prester ou donner jamais ne luy eust reffus? Or estoit vray que pour tousjours fournir aux fraictz et aux grans chieret?s sa chevance y avoit est? employee. Et tellement que les eaues estoyent devenues bien basses/ mais il cuydoit que elle luy deust subvenir comme il a fait a elle l'a prier de luy aider et de l'entretenir dont n'a riens voullu faire/ ains luy a plainement respondu qu'il perdoit son temps. Et que puis qu'il n'avoit plus de quoy elle n'en tenoit compte/ et non contente de ce luy a faict dire qu'il se retire chiez ses amys/ car plus n'avoit intencion de l'aymer ne aucun bien luy faire. Et encores qui pis est se mocque de luy devant les aultres en le monstrant au doy qui luy est plus dur martire que qui luy frapperoit d'ung cousteau parmy le cueur Si requeroit finablement ledict amant que sadicte dame feust condampnee non obstant son adversit? de l'entretenir seullement en amour & luy faire bonne chere comme elle soulloit/ et qu'il feust prefer? devant tous les aultres attendu mesmement qu'il estoit des premiers venus & des anciens serviteurs De la partie de ceste deffenderesse fust deffendu au contraire/ et disoit pour son prouffit que quiconcques veult d'amours jouir baille l'argent devant la main et que c'est grant follie que de s'attendre a escuelle d'autruy s'il ne la fournist et remplist Disoit avecques ce/ que le gallant au temps de sa fortune/ et que les biens luy venoient en dormant il s'est mescongneu et en a festoy? d'ungs et d'autres dont il se feust bien peu passer Et se maintenant se il en a disette/ il ne est pas trop mal employ?: et quant est de l'aymer elle disoit qu'elle n'y estoit point tenue/ car les biens et vertus qui soulloyent estre en luy n'y sont plus et ne failloit ja ramentevoir les bonnes cheres du temps pass?/ car ledit amant luy a faict tant de plaisirs & services aussi luy a elle faict plusieurs services qu'il n'est ja besoing de declairer & puis que ainsi est que povret? maintenant le guerroye adonc elle n'en veult plus ne en avoir plus la garde/ Car aussy au lieu ou elle habite n'y a que toute malheuret? et jamais ne se y treuve joye. Et quant est au surplus pour les biens qu'elle luy peut faire luy offroit ung povre baston en sa main pour s'en aller avecques la prebende de vat'en pour recompensation de ses services en concluant que a tort se complaignoyt d'elle et en demandoit despens. Apr?s lesquelles deffences proposees les gens d'amours qui s'estoyent adjoinctz avecques ledit amant disoyent que ceste femme n'estoit pas digne qu'on parlast d'elle devant les gens de bien car par son propos jamais n'ayme que pour argent et ainsi confessoyt avoir vendu les biens d'amours & qu'elle en a meschamment us? en son temps et aussi pareillement estoit voix commune renommee qu'elle ayme tousjours troys ou quatre et qu'elle les succe jusques aux os. et puis encore s'en mocque qui est pis/ car quelque femme que se soit jamais ne doit despriser le serviteur qui l'a servie combien qu'il luy souvienne de beaucoup de fortunes/ et requeroyent lesdictes gens d'amours a l'encontre d'elle qu'elle fust condempnee a faire amende honnorable et a luy rendre & restituer tout ce que elle a eu de luy et dont il debvoit estre creu par son serment veu la maniere de proceder/ et avec ce qu'elle soit bannye a tousjours dudit royaulme d'amours comme indigne d'y converser. Ce povre amant pour ses repliques disoit que entant qu'il luy touche qu'il estoit encores content que tous les biens qu'il luy avoit donnez demourassent pour elle/ comme siens et ne vouloit qu'on luy en ostast rien mais requeroit seullement qu'elle l'aymast comme devant et encores promettoit de luy en faire. A quoy elle respondit que quant elle le verroit en feroit son debvoir mais jusques alors luy conseilloit de changer air pour recouvrer sant? obvier que il ne fust plus malade. Et disoit oultre que a la contraindre a aymer l'en ne s?auroit/ et aussi telle amour qui seroit donn? par force ne dureroit point/ mais plus de mal faict a celluy qui l'obtient que s'il n'en avoit point. Si ont est? les parties ouyes appoinctees en droit & au conseil/ finablement veu le proc?s considerer tout ce que il failloit considerer en ceste matiere la court dit qu'elle condamne ceste rebelle femme a rendre et restituer audit amoureux tout ce que il affermera en sa conscience luy avoir baill? et donn?/ nonobstant l'offre par lui faicte de ne luy en vouloir aulcune chose demander. A laquelle offre la court ne obtempere point veu que ladicte deffenderesse ne l'a attemptee & qu'elle s'est rendue ingrate. et ordonne que a ce faire sera contrainte par la prinse de ses biens & emprisonnement de son corps. Et a tousjours la bannist des biens et service d'amours en disant avoir forfait de corps et biens en maniere qu'elle sera abandonnee a ung chascun pour desormais servir le commun & devenir a tous publique.

? Le .xxxi. arrest.

En la court de ceans c'est assis ung proc?s entre une jeune dame separee de son mary qui ne veult qu'elle porte ses robbes a la nouvelle fa?on comme les autres disant que naguieres elle en avoit fait faire une bien gente a la fa?on qui court/ mais il luy avoit fait oster et despouiller en disant qu'elle ne la porteroit point en cest estat par ce qu'elle est trop ouverte par devant/ et que la languette du collet va trop bas et que le giect de la penne est ung petit trop grant & autant en ont ilz fait de son chapperon pource qu'ilz veulent dire que la patte est trop vollant/ et de faict l'en luy muce. De laquelle chose elle a appell? en la court de ceans. Sy concluoit tout pertinent en cas d'appel qui avoit est? mal exploict? & par elle bien appell? Et au surplus requeroit provision que pendant le proc?s elle peust vestir ladicte robbe/ et sondict chapperon. De la partye desdictz parens et amys intimez fut deffendu au contraire disant que selon la jambe le coup car le monde parle au jourd'huy trop de legier & ce fait bon garder des premiers courroux Or disoit il que sadicte robbe ou houpelande que ceste appellante avoit faict faire n'estoit pas selon son estat/ car il y avoit superfluit? d'oultraige que l'en luy devoit tollir pour les inconveniens qui s'en pourroyent ensuyvir & n'estoit tel que tenir en habit et moyen pour obvier aux langaiges des gens qui y pourroyent penser ce que n'est pas/ et en parler a la volee/ et ainsi affin d'eviter tous langages luy avoient voirement ostez & devestuz les habillemens nouveaulx enquoy ne pouoit ladicte dame estre grevee/ veu que lesditz habitz en la maniere qu'ilz sont faitz estoient excessifz & superflux. Et par ainsi concluoit affin de non recepvoir allias mal appell?. L'appellant pour ses repliques disoit que ses aultres cousines et parentes les portent bien tieulx voire plus grans. pourquoy doncques par plus forte raison elle qui mieulx le pouoit faire que elles le peult avoir ne n'y a point d'exc?s ne d'oultrage ausditz habitz/ quelque chose qu'on vueille dire. Et qui plus est n'y avoit sy meschante morveuse qui ne les facent faire plus excessifz et oultrageux la moyti?. Parquoy n'y avoit apparence de empeschement qu'elle ne les deust avoir. a quoy lesditz intimez pour leurs dupliques disoyent que se les unes veulent faire les folles elle ne le debveroit pas pourtant faire. et aussi eulx qui en ont a garder ne le souffriroyent point. Et si doibt l'en en tel cas gouverner par l'oppinion des anciens qui ont est? au temps pass? lesquelz s?aivent bien que c'est de telles choses. Finablement partyes ouyes elles ont est? appointez en droit & a mettre par devers la court et au conseil ce que bon leur sembleroit. Si a la court veu ledit proc?s avecques ce qu'il failloit veoir en ceste matiere & tout veu la court met ladicte appellation & tout ce qui a est? appell? au neant et sans amende et despens et pour cause. Et ordonne que les robbes et chapperons/ et habitz d'ycelle dame seront visitez que deux cousturiers/ et deux pelletiers non suspectz ne favorisables a l'une ny a l'autre des parties & avec ce que par leur raport et visitation il y aura aucune chose a redire ou qu'ilz ne seront assez passables selon le temps. la court ordonne que lesdictz cousturiers et pelletiers les referont et metteront a point par le conseil. Touteffois des prochaines parentes. C'est assavoir des deux femmes du cost? du mary & deux du cost? de la femme non trop mondaines ne bigottes que s'il advenoit qu'elles ne se peussent accorder ensemble/ elles pourroyent se bon leur semble appeller avecques elles de leurs famillieres voisines en tel nombre qu'il leur plaira pour eulx aider & conseiller mais touteffois la court entent que de dix parolles et oppinions qui seront par elles dictes en la besongne/ elles ne vauldront ne seront comptees que pour une/ veu que l'on n'en auroit jamais trouv? la fin

? Le .xxxii. arrest.

Ceans c'est complaint une jeune femme d'ung galant qui luy veult soustraire sa nourrisse. Dysant que sans cesse il se joue a elle dont il ne lui plaist gueres/ car au dernier craint qu'il ne luy vueille brouiller son laict et pour ce il luy en fauldroit avoir une aultre/ laquelle chose luy seroit ung grant desplaisir pource que l'enfant a desja acoustum? sa mamelle. Et disoit oultre que sadicte nourrice a cause de l'accointance qu'elle a nouvellement prinse avec ce galant ne fait pas si bien son devoir de penser sondit enfant comme a elle soulloit mais devient toute seiche et en chartre/ Parquoy requeroit celle dame que ledit gallant feust condampn? a soy absenter de aupr?s de sadicte nourrice et qu'il ne parlast a elle en quelque maniere que ce feust. de la partie dudit galant fut deffendu au contraire & disoit que a ladicte nourrice il n'avoit ne voulu avoir habitude que bien apoint/ et qu'il n'estoit point recors que il eust parl? a elle sinon en passant qu'elle luy disoit dieu vous gart et il luy dist aulcuneffois a dieu Et ne peult on a tout le moins que respondre/ ou dire aulcune chose quant on salue les gens. Disoit oultre que veu que ladicte nourrice ne se plaignoit de luy & qu'elle ne veult pas dire qui l'ait voulue seduire & barguignier sa maistresse n'est pas recepvable a ce adresser a l'encontre de luy. Aussi pour ladicte maistresse ne pour la nourrice et ne s'en vouldroit travailler ung pas ains est content qu'il ne la voye jamais/ et qu'on la garde de luy tant qu'on vouldra. Si repliquoit ladicte dame et disoit que du parler ce estoit du moins. Mais elle doubtoit bien d'aultre chose/ c'est que il luy troublast son laict et que quant eulx deux seroyent ensemble pour faire leurs besongnes ou parler de conseil que sadicte nourrice laissast son enfant crier tout par luy a son ayse et que lors il cheust en quelque lieu et s'affolast par ce que quant on est en ce cas il n'en chault guieres ne n'en souvient nomplus que des vieilles matines & quant est de la poursuite que elle en faisoit de present n'estoit que pour l'interest de son enfant & nompas de ladicte nourrice. A quoy ledit galant pour ses duplices disoit que de sadicte nourrice n'avoit cure & quant il vouldroit il trouveroit bien ailleurs a jouer en concluant comme dessus Finablement les parties ont est? apointees en droit et au conseil et a la court veu ledit proc?s et consider? la court dit que ladicte dame ne fait a recepvoir a soy complaindre dudit galant & l'a condampnee es despens

? Le .xxxiii. arrest

En la court de ceans c'est complaint ung vieillart d'une jeune dame par ce qu'elle ne le vouloit aymer/ disant que il luy a ja donn? plusieurs ceintures & chaperons affin de estre en sa grace/ mais elle n'en tient compte/ trop bien quant elle veult avoir de luy aucune chose elle le scet le mieulx entretenir du monde en le baisant et acolant mais quant vient au fort luy respondit nescio vos en luy faisant la renchiere/ & brief il ne scet ou il en est car quant il cuide avoir fait c'est lors que il est a recommencer. et pource requeroit que veu que il a si grant amour en elle et qu'il l'a servie et encores a intencion de faire qu'elle fust condampnee a l'aymer et a luy faire des biens comme dame doit faire a son serviteur/ & de la partie de ceste dame fut deffendu au contraire & disoit que c'est contre nature a une jeune femme d'aimer vieillart car ce sont choses contraires comme blanc et noir & incompatibles comme chault & froit aussi par ordonnance d'amours que quant ung homme est vieil il est excus? de servir. disoit qu'elle ne luy s?avoit bien faire il cuide que on doive tout laisser pour entendre a luy & qu'on le doyve chauffer & froter la teste pour le endormir qui est chose mal sortyssant a jeune femme & quant est des dons que ledit vieillart se vantoit luy avoir donn?. Respondit qu'il n'estoit pas vray & que en sa vie ne luy avoit donn? q'une armerie a .xvi. pampes que elle garda & mist en sa quenoulle pour la paour de luy/ & estoit donc l'accointance bonne. Disoit oultre que elle aymeroit myeulx estre bruslee que de riens avoir prins de lui/ car il ne le valoit pas. Et quant est de se aymer il y seroit avant autant que charlemaigne en espaigne/ & aussi l'avoit elle ja par plusieurs fois reffus?. Et concluoit affin de non recepvoir allias soubstenoit son reffus & demandoit les despens A quoy il replicquoit et si disoit que se elle ne le voulloit aymer pour l'amour de luy/ au moins pour son argent qu'il fust aym?/ car il lui avoit du tout bout? son cueur en elle/ mais la dame respondit que pour luy ne feroit rien et pour son argent encores moins en disant que ledict vieillart avoit plus grant mestier d'une bouteille et d'une bassinouere pour son lict eschauffer que de tous les biens d'amours Finablement partyes ont est? appointees en droict et au conseil. Si a la court veu ledict proc?s et tout ce qu'il failloit veoir en ceste matiere: et tout veu dict que a tort et maulvaise cause ledict vieillart c'est doulu et complaint de ladite dame et que a bonne et juste cause elle l'a reffus? et le condempne es despens de la tauxation reservee.

? Le .xxxiiii. arrest

En la court de ceans c'est assis ung aultre proc?s entre d'eux beaux jeunes enfans portans le noir en leurs devises heritiers et ayant cause d'ung amant trespass? de dueil de sa feue dame demandeurs en cas d'exc?s d'une part et la mort deffenderesse audit cas d'aultre part Et disoyent lesditz demandeurs que ja pie?a dame nature de beault? pour monstrer l'excellence de leur ouvraige ilz allerent produirent et formerent ung corps de femme le plus bel qu'on pourroit guieres choisir dont le deffunct fut serviteur et estoit ceste femme avecques la beaut? qu'elle avoit d'elle & remplie de toutes les vertus especiales que jamais femme peult avoir c'est assavoir de doulceur d'honneur de humilit? de gratieuset? de beau maintien et doulx regard tant que nulle ne la passoit Et advint que pour les grans biens qui estoyent en elle que tout chascun luy souhaitoit des biens largement ce luy portoit grant honneur mais ladicte mort qui en eut desplaisance et pour l'oster de ce monde luy getta son dart et l'occist piteusement de laquelle chose ledict deffunct son amy et serviteur/ print telle desplaisance en luy qu'il en cheut mallade au lict: et apr?s ce qu'il eut faict son testament ne demoura gueres qu'il n'allast apr?s elle Or disoyent leurs heritiers que veu que cesditz deux personnaiges estoient en saufconduit d'amours et en la sauvegarde/ que ladite mort n'y avoit que congnoistre et/ que par ainsi de les avoir tu?s elle en estoit tout du long tenue et estoit le cas digne de reparation/ attendu qu'il y avoyt eu meurdre et occision qui estoit inreparable et pource concluoient lesditz heritiers et heritieres a l'encontre d'icelle mort qu'elle fust condampnee restituer et remettre la vie es corps dudit feu amant et de sadicte dame qu'elle avoit ainsi tu?s s'il estoit possible & faire se pouoit/ et a tout le moins a restablir le corps par figure & a les faire paindre au vif ainsi et en la maniere qu'ilz estoyent au temps de leur bonne sant?/ affin que leur pourtraicture demourast sur terre & qu'il fust encore memoire d'eux Et avec ce que iceulx heritiers desditz deffunctz fussent declair?s exemps de ladite mort au moins jusques a ce qu'ilz fussent aag?s que avoit est? abregee la vie desditz deffunctz leur fut donnee et prolongee de temps de vivre en ce lieu. Et pour reparacion des exc?s qui estoyent grans concluoyt en amendes honnorables et prouffitables a la discretion des gens d'amours. De la partie de ladicte mort fut tendu affin de non proceder disant que toutes choses crees sur terre sont en sa subjection et qu'il n'y a personne tant soit fort qui se puisse exempter d'elle/ car elle a seigneurie et domination sur toutes creatures humaines soient hommes ou femmes bestes ou oyseaulx arbres et raciers voire et telle maniere qu'elle leur peut abreger leur vie et les prendre sans ce qu'il en soit plus parl?: & de ce qu'elle en faict soit bien ou mal n'est tenue de respondre que devant le grant juge et n'y a justice d'amours ne d'aultre ou elle soit subgette et par ainsi perseveroyt en sa declinatoire & concluoit affin de non proceder Lesditz heritiers demandeurs disoient au contraire que en ceste matiere estoit question de sauvegarde et entreprinses faictes/ sur les droitz d'amours/ parquoy la congnoissance en appartient a la court de ceans et non a aultre: aussi estoit ce court souveraine & y avoit est? la cause commise de par amours et les lettres expresse au cas/ sy que n'estoit par ce moyen ledict declinatoire recepvable ains debvoyt ladicte deffenderesse aultre ou les conclusions request? par iceulx demandeurs leur debvoyt estre adjugez. En requerant l'adjonction des gens d'amours qui de leur cost? disoient que c'estoit mal fait aux advocatz de proposer telles declinatoires contre l'honneur et prerogatives de la court de ceans ou ilz avoyent est? nourris car il estoit tout notoire que des abbus et entreprinses faictes au prejudice d'amours et de ses subjectz la court en devoit congnoistre disoyent oultres lesdictes gens d'amours que par beaulx previleges et anciens droitz du demaine/ la mort n'a que congnoistre sur amant qui sont en la sauvegarde d'amours/ et qu'elle ne les pouoit prendre ou faire mourir sinon qu'ilz feussent/ ou soyent hors d'aage/ ou que ilz ayent renonc? a l'amoureuse aliance d'amours: et sur ce alleguoient plusieurs loix: disoyent aussy que ces amoureuses n'estoyent exemptees de la mort au moyen desdis previleges jamais ne se mettroyent au service veu que ilz seroyent tous les jours en danger de leurs personnes/ & qu'il soit vray que la mort n'avoit point de congnoyssance sus eulx il en apparoissoit assez/ & que par experience des amoureux qui montent et devallent de nuyct du hault de deux ou troys estaiges par une touaille ou longiere pour entrer en une maison sans eulx blesser ou mal faire quelconque. pareillement de ceulx qui couchent entre deux goutieres toute la nuict voire quant il gelle a pierre fendant & si n'ont point de la couverture ne de froit & aussi de ceulx qui se font avaller par souspiraulx/ qui endurent aulcunesfoys aux baingz l'eaue si chaulde qu'ilz sont tous bruslez & si ne sentent point le feu ne la chaleur/ ain?oys par cela guarissent toutes maladies et de tous maulx/ et toutesfois raison est que la ou il seroit ainsi que la mort eust puissance sur telz parens il n'en eschapperoit pas ung veu les peines et tormens qu'ilz seuffrent et les dangers ou ilz se mettent dont touteffoys l'en ne peult veoir du contraire et que ladicte mort n'a pouoir ne auctorit? sus ceulx qui sont ainsi au service et en la sauvegarde d'amours/ aultres soyent exemptz d'elle parquoy ne se pouoit ladicte mort excuser qu'elle ne deust estre contraincte a proceder en la court de ceans au regard mesmement que les exc?s par elle commis avoyent est? faitz en enfraingnant la saulvegarde d'amours ou lesditz deffunctz amoureux estoyent quant il les laissit mourir/ mais ladicte mort en perseverant tousjours en sa declinatoire disoit que la court de ceans ne pouoit estre son juge car elle n'y estoit subjecte ne obeissante & oultre plus disoit que de avoir prins et tu? lesditz deffunctz n'avoit aulcun exemptz ne sauvegarde enfraindre parquoy n'en pouoit congnoistre. Et suppos? qu'il y eust exc?s si n'en pouoyt la matiere estre ceans traitee car elle avoit a somer ses garans comme fortune & aultres qui n'y respondroyent pas & au regart ces previleges & exemptions dont les gens d'amours avoyent parl? respondit ladicte mort qu'elle a previlege sur amours et par tout et que avant qu'il fust oncques nouvelles d'amours ne d'amyti? elle estoit nee & usant en terre de sa puissance & s'elle differoit a faire mourir tels jeunes amans qui ainsi se advanturent & mettent en danger de leurs personnes par leurs folies mondaines/ c'estoit de grace et de permission seulement qu'on ne luy pouoit retorquer au prejudice/ & voit on tous les jours les plus huppez passer par la quant il luy plaist. Et si la mort ne les prent pas quant ilz sont malades Ains laisse faire nature son debvoir/ et attend bien souvent que telz amans soyent tous secz/ & qu'il leur ennuye d'estre au monde en la soubhaictant pour les biens d'amours qui leur deffaillent en concluant comme dessus Surquoy les heritiers d'iceulx deffunctz demandeurs disoyent que si leur failloit faire ailleurs leur poursuite ilz seroient destruitz a tousjours et n'auroyent dequoy fournir Et oultre disoyent que veu l'enormit? du cas la court en debvoit retenir la congnoissance & quant aux gens d'amours ilz dupplicquoyent et disoient que la mort ne pouoit avoir previlleges contre ceulx d'amours/ car avant que oncques la mort feust/ estoit nee amycti?/ et ne fut la mort ordonnee fors que pour appaiser les debatz de cedit monde/ et oster ceulx qui s'entrehayent qui font les noyses & que nature ne peult plus soubstenir: Or estoit il ainsi que ces deux trespassez dont estoit question estoient en la plus grande amycti? et aliance d'amours qu'il se pouoit faire en sa sauvegarde. parquoy d'avoir ainsi exploit? la mort avoit trop mesprins et exced?/ Et failloit qu'elle en respondist ceans & non ailleurs. Ouyes lesquelles parties en tout ce qu'elles ont voulu dire et alleguer/ elles ont est? apointees en droit & a mettre par devers la court et au conseil. Si a la court finablement veu ledit proc?s & tout ce qu'il failloit veoir en ceste matiere a grant et meure deliberation. et tout veu la court dit que ladicte mort deffenderesse procedera en la court de ceans nonobstant chose par elle proposee au contraire dont elle deboute et deffend a tous les advocatz de ladicte court que ilz ne proposent ou alleguent telles declinatoires sur peine de l'amende.

? Le .xxxv. arrest

A la requeste du procureur general d'amours une vieille femme a est? prinse & constituee prisonniere pour raison & a cause de certaines parolles mal sonnantes qui ont est? dictes et proferees de sa bouche. Si a depuis est? interroguee sus les charges/ et informations faictes a l'encontre d'elle sus quoy en effect elle a depos? et confess? que veritablement en haine et despit de ce qu'elle ne estoit appellee de aller aux grans chieres comme sont bancquetz & nopces ainsi que les aultres elle mal meue & de de felon couraige avoit et a dit que ce n'estoit pas tout acquest d'y estre & que s'elle estoit homme aussi bien qu'elle estoit femme elle n'y laisseroit pas de leger aller sa femme ne ses filles avec plusieurs autres choses au prejudice d'amours/ et de ses droitz declairees a plain en sa confession qui a est? monstree aux gens d'amours lesquelz ont par ycelle prins droict et baill? leurs conclusions tendant affin que ladicte vieille qui avoit parl? contre la souverainet? d'amours fust pugnie de pugnition corporelle et oblicque pour monstrer exemple aux autres/ et en ce faisant qu'elle eust la langue couppee ou que on luy plantast ung fer chault et ardant au visage. Et aussi qu'elle feust bannye a tousjours hors du royaulme d'amours et ses biens declarez confisquez. A l'encontre desquelles conclusions ladicte vieille deffenderesse pour la diminution de la paine/ disoit que l'en ne doit pas de si pres prendre garde aux parolles des femmes Car souvent parlent de legier et contre elles mesmes/ mais entant qu'il luy touchoit elle s?avoit bien voirement que elle avoit failly/ et mal parl?. Mais la court devoit avoir regard a ce que se avoit est? par chaulde colle & sans y penser et aussi par la desplaisance de ce que n'en ne tenoit compte d'elle et qu'on ne daignoit la mander ausdictes festes & bancquetz. Si a la court veues les charges et informations/ la confession de ladicte deffenderesse/ les conclusions des gens d'amours/ et les deffences baillees au contraire & tout ce que il failloit veoir en ceste matiere a grande & meure deliberation. Et tout veu et consider? ce qu'il failloit a considerer. Ladicte court condampne ycelle vieille deffenderesse pour les exc?s et delictz par elle commys alentour l'escripteau qui s'ensuyt.

En ma vie je ne fuz meurdriere Ne larronnesse: ne coustumiere De amans blecer & ravaler Mais affin que mon cas declaire. J'ay eu la bouche trop legiere. Gardez voz langues de parler.

? Le .xxxvi. arrest.

En la court de ceans c'est assis ung aultre proc?s entre les heritiers de une dame naguere trespassee demandeurs d'une part et les official vicaire et prometeur d'amours deffendeur d'aultre. Et disoyent lesditz demandeurs que la deffuncte estoit en son temps bien gente & gaillarde/ sage et s?avante et soubz laquelle s'elle eust vescu plusieurs vaillans cueurs amoureux eussent peu apprendre du bien Or estoit vray qu'elle qui estoit de noble couraige voulloit bien adviser tousjours en son faict. et fust en nopces ou en aultre festes et gardoit bien qu'on ne se moquast de chose qu'elle fist mais il advint que ung jeune gallant mal habill? & ressemblant a ung varlet dimencheret qu'elle encores ne congnoissoit la vint prier de dancer et pource qu'il n'estoit pas lors en point et aussi que son cost? estoit lasse et n'en faisoit que venir elle l'esconduit bien gracieusement disant qu'elle ne voulloyt plus dancer dont il se deporta & s'en alla sans dire a dieu Mais encore il ne fut pas content de cela ain?oys quant vint de rechef a dancer au chapelet ledit gallant se mist a dancer et apr?s ce qu'il eut le chapellet a son tour il le vint presenter a elle laquelle le receut mais quant vint ledit galant tendoit la bouche pour la baiser/ elle se torna la teste de l'autre cost? en le reffusant tout court dont il conceut hayne et malveillance mortelle contre ladicte deffuncte Pour laquelle mettre a execution il la fist citer devant ledit official d'amours par devant lequel elle voyant qu'il n'estoit point son juge ne capable de congnoistre de la matiere ne comparut point Si fut mise en coustumace. au moyen de laquelle elle fut ainsi que l'en veult dire excommuniee & depuis est advenu qu'elle est encheute en aucune maladie de fievres qui l'en ont emportee/ et a fin? ses jours bien honnorablement et faict son testament et toutes aultres choses que bonne et tres loyalle dame doit faire. Mais avant est venu a l'encontre ledict official vicaire et prometeur soubz umbre de ce que il vouloit dire qu'elle estoit excommuniee pour raison de ce que dit est: ilz n'ont voulu donner cong? ne licence de l'enterrer ou elle avoyt ordonn?: mais l'ont faict porter aux champs et enterrer en une grande piece de terre toute pleine d'orties et de chardons: laquelle chose redonde au vitupere et honneur de tous les parens et amys de ladicte deffuncte qui sont gens de bien et des plus notables: par quoy l'exc?s en estoit plus grant Et par ses moyens concluoient lesditz heritiers demandeurs a l'encontre desditz official vicaire et prometeur d'amours. Et pareillement aussi contre le galant qui avoit faict citer icelle deffuncte qu'ilz et chascun d'eulx fussent condempnez et contrains a revocquer casser et adnuller lesditz citacion sentence et excommuniement donn? contre ladicte deffuncte par prinses de leurs personnes et du temporel desditz official et promoteur de l'eglise et a publier devant ung chascun que a tort et sans cause icelle deffuncte avoit est? citee et excommuniee Et avec ce ilz fussent condampnez a la faire deterrer et apporter son corps et ses os en ung des cimetieres d'amours et contrains a estre tous au convoy du corps affin de reparer et restituer le deshonneur qu'ilz luy avoient fait. Et semblablement que ung chascun d'eulx fust condampn? a une bonne amende proffitable. A ces fins offroyent a prouver et demandoient despens dommaiges & interestz a l'adjonction des gens d'amours De la partie desdictz official vicaire prometeur et gallant fut deffendu au contraire: et disoient qu'il estoyt permis de citer et excommunier tous ceulx & celles qui detiennent des biens d'amours ou qui injurent et se mocquent de ceux qui sont en la poursuite: et dont la congnoissance et pugnition en appartenoit audit official Or estoit vray que ladicte deffuncte avoit reffus? detenu et occupp? le bien qui estoyt deu a ce gallant icy/ et encores l'avoit farc? et mocqu?/ parquoy il c'estoit rendu plaintif d'elle & l'avoit fait citer a certain jour auquel elle se reputant coulpable du cas et mesprisant la court n'avoit daign? venir ne comparer. Mais c'estoit laissee mettre en coustumace et excommuniement qui fut publi?. Or est advenu voirement qu'elle est trespassee sans soy faire absouldre: parquoy l'en l'avoit faicte enterrer ou elle devoit Et a ceste cause apparoissoit clerement que l'en n'y pouoit avoir aulcun mal ne exc?s et au regard de la deffuncte/ pos? qu'elle eust bonne cause d'avoir reffus? le galant touteffoys elle devoit venir declairer ou en faire proposer au jour qu'elle fut citee sa declinatoire sans soy laisser mettre en coustumace et sentence d'excommuniement qui donnee estoit justement Et quant est de l'enterrement par consequent il avoit est? fait ainsi que faire ce devoit Et aussi se les sentences ne sortissoient en effect/ l'en ne tiendroit plus compte de justice ne de faire mal. Et a ce que les heritiers disoient que la deffuncte n'estoit subgette a la court dudit official: respondoyent que ouy/ car aussy le jeune galant estoyt clerc non mari?/ lequel entant qu'il touchoit sa personne disoit que la deffuncte ne devoit point estre desheritee et mise en aultre lieu qu'elle estoyt car pour le reffus qu'elle luy fist il avoit est? en danger de mort de la paine et de la honte qu'il en eut devant tant de gens. Et s'elle eust voulu dancer ung tour avec luy il n'en eust jamais parl?. Et quant est de ce que les demandeurs ont fait dire qu'elle ne le congnoissoyt et qu'il estoit habill? en varlet dimencheret c'estoit mal dit a eulx car il la valoit bien ou myeulx et le congnoissoit assez bien. Mais elle estoit tant fiere & orgueilleuse qu'elle fist semblant de ne l'avoir jamais veu. Et le reffus qu'elle luy fist ne vint que par presumption et oultrecuydance qui la conduisoit Et concluoient en effect lesditz deffendeurs affin d'absolution & despens. Et au regard des gens d'amours ilz disoient que entant qu'il touchoit le droict des deux parties. C'est assavoir se la deffuncte avoit eu juste cause de le refuser ou non/ ilz n'en pouoient rien dire pour le present/ Car ilz n'avoyent veu les informacions. Aussi n'en estoit de present question entant que touchoit la citacion/ proc?s et excommuniement faictz par ledit official d'amours tout devoyt estre dict et desclair? nul et de nul effect. Lesdictz deffendeurs grandement abbusans car du faict du chappellet ne de quelconque aultre dance n'en appartenoit la congnoissance que a la justice seculiere d'amours trop bien des promesses secretes qui se font en dan?ant peuent bien congnoistre de ce cas icy non Et pource c'estoit une vraye entreprinse contre la justice laye qui se devoit reparer par une tresgrande et merveilleuse punition/ car combien que lesdiz official vicaire et prometeur sceussent bien qu'ilz ne pouoient s?avoir ne avoir la congnoissance de ceste matiere et que la citacion et sentence d'excommuniement ne se peult bonement soubstenir/ neantmoins comme obstinez en leur maulvaise voulent? l'ont voulu faire sortir en effect en contraingnant ceste povre femme que Dieu absolve a estre au moyen de ce enterree et en terre prophanee qui a est? certainement tresmal faict a eulx. Et pource concluoient lesdites gens d'amours/ que tout ce qui par eulx avoyt est? faict fust declair? nul et de nulle valeur comme faict en abusant et entreprenant sur la justice et juridition laye. Et avecques ce que ledit official prometeur et officiers et aussi que lesditz amoureux fussent condempn?s a reparer lesdictz exc?s & en ce faisant qu'ilz fussent contrainctz de desterrer eulx mesmes ladicte deffuncte et la porter en ung cercueil devant tout le monde jusques au cymettiere d'amours et qu'elle ordonne a estre enterree/ Et pareillement de assister et estre presens tous tout du long du servyce qu'on fera a celle deffuncte. Et en oultre que ilz fussent condampn?s a publier ou faire publyer/ par le crieur qui yra devant le corps a toute sa sonnecte que la deffuncte avoyt est? injustement excommuniee. A quoy lesdictz deffendeurs disoient que de prendre les conclusions contre eulx lesdictes gens d'amours n'estoient pas recepvables/ car ce que ilz avoyent faict avoyt est? en excersant la jusridicion espirituelle d'amours. Et quelque chose qu'il leur pleust a dire/ la congnoyssance du faict du chappellet leur appartenoyt et ainsi en avoient congneu & us? Et quant a la deffuncte elle fut cause dudict excommuniement entant qu'elle ne vouloit comparer Au regard de l'absolucion ilz ne l'eussent peu bailler sans le vouloir de partie qui n'y consentit oncques/ et ainsi estoyent lesditz deffendeurs en voye d'absolucion/ mais les gens d'amours disoyent au contraire qu'ilz ne pouoient toucher au fait dudit chappellet non plus que au feu. Et s'ilz en ont congneu au temps pass? ce a est? par entreprise et en abusant. Et aussi disoyent les heritiers d'icelle deffuncte que veu que ledit official n'estoit point juge d'elle/ elle n'y debvoyt comparoir ne envoyer. et au regard des charges que ledict galant bailloit a ladicte feu dame ne pouoit estre plus humble et gracieuse qu'elle estoit comme l'en pourroit s?avoir par tous ceulx qui l'avoyent hantee. Et aussi n'y avoit point d'apparence de aller baiser ung homme a la vollee sans le congnoistre/ et qui estoit habill? comme ung vielleux en concluant comme dessus. Ouyes lesquelles parties en tout ce qu'elles ont voullu dire et alleguer elles ont est? appointees en droict. Si a la court veu et visit? ledict proc?s et tout veu/ et consider? ce que il failloyt considerer/ ladicte court condampne ledict official vicaire et prometeur d'amours et aussi ledict amoureux et chascun de eulx entant qu'il luy touche a revocquer/ casser/ et adnuller lesdictes citations excommuniemens proc?s et procedures faictes par devant ledict official et a mettre au neant a leurs propres coustz/ et despens. Et avecques ce je condampne tous ensemble a deterrer et oster/ ou faire deterrer et oster ladicte deffuncte du lieu la ou elle est pour porter & enterrer au cymetiere d'amours dedans ung beau carreau de girofflee/ & au lieu ou elle a esleu sa sepulture par son testament. Et si les condampne en oultre a aller tous au pres du corps jusques en l'esglise/ et y estre tout du long du service de ladicte deffuncte. et deffend ladicte court audit official que desormais de telle matiere qui touche ledict chappellet ne les despendences il n'entrepreigne congnoissance sur peine d'amende arbitraire.

? Le .xxxvii. arrest.

En la court de ceans c'est assis ung aultre proc?s entre une gracieuse dame demanderesse d'une part et les religieux cordeliers de l'observance d'amours deffendeurs d'autre part. et disoit ladicte dame que ja pye?a elle eust grande acointance de familiarit? singuliere avec ung jeune religieux nouvellement rendu de l'ordre & tellement qu'ilz se donnerent l'ung a l'autre & promisrent ne separer l'alliance d'entre eulx d'eux pour quelque temps ou fortune qui leur peust advenir. et sur ces choses y eut encores veuz fais en amours confermatoires d'ycelle aliance tant et si avant que faire se pourroit en tel cas mais ce nonobstant ledit amoureux cordelier et pour une petite fumee ou quelque desplaisance qu'il a eue/ puis n'a guieres de temps en ?a s'en est de son auctorit? et sans le consentement ne prendre congi? de sadicte dame aller bouter et rendre en ladicte religion ce qu'il ne pouoit ne debvoit faire/ ain?oys venoit directement encontre son premier veu et serment. Et pource que ceste dame se sentoit tenue quant a l'ame de le declairer une foys/ et qu'elle avoit tresgrant interest d'avoir quitance & renonciation de sa promesse pour se pourveoir ailleurs en lieu de luy d'ung aultre amant et serviteurs elle concluoit et requeroit que lesditz religieux cordeliers fussent condampnez a faire exhibition audit amoureux rendu cordelier & de le amener en justice pour le contraindre et entretenir a ses premiers veuz et promesses ou y renoncer/ et la quitter au regard d'elle ne voulloit pas empescher le sauvement de son ame et qu'il ne demourast religieux de l'ordre s'il en avoit la voulent?. De la partie desdictz religieux de l'observance si fut deffendu au contraire et disoyent que la demande que faisoyt la dame n'estoit pas recepvable car l'amant religieux rendu cordelier dont estoit question estoit ja cordelier vestu/ et avoit fait les veuz de l'observance d'amours par les trois Esquelz veuz d'ycelle observance il est deffendu expressement de ne parler jamais a femme/ parquoy donc de le voulloir contraindre maintenant a le veoir & parler a elle dessoubz umbre de renonciation n'y avoit apparence et estoit trop tard de venir apr?s ladicte reduction ramentevoir Et mettre en lieu de present lesdictes aliances promesses et follyes du temps pass?. Disoient oultre lesditz religieux que quant ledit amant fut rendu & vestu de l'habit de l'ordre/ ladicte dame deffenderesse y estoit presente & luy veit faire les veuz pourquoy lors debvoit declairez lesdictes promesses et se opposer pour le droyct que elle veult deduire Et sembloyt soubz correction que c'est grant abbus a elle de venir maintenant par telz moyens pour troubler ledict religieux rendu et le mettre es choses mondaines qu'il a ja oubliees Si disoyent par ces moyens lesditz religieux qu'ilz n'estoyent tenus de exiber ledict cordelier/ et pour chose que on peust faire jamais ne partiroit de ladicte religion. A quoy ladicte dame pour ses replicques disoit/ que elle ne voulloit pas le retraire hors de religion ne de le mouvoir de son entreprinse/ mais requeroit seulement pour sa descharge que il renon?ast a sa promesse qu'il luy avoit faicte/ et tout ce qui avoit est? faict/ et dict entre eulx deux feust declair? nul et comme non advenu Et disoit oultre ladite dame que cela se debvoit faire avant toute oeuvre/ car elle voulloyt obvier au dangier d'amours qui s'en pouoit ensuivir/ elle vouloit avoir enseignement de la renonciation desdictz promesses et pour monstrer qu'elle aymoit entretenir sa foy mieulx que luy affin qu'on ne luy en peust reproucher riens. Et au regard de ce que lesdis cordeliers disoient que icelle dame estoit presente quant ledit nouveau cordelier fut rendu & qu'elle luy vit faire les veux respondit qu'il estoit bien vray qu'elle y fut avecques ses autres cousines & parentes/ Mais a la verit? quant elle veit qu'on le deshabilloit tout nud pour le vestir en cordelier les lermes luy vindrent aux yeulx a si grant affluence qu'elle ne sceut qu'elle devint & luy commen?a a soubzlever le cueur par telle fa?on que elle s'esvanouyt en plain chappitre et ne luy souvenoit alors d'aliance ne de promesse/ car il n'est au monde si grant douleur a femme que de veoir son amy rendu en religion. parquoy fault la excuser Et quant elle n'eust point est? troublee si n'eust elle pour rien entreprins d'aller desclairer devant tout le monde qui ne se pouoit rendre pour blasme et deshonneur qu'il en eust peu avoir. Et a ce que lesditz deffendeurs disoient en oultre que pour rien ne le laisseroient partir de religion respondit ladicte demanderesse que par force ilz devoyent estre contrains/ et que au regard d'elle elle avoyt contenn? de ne parler point a luy sinon en la presence de deux ou trois religieux telz qu'on vouldroit amener/ mais il estoit force que a la quitance & renonciation desditz promesse ce fist en jugement/ car il y avoit lettres signees de leur main de l'ung et de l'autre qu'il convenoit rompre et casser devant la justice d'amours en concluant au surplus comme dessus Mais lesditz cordeliers deffendeurs perseverant tousjours en ce qu'ilz avoient propos? disoient que ce n'estoit pas raison que ledict amant rendu cordelier vint en jugement ne qu'il vist plus ladicte dame. Primo car se seroit contre son veu qu'il a faict de ne partir jamais de la religion sans licence du general Secundo: car par la reigle de l'observance d'amours telle comme chascun scet ceulx qui y sont rendus jamais n'en peuent saillir sinon que le feu les contraingne a ce faire & sont reputez mors au monde/ ne n'y a nul qui en puisse partir dehors except? ceulx qui sont deputez a leur tour pour aller querir la pitance & la pourveance du couvent Et pource de requerir maintenant par ladite dame que ce jeune cordelier qui a renonc? aux joyes et a la pompe du monde et qu'il voyt ce quel a cuid? faire perdre a tousjours il n'y avoit nulle apparence et pos? que icelle demanderesse fust troublee quant elle le veit ainsi vestir et entrer en la religion touteffoys cela ne la pouoyt pas excuser du tout/ car entre le temps qui vint premierement d'amours en la religion & celluy de la redicion elle avoit eu bon loysir de soy venir opposer et remonstrer lesdites aliances et promesses. Ouyes les parties en tout ce qu'ilz ont voullu dire et alleguer elles ont est? appointees a mettre par devers la court et au conseil. Si a la court veu ledict proc?s et a grant et meure deliberation avec tout ce qu'il failloit veoir en ceste matiere. Et tout veu la court dit que non obstant chose proposee par lesditz religieux cordeliers de l'observance ledict amoureux nouvellement rendu cordelier viendra en la court de ceans renoncer aux promesses et alliances d'amours par luy faictes avec ladicte dame pour sa descharge & en aura lectre ou acte se bon luy semble. Et si ordonne la court que lesdis cordeliers seront contrains par la presence de leur personnes et ouvertures de leurs portes a faire exhibicion dudict cordelier & le amener en jugement pourveu toutesvoyes que bon leur semble ilz luy pourroyent mettre ung bandeau devant les yeulx affin qu'en parlant ou renon?ant audictes promesses et alliances il ne puisse veoir la demanderesse jadis sa dame Et au surplus sont compens?s les despens d'ung cost? et d'aultre et pour la cause.

? Le .xxxviii. arrest.

Ja pie?a ung povre amoureux plain de dueil prya moult une jeune dame de dancer avec luy dont elle feut reffusante et ce excusant sur ce qu'elle disoit qu'elle ne faisoit que venir Et depuis encore une aultre journee la pria tresinstamment que seulement affin qu'il ne fust mocqu? elle fist ung tour avecques luy mais comme devant elle n'en voulut riens faire. Disoit aussi que depuis il l'a saluee par plusieurs fois & ost? son bonnet quant il la rencontroit/ mais pource qu'elle peult bien appercevoir qu'il l'ayme & en est ung petit feru elle ne daigne parler a luy et se d'aventure elle luy a dit a dieu: c'est en hochant la teste Desquelz reffus et desdaing dessusdict ledit povre amant a appell? a la court de ceans et relev? contre ladicte dame qui n'y est voulu venir ne comparer ains se est laissee mettre en deux deffaulx et tout ce que bon luy a sembl? devers la court. Si a la court veu lesditz deux deffaulx en ce qui a est? produit et tout veu ladicte court par vertu des deux deffaux a jug? audit amoureux demandeur tel prouffit qu'il s'ensuit. c'est assavoir qu'il a est? bien appell? par luy & mal refus? par ladicte dame Laquelle court l'a condempnee a dancer avec luy maulgr? qu'elle en ayt. Aumoins faire deux ou trois tours: & permet ladicte court audit amant quant on dancera une dance a trois de se y bouter sans dire mot pour faire ung tiers & en oultre pource qu'il est en apparence que ladicte demanderesse en contempnant aucunement la court dist quant elle a est? ajournee qu'elle n'y daigneroit comparer & que ledit galant s'abusoit de la poursuivre: icelle court permet audit amant de passer & rapasser par devant elle sans la saluer ne sans lui dire a dieu le desclairant exempt? de luy faire le petit genoul en une basse dance & le pas de brebant ainsi que tous les autres le font en oultre la condampne es despens des deux dictz deffaulx la tauxation reservee.

? Le .xxxix. arrest

Il estoit une bourgeoise qui requeroit que certain appointement qui avoyt est? donn? par les gens tenant l'eschiquier d'amours au proffit d'une damoiselle sa partie adverse touchant le debat qu'ilz avoyent ensemble pour parvenir au dessus fust recind? & adnull? par la court/ et veu le playdoy? des parties et tout ce qu'elles ont produit et tout veu la court dict qu'elle ne tiendra court ne congnoissance de ladicte cause et matiere/ mais renvoye de rechef par devant lesdictes gens tenant l'eschiquier qui en est commenc? a congnoistre en jugier au sourplus/ et y pourveoir ainsi qu'il appartiendra tous despens preservez en diffinitive.

? Le .xl. arrest.

En la court de ceans c'est assis ung proc?s entre une jeune dame d'ung sien amy disant qu'elle l'a veu le plus joyeulx & esbatant qu'il pouoit estre bien nouvellement habill?/ gent plaisant gracieux & advenant a tout chascun et tellement qu'on prenoit plaisir a le veoir & ouyr/ et brief qui ne luy pouoit donner luy ruoit/ maintenant il est devenu tout chang? pensif songeart & merencolieux & semble que sa vie luy ennuye au monde/ car il ne tient plus compte de feste ne de joye/ se l'en parle a luy il songe une grant piece avant qu'il responde en faisant semblant de penser ailleurs. Quant on luy donne des bouquetz ou des fleurs il les dessire toutes par pieces avant que elles partent de ses mains Et incontinent qu'il oyt les menestriers ou le tabourin les larmes lui viennent aux yeulx/ et ne faict que souspirer/ se on touche a table a leur demaine d'amours & tourne le propos a parler de la mort/ ou de quelque vieille histoire qu'il va querir bien loing pour la mener a propos il a froict quant il faict chault/ et quant il faict froict il a chault/ & en effect maintenant on ne se congnoist plus en luy dont chascun s'esbahist & pource que ceste dame a interest qu'il vive longuement qu'elle est courroucee de tout son cueur se par merencolye ou desplaisance icelluy amant avoit autre chose que a point elle requeroit qu'il fust condampn? a laisser toutes compaignies merencolieuses et que au seurplus la court mist telle provision en son fait que il revint et retournast en son premier point et premier estat. de la partie du povre amant tout malade fut deffendu au contraire & disoit que au service d'amours il failloit avoir beaucoup de peine & de travail avant qu'on y soit advanc? et n'y a on jamais une joye qui ne couste cent douleurs/ & pource de si trop amuser ne estoit pas trop bon/ et aussi de present il n'en chault guieres aux dames/ ains ne s'en fait l'en que mocquer & sont les loyaulx tousjours les plus douloureux/ parquoy n'y avoit pas grant regret/ oultre disoit que de gens on ne tient compte s'ilz n'ont de l'argent Et a ceste cause/ il avoit deliber? en soy mesmes de delaisser et habandonner du tout amours et de recouvrer & gangner le temps qu'il avoit perdu/ combien qu'il ne seroit jamais que il ne le louast et exaulsast/ car certes tous biens en viennent. et ne vauldra jamais riens ung homme quel qu'il soit s'il n'a aulcunement est? amoureux en son temps. Mais il en y a les ungs plus malheureux que les aultres. Et quant est des maulvaises taches et merencolies que on luy mettoit a sus & aussi de ce qu'on disoit que il estoit songeart et merencolieux. Respondit qu'il failloit que la maladie print son cours. Et que maintenant il ne s?avoit prendre plaisir sinon a estre tout seul pour contempler le temps pass? et celuy qui viendra et ne vouloit plus ouir parler de amours/ car c'est chose contraire a ceulx qui s'en veulent oster/ mais au surplus il remercyoit sadicte dame treshaultement de la bonne voulent? qu'elle avoit devers lui en requerant a la court cong? et licence de le laisser departir d'amours mais sadicte dame disoit en repliquant que il n'en debvoit point avoir & que la court qui est souveraine y debvoit pourveoir veu qu'il estoit digne d'exaulcer une foys la foy d'amours pour les grans biens qui estoient en luy Et ne failloit point qu'il se soulciast d'argent ne de biens du monde/ car s'il vivoit et dieu luy donnoit sant? il n'en auroit que trop. Aussi il ne estoit pas encores en aage de se chagriner & en y avoit bien d'aultres qui se soulcient pour luy. Disoit oultre sadicte dame que le fondement de la pensee de luy n'estoit que une fantasie & qu'il y avoit dangier veu sa complexion que il ne luy en fust du pis. Mais ledit amoureux disoit pour ses dupliques qu'il ne luy en challoit plus de rien/ & aymoit autant mourir que vivre veu que tant plus on va en avant en ce monde tant plus y a l'en de peine. et disoit oultre qu'il vouldroit bien estre joyeulx/ mais personne qui vient a soing ne le peult estre en brief/ et vouldroit ja estre en paradis car quant il luy souvient des joyes & des grans follies du temps pass? il n'a point de joye ne de bien et ne se peult tenir de plorer. ouyes lesquelles parties en tout ce qu'elles ont voulu dire & proposer elles ont est? appointees en droit & au conseil. Si a la court veu finablement ledict proc?s bien au long avec tout ce qu'il failloit veoir en ceste matiere. Et tout veu et consider? la court ordonne que ledit amoureux sera mys aux herbes et tenu de demourer aux jardins comme povre prisonnier par l'espace d'ung moys affin qu'il ne voye que toutes belles fleurs et verdure pour le resjouyr. et luy deffend ladicte court toutes compaignies merencolieuses de se pourmener seul et de fantasies a tout par luy mais ordonne et apointe que ladicte dame par maniere de provision l'acompaignera & sera avec luy pour passer le temps du long dudit moys et jusques a ce qu'il soit guery & remis en son premier estat. et laquelle dame sera tenue de le penser si que on ne luy parle que de toute joyeuset? & luy feront oster tous livres et toutes choses mellencollyeuses faisant mention d'argent et de richesses/ affin qu'il n'y ait plus le cueur.

? Le .xli. arrest.

En la court de ceans c'est assis ung proc?s entre ung povre amant reffus? en cas d'exc?s et le procureur general d'amours adjoint avec la dame d'une part & ung sien compaignon amoureux comme luy d'aultre part deffendeur & disoit ledit demandeur qu'il avoit tout temps eu grant familiarit? & societ? avec ledit deffendeur et luy avoit faict plusieurs plaisirs & si estoit vray que pour la grant fiance qu'il avoit en luy il c'estoit descouvert a luy d'une partie de ses secretz & des biens et maulx qu'il avoit gaignez en amours/ & bien souvent luy racomptoit priveement de ses fortunes & lui touchoit de loing de sa dame qui tant estoit sage & prudente & comment il estoit bien tenu a dieu de l'avoir ainsi pourveu lesquelles choses ledit deffendeur escoutoit & en louoit ledit demandeur & luy faisoit le beau beau en le resconfortant quant il le veoit plaisant. et mesmes luy offroit et cueur et corps sa chevance et ses biens/ mais il ne le faisoyt sinon pour s?avoir qui estoit sadicte dame & ha?r en apr?s comme il a bien monstr?/ car depuis qu'il a sceu qui elle estoit il ne cessa jusques a tant qu'il ait eue l'acointance d'elle & que il ait fait bailler le bont/ ce qu'il n'eust jamais cuyd? tant le sentoit son singulier amy pour laquelle chose parvenir a celluy amant deffendeur qui s?avoit tous les secretz et moyens dudit amant complaignant a trouver fa?on & maniere de parler a ung moyne par qui les bonnes besongnes sont faictes & a tant fait par dons & par promesses illicites qui en amours sont deffendus que ledit moyne & luy ont compilees unes faulces lettres closes ou nom dudit povre galant complaignant lequel n'en s?avoit rien. Et par lesquelles estoit contenu que ledit amant demandeur mandoit a sadicte dame qu'elle ne estoit pas telle comme il cuidoit et qu'il s'appercevoit bien maintenant qu'elle avoit failly en la menassant et disant plusieurs injures & parolles que jamais ce povre amant n'avoit pensees/ ain?ois eust mieulx aym? estre mis en pieces que de l'avoir song? & dit aulcun mal de elle. Aussi eust il est? bien traystre/ veu que tous les biens qu'il avoit venoyent d'elle. or que fait ce moyne cy il s'en vient par devers ladicte dame/ et n'est pas content de porter & bailler lesditz lettres faulses mais soubz umbre de ce que l'on dit qu'elles contenoient creance/ il dist les plus terribles choses a ceste femme que l'en s?auroit ymaginer. et tellement que quant elle les oit elle adjoustant foy a ce que ledit moyne disoit commen?a a soy pasmer & tumber a terre comme toute esvanouye dont depuis elle a est? fort malade/ mais les dessusdictz non contens de ce ont tant fait par soubtilz et estranges moyens que ledict deffendeur est entr? en grace et qu'il a baill? le bont au povre homme qui tant avoit eu de peine a soy advancer & desservir la grace de ladicte dame en commettant bien grant trahyson eu regard aux plaisirs qu'il luy avoit fait & qu'il estoit son compaignon. Et en effect quant ce povre homme qui a tousjours son cueur envers ladicte dame et ne l'en peult pas oster vient vers elle ainsi qu'il avoit acoustum? elle lui tourne le doz en rechignant le maudit & par autreffois le menasse de luy porter dommage en corps & en biens en lui disant plainement qu'elle aymeroit mieulx qu'il fust ars et brusl? qu'elle luy fist ung seul plaisir et ainsi veezla la maniere comme ce povre amant a est? traicti?. Et s'il a bien du mal a cause de ladicte trahyson/ encores il a plus de martire la moyti? de ce que ledit deffendeur est advanc? pour faire mal & que luy & ladicte dame qui sont ainsi aliez ensemble se mocquent de luy quant il passe par devant eulx en luy gectant de gros lardons & tirant la langue en derriere/ & pourtant il s'est traict par devers ladicte court de ceans & obtenu lettres par vertu desquelles informations ont est? faictes touchant ledit cas lesquelles avec lesdictes lettres closes ont est? appointees devers ladicte court et despuis a est? baill? commission de prendre au corps ledit amant deffendeur qu'on ne peult trouver/ ains c'est mys en franchise si a est? adjourn? a comparoir en personne a ladicte court dedans troys briefz jours en laquelle il n'est daingn? venir ne comparoir/ ains c'est laiss? cheoir et mettre en quattre deffaulx au moyen desquelz ledit demandeur & ledit procureur general ont baill? leurs demandes et conclusions que au moyen d'iceulx ilz requierent leur estre faictes et adjugees qui sont bien grandes & tendans a grant reparation honnorable et proffitable ainsi que en icelles est plus a plain contenu et declair? Si a la court finablement veu lesditz charges & informations avec lesditz deffaux bien continu?s & entretenus ensemble lesdictz demandes et conclusions sur ce faictes. Et tout veu et consider? la court au moyen desditz quatre deffaulx adjuge ausdictz demandeurs tel prouffit qui s'ensuit/ c'est assavoir qu'elle tient et repute ledict amoureux deffendeur attaint & convaincu des cas a luy impos?s et desclaire tous ses biens meubles et immeubles confisqu?s a amours. Et avecques ce ordonne que lesdictes lettres closes ainsi envoyees au nom dudict povre amant demandeur seront dessir?s et canceleez en jugement comme faulses et qu'il sera nonobstant icelles et les maulvais raportz qui ont est? fais de sa personne a sadicte dame remis reintegr? et restitu? en la grace d'elle comme devant. Et en oultre condampne ledict deffendeur a faire amende honnorable en la court de ceans a tout et devant l'huis de la dame une torche ardante en sa main nue teste et sans ceinture en disant que faulsement et maulvaisement & aultrement que a point il a trahy et deceu le demandeur son compaignon & fait bailler le bont qu'il s'en repent et en crie mercy a luy. Et pour amende prouffitable dommaiges & interest le condampne en la somme de mille livres qui sera prinse sur ses biens avant toute confisquation & a tenir prison jusques a plain paiement et es despens desditz deffaulx. Au regard du moyne qui estoit participant de ladicte trahison qui a port? lesditz faulces lettres/ la court ordonne vue l'enormit? du cas qu'il sera prins en lieu sainct et dehors ou l'on pourra trouver pour estre amen? en la court de ceans et au surplus deffend la court une fois pour toutes dames/ damoiselles/ bourgoises et aultres de quelque estat qu'elle soyent que de choses qui peuent toucher amours ou les despendences ilz ne facent leurs ambassades ou messages pour moynes ne ne s'i fient en quelque maniere que ce soyt s'elles ne veullent estre deceues. Et oultre plus leur enjoinct expressement que se d'avanture a l'issue du lever du lit elles de prime face en rencontroient en la rue a jour perilleux comme le premier jour de may et aultres que de celle heure elles s'en retournent coucher car c'est malle rencontre.

? Le .xlii. arrest.

Il y a six ou huyt varletz cordonniers qui se sont plains en la court de ceans de ce qu'il fault maintenant mettre aux pointes des soulliers qu'on faict trop de bourre disant qu'ilz sont trop grev?s et qu'ilz n'y pourroient fournir les compaignons ne continuer ceste charge s'ilz n'en avoient plus grans gaiges qu'ilz avoient acoustum? attendu que le cuir est cher et que lesdis poulaines sont plus fortes a faire qui ne souloyent Si a la court fait faire informacion & rapport du prouffist et dommaige qu'ilz en ont/ et pourroient avoir & tout veu et consider? ce qu'il failloit considerer la court dit que lesdis cordonniers feront lesdis polaines grosses et menues a l'appetit des compaignons suivans ledit service d'amours sur peine d'amende arbitraire

? Le .xliii. arrest

En la court de ceans c'est assis ung proc?s entre troys compaignons amoureux demandeurs et complaignans en cas de saisine et nouvellet? d'une part/ et trois belles dames deffenderesses & opposans: d'autre part Et disoient lesdis demandeurs que quant amour ordonna faire aliance d'homme et femme ensemble il bailla a chascun en droit soy de sa dominacion et voulut que les hommes alassent au dessus des femmes comme raison estoit/ et si leur ottroya aultres grans prerogatives que les dames n'ont point dont n'est de present question. Et fut vray qu'il permist aux amoureux faire cent mille menues choses qui n'apartiennent a faire aux dames comme eulx vestyr court aller desceintz parmy la ville/ porter fauve au pi? destre ou senestre tenir ung petit baston en la main sans ce qu'il soit baill? ne ottroy? aux dames d'entreprendre sur leurs droitz. Mais ce nonobstant icelles trois dames deffenderesses de leur auctorit? indeue avoient port? et portoyent botte fauve a leur devise/ et avecques ce faisoient fermer leurs soulliers d'aguillettes vertes et par dedans entrelacez de rubiz & diamans/ vouloient aussi porter leurs gans au cost? le petit baston en la main et la robe courte a chevaucher et plusieurs autres nouvelet?s au prejudice desdis demandeurs en les troublant et empeschant a tort et sans cause indeuement et de nouvel en leur possession et saisine parquoy avoient obtenu ladicte conplaincte Et concluoient tout partinent en ceste matiere de nouvellet?/ Et en cas de delay demandoient la recreance. De la partie desdictes dames fut deffendu au contraire et disoyent que amours en faisant la division des joyes mondaines pour avantager les dames voulut qu'elles eussent seigneurie et domination sur les hommes et en signe de ce ordonna qu'ilz seroient requerans et demandeurs/ et les dames deffenderesses en leur ottroyant pouoir & auctorit? de refuser ottroyer denier ou escondire ainsi que bon leur sembleroit. Et ainsi doncques tout le bien que les hommes ont si vient d'elles et ne peuent avoir plus grans droitz preminences prerogatives en amours que elles. Et sont les dames en possession et saisine de porter botte fauve pour l'honneur & amour de amy au pi? destre ou a senestre en possession et saisine de mettre et trousser leurs gans de cost? et les porter a la ceinture/ en possesion et saisine de mettre aucuneffois entre la conroye de leurs soulliers a la boucle/ quant il leur en prent appetit anneaulx et verges d'or/ en signifiant amours defoulez aux piedz dont l'en ne tient plus compte/ en possession et saisine de porter devises & faire cent aultres menues plaisances entre eulx dont elles se peuent adviser/ en possession et saisyne que lesditz amoureux demandeurs ne aultres quelzconques ne peuent ne ne doibvent entreprendre sur leur droit/ et que s'ilz s'estoient efforc?s de faire le contraire des possessions et saisine par elles pretendues de les contredire et empescher en proposant possessoire pertinent et concluant en matiere de nouvellet? et en cas de delay demandoient lesdictes dames la recreance Et fut replicqu? par lesditz demandeurs et disoient que par leur complaincte ne voulloient en riens diminuer les drois des dames. Or estoit il ainsi que jamais ycelles dames n'avoyent joye desdictes possessions/ mais estoit vray et tout notoire que lesdictes choses appartenoyent aux hommes et par ainsi leur complainte estoit bien recepvable Et au regard des possessions contencieuses lesdites dames ne les pouoient soustenir/ car elles s?avoient bien que ce n'estoyt pas chose licite ne honneste a femme de porter botte fauve et anneaulx aux piez ains apartenoit mieux aux hommes que a elles et ne le veit on jamais faire sinon depuis naguieres que ceste entreprinse a est? faicte de nouveau et pour laquelle derrisyon ilz ont obtenu ladicte complaincte/ Car il leur faisoit mal que aulcuns en prinssent desplaisir contre elles ou qu'elles en fussent blasmees/ mais lesdictes dames en duppliquant disoient que s'il y en avoit aulcuns qui fussent dolens de les veoir porter/ il y en avoit d'autres pour l'amour de qui elles les portoyent qui y prenoient plaisir & pour homme qui en parle ne cesseroyent ja s'il n'estoyt ordonn?/ car elles l'avoyent ainsi vou? et promis a amours. Et quant est des possessions jamais n'y avoient est? empeschez jusques a present et ne failloit point dire que c'estoit chose mal seant a femme de porter botte ferree. car elle leur siet aussi bien qu'a homme/ si est chose plus joyeuse et nouvelle/ parquoy concluoit comme dessus. Ouyes lesquelles parties en tout ce qu'elles ont voulu dire et proposer elles ont est? appointees en droict et mettre par devers la court et au conseil que bon leur semblera veoir en ceste matiere et tout veu la court dict que lesdictz demandeurs a tort et sans cause se sont dolus & complains et que a bonne et juste cause lesdictes dames deffenderesses se sont opposees Et les maintient et garde la court en possession & saisine de porter la botte fauve au pied dextre ou senestre/ fermer leurs soulliers d'esguilettes vertes ou noires de mettre verges et anneaux d'or et de porter les gans de cost? en la seincture leurs robes courtes a chevaucher et en toutes possessions par elles pretendues en levant la main d'amours et tout empeschement qui leur avoit est? donn? par lesditz demandeurs a leur proffit en condampnant iceux demandeurs aux despens.

? Le .xliiii. arrest.

Sur une requeste baillee ceans par ung povre gallant serviteur affin d'estre pay? de ses peines et salaires d'avoir servi ung jeune galant amoureux Disoit ledit demandeur qu'il a bien demour? avecques luy l'espace de deux ans ou environ/ pendant lesquelz il le suyvoit en tous lieux ou il alloit luy nettoyoit ses robbes/ redressoit ses poulaynes et portoit aulcuneffois les verges pour le nettoyer et luy obeissoit en tous ses commandemens ou il a eu de grans peines Et quant est venu a la fin son maistre luy donne cong? sans le payer ne contenter: et pour ce requeroit qu'il fust condampn? a le payer de ses services et demandoit despens Surquoy ledict aymant deffendeur disoit au contraire qu'il n'y estoit point tenu/ Car quant il le print il n'avoit rien et l'abilla de neuf et que au regard de son service il ne le serviroit pas bien car quant il faisoit ung jour bien son devoir il en failloit trois apr?s: parquoy luy avoyt donn? congi? et au salayre qu'il demandoit disoit qu'il l'avoit tousjours entretenu bien habill? et vestu et par ainsi luy devoit souffire. Finablement la court veu ladicte requeste condampne ledit amant deffendeur a bailler a son varlet pour ses peines et sallaires & oultre ce qu'il a eu deux de ses vieilles robes courtes avec ung pourpoint de satin us? et deux escus pour s'en retourner en son pays.

? Le .xlv. arrest.

En la court de ceans c'est complainct et dolu ung gentil compaignon amoureulx de une jeune dame et maistresse/ disant que ja pie?a pour l'amour d'elle il entreprint de jouster et mettre son corps a l'adventure affin qu'elle congneust qu'il l'aymoit merveilleusement par dessus toutes autres. Et a ceste cause feist faire harnois et habillemens qu'il devisa a sa plaisance/ et ou il feist mettre la livree de sadicte dame et avec ce eut chevaulx lance et housse de mesmes et luy estoit bien advis qu'il portoit la devise de sadicte dame que son cheval ne luy pouoit perir ne estre en danger ain?ois que a l'ayde d'elle de la bonne querelle qu'il pretendoit il viendroit au dessus de son entreprise & en ceste intencion se disposa de jouster et se trouver sur les rencz bien en point comme il est acoustum? de faire en tel cas/ mais quant vint au departir qu'il cuydoit trouver sadicte dame pour avoir sa benediction elle faignit d'estre malade en se faisant excuser & dire qu'elle ne pouoit parler a luy ne luy bailler cueur ne courage de gaigner tellement que ceste journee il ne feist pas ce qu'il voulut & ne peult avoir honneur comme il eust eu sans difficult? ce ne eust est? les reffus de sa dame/ & dont par ce moyen elle estoit tenue le recompenser/ et pource requeroit a l'encontre d'elle qu'elle fust condampnee a le desdommager de la perte qu'il avoit faicte & de ses interestz qui estoyent bien grans/ au moins qu'il declair? qu'elle avoit est? cause de son mal par le moyen dudit reffus en la condampnant a le recompenser ainsi que la court l'adviseroit. de la partie de ladicte deffenderesse si fut deffendu au contraire & disoit qu'en sa vie ne luy conseilla de jouster ne n'en fut consentant ne par elle ne pouoit estre plus advanc? ne diminu? car son conseil ou aide ne lui pouoit de rien proffiter/ disoit avec ce que sa benediction ou sa parolle ne luy pouoit guieres aider en tel cas/ mais il suffisoit au demandeur de prendre son excusation sur cela qui n'estoit pas suffisant attendu qu'il pouoit bien ymaginer qu'elle eust est? aussi joyeuse de son bien comme lui mesmes. et quant est du reffus de luy ayder et bailler couraige jamais ne luy reffusa mais alors que il vouloit parler a elle estoit mal disposee tellement qu'elle ne peult venir parler a luy. et disoit que quant elle sceut qu'il devoit jouster elle pria alors pour lui affin qu'il eust l'honneur parquoy il devoit souffire Et par ses moyens concluoit affin d'absolution surquoy ledit amant demandeur pour ses replicques disoit que se elle eust seulement dit a dieu/ ou quelque autre mot son cheval fust all? plus joyeusement & n'eust trouv? homme qui luy eust peu resister. Et ainsi en estoit tenu tout du long. Finablement parties ouyes elles ont est? apointees en droit veu et consider? la court condampn? ladicte deffenderesse a habiller vestir et armer ledit amoureux demandeur la premiere foys que il vouldra jouster & a conduire son cheval par la bryde tout du long des lices ung tour seullement et apr?s cela fait sera tenue bailler sa lance en disant a dieu mon amy ayez bon cueur & ne vous soulciez de rien car on priera pour vous

? Le .xlvi. arrest.

En la Court de ceans c'est assis ung aultre proc?s entre une jeune fille de villaige demanderesse d'une part et ung jeune gallant de mesme deffendeur d'aultre part. Et disoit ladicte demanderesse que ja pie?a ce galant cy en revenant de pellerinaige il estoit tant alter? que il ne pouoit boire ne manger. Il se vint pour mener en ung jardin ou elle cueilloit des viollettes et illec luy requist qu'elle luy donnast ung bouquet ce qu'elle fist de bon cueur/ et lors il la remercia en luy promettant de luy donner une belle bourse et ung tabouret dont elle fut assez joyeuse et pource que ledit compaignon se sembloit estoit tresfort malade luy demanda se il vouloit rien et qu'il avoit. Surquoy luy respondit beaucoup de mal et qu'il eust voulu luy avoir coust? grant chose et que il eust d'elle seulement ung povre baiser pour le resconforter. Et alors ceste povre jeune fille luy alla dire/ que sans denier ne sans maille elle lui en donneroit deux voire trois qui ne luy cousteroyent riens. Et de fait les luy octroya/ et advint que de ceste heure apr?s lesdictz baysiers donnez qu'il fut du tout gary. Et feist grans merveilles de grans chieres/ neantmoins il n'avoit point fait son debvoir de lui envoyer ladicte bourse et tabouret/ ne aussi pareillement de porter ung boucquet de Rommarin vert pour l'amour d'elle ainsi comme il luy avoit promis. Et pource requeroit ladicte demanderesse que ledit deffendeur y fust contrainct et condampn? en ses despens. De la partie dudict amoureux fut deffendu au contraire & disoyt voirement que ladicte demanderesse l'avoit secouru en sa grande necessit? et griefve maladie tellement que il en estoit tenu a elle Et aussi cuidoit avoir fait son debvoir comme bon et loyal serviteur. Et quant est de ce qu'il luy a promis comme de la bourse et dudict tabouret ilz luy a ja pie?a envoyees par personne seure qui luy avoit affermer les lui avoir baillees. Et au regard dudit rommarin vert il disoit qu'il n'estoit journee qu'il ne lui ensouvint et que jamais encores ne se trouvoit en feste n'en joyeuse chere qu'il n'en portast tousjours dessus luy car c'estoit la fleur que il aymoit le mieulx & qui plus luy avoit ayd? en ce monde. Et suppos? que l'on dye que il face aulcunement mal a la teste de le sentir touteffoys il luy faisoit moult grant bien au cueur et ne sera jamais qui ne l'ayme. et concluoit par ses moyens affin d'absolution. Surquoy ladicte demanderesse disoit qu'il le devoit aussi bien cherement aymer/ car il en avoit est? gary & aleg? en bien peu d'heure. et quant a ladicte reception desdictes choses promises n'en avoit par sa foy rien sceu Finablement parties ouyes ont est? apointees en droit/ et au conseil si a la court veu et consider? ledit proc?s. Et condampne la court ledit amoureux deffendeur a bailler & rendre a ladicte demanderesse lesdictes bourse & tabouret par lui promis sans prejudice d'avoir son recours sus celluy a qui il les avoit baillees pour les porter. Et aussi je le condampne a porter dessus lui pour l'amour de sadicte dame demanderesse ung boucquet de rommarin vert a tout le moins ung brin ou deux entrelassez avec une soulcie et menues pensees ou d'autres fleurs que bon luy semblera

Read Ebook: Les cinquante et ung arretz d'amours by Martial D Auvergne

Ebook has 121 lines and 52386 words, and 3 pages

Trending!

Back to top

Read Ebook: Les cinquante et ung arretz d'amours by Martial D Auvergne

Add to tbrJar First Page Next Page Prev Page

Ebook has 121 lines and 52386 words, and 3 pages

Add to tbrJar First Page Next Page Prev Page

Trending!

Back to top