Read Ebook: Mélusine Nouvelle édition conforme à celle de 1478 revue et corrigée by Jean D Arras Active Th Century Brunet Charles Author Of Introduction Etc

Font size: 10 px 15 px 20 px 25 px 30 px 35 px

Background color: BlackWhiteGrayLight GrayDark GrayDim Gray

Text color: BlackWhiteGrayLight GrayDark GrayDim Gray

Apply/Save settings

Ebook has 356 lines and 131660 words, and 8 pages

Lors dist la dame ? Raimondin: Mon amy, ? demain est le jour que les barons de Poetiers doibvent faire hommaige au jeune conte Bertrand; et sachiez, mon amy, que il vous y fault estre et faire ce que je vous diray, s'il vous plaist. Or, entendez et retenez mes parolles. Vous attendrez l? tant que tous les barons auront fait leur hommaige; et lors vous vous trairez avant, et demanderez au jeune conte ung don pour le salaire et remuneration que oncques vous fistes ? son p?re; et luy dictes bien que vous ne luy demandez ne ville, ne chasteau, ne fortresse, ne aultre chose que gaires luy couste. Et s?ay bien que il le vous accordera, car les barons luy conseilleront; et tantost qu'il vous aura accord? vostre requeste, si luy demandez en ceste roche et ? l'environ autant de place que ung cuir de cerf peut comprendre et enclore. Et il vous le donra si franchement que nul ne pourra mettre aulcuns empeschemens pour raison et hommaige de fief, ne par charge de rente ou aultre redevance quelconque. Et quant vous aura ce accord?, si en prenez et faictes tant que vous en avez bonnes chartres et lettres seel?es du scel de la dicte cont? et des seaulx des pers du pays. Et quant vous aurez tout ce fait, le lendemain, en vous en venant, vous trouverez ung homme portant en ung sac ung cuir de cerf conroi? en allant tout en une pi?ce moult gentement et sentivement. Et tantost l'achettez tout ce que le vous fera, et puys faictes ce cuir taillier en une couroie le plus desli? que on le pourra faire bonnement, et puys vous faites delivrer vostre place que vous trouverez toute taill?e et ordonn?e o? il me plaira que vostre place se comporte; et au rapporter les bous ensamble, se la couroie croist, faictes le remener contre val la vall?e, et illec souldra une fontaine, o? naistra et courra ung ruissel assez grant, que ung temps advenir aura bien besoing en cestuy pays. Allez et faictes hardiement, mon amy, et ne faictes doubte de riens, car toutes vos besongnes seront bonnes et bien faictes. Et vous retournerez ? moy icy le lendemain quant on vous aura delivr? vostre don, et en prenez les lettres et chartres. Et adoncques il respondist: Ma dame, je feray ? mon povoir tout vostre plaisir. Lors se entrebais?rent moult doulcement et prindrent congi? l'un de l'aultre. Et ? tant se taist l'istoire de plus en parler, et commence ? parler de Raimondin, qui monta tantost ? chevau, et s'en alla tirant ? Poetiers le plus tost qu'il peut oncques chevaucher.

Comment Raimondin, aprez que les barons eurent fait hommage au jeune conte, luy demanda ung don, lequel luy accorda.

L'istoire nous dist que tant chevaucha Raimondin que il vint ? Poetiers, o? il trouva de haultz barons grant foison et de contes qui l? estoient venus pour faire hommage au nouvel conte Bertrand, qui luy firent moult grant honneur et lou?rent moult grandement. Et le lendemain vindrent tous ensamble ? Saint-Hilaire de Poetiers, et l? firent le service divin moult richement et honnourablement; et ? icelluy service fut le jeune conte en estat de chanoyne comme leur abb?, et y feist son devoir comme il appartenoit et estoit acoustum?. Adonc vindrent les barons qui luy firent hommage; et aprez ces choses faictes se trahit Raimondin avant humblement, et va dire: Entre vous, messeigneurs, nobles barons de la cont? de Poetiers, plaise vous entendre la requeste que je vueil faire ? monseigneur le conte, et se il vous semble qu'elle soit raisonnable, qu'il vous plaise de luy prier qu'il me la vueille accorder. Et les barons luy respondirent: Tresvoulentiers nous le ferons. Et ? tant s'en vindrent tous ensemble devant le comte. Et lors tout premierement Raimondin commen?a ? parler moult advisement, en suppliant et disant en ceste mani?re: Treschier sire, je vous requiers humblement que en remuneration de tous les services que je fis oncques ? vostre p?re, dont Dieu aye l'ame, qu'il vous plaise de vostre benigne grace ? moy donner ung don, lequel ne vous coustera gaires, car sachi?s, sire, que je ne vous vueil demander ville, chasteau, ne fortresse, ne nulle aultre chose qui gaires vaille. Lors respondist le conte: Se il plaist ? mes barons, il me plaist bien. Et adoncques ilz luy disdrent en ceste mani?re: Sire, puys que ce est chose de si petite value, vous ne luy devez pas refuser, et il le vault bien et l'a bien desservi. Et le conte leur va dire: puys qu'il vous plaist ? le me conseiller, je le accorde, et demandez hardiement. Sire, dist Raimondin, grans mercis; sire, je ne vous requiers aultre don fors que vous me donnez au dessus de la fontaine de Soif, ?s rochers et aux haultz bois, o? il me plaira ? prendre, tant de place que ung cuir de cerf se pourra extendre, et aprez la cloisture de long de tous les esquarris. Par Dieu, dist le conte, je ne le vous doibs pas refuser; je le vous donne, dist le conte, franchement, que vous ne devrez, ? moy ne ? tous mes successeurs, foy ne hommaige, ne quelconque redevance. Adonc Raimondin se agenoilla et le mercia de ce humblement, et le requist de ce avoir bonnes lettres et chartres, lesquelles luy furent joyeusement accord?es et faictes le mieulx que on peut faire et deviser; et furent seell?es du grant seel du conte par la relation des douze pers du pays, qui mirent et pendirent leurs seaulx en congnoissance de affermer le don ? estre raisonnable, avec ledit grant sel du conte. Adonc se departirent de ladicte eglize de Saint-Hilaire de Poetiers, et vindrent en la salle. Et l? fut la feste grande, et y eut moult de seigneurs qui moult noblement furent servis de pluiseurs services et de pluiseurs metz en celluy jour; et y eut moult grant melodie de son de menestriers et aultres sons de musique. Et donna ledit conte au disner moult de riches dons. Mais il est vray que de tous ceulx qui furent en celle feste on reputoit et disoit que entre les aultres Raimondin estoit le plus gracieux, le plus bel, et de la meilleure contenance, que nul des aultres qui y estoient. Et ainsi se passa la feste jusques ? la nuyt, que chascun s'en alla reposer. Et aprez lendemain au matin se lev?rent et all?rent ouyr la messe en l'abbaie de Montiers, et l? pria Dieu devotement Raimondin qu'il luy pleut aydier ? son besoing et ? le achever au salut de son ame et au prouffit et salut de son corps, et au prouffit et honneur de toutes les deux parties ce qu'il avoit commenc? et entrepris. En faisant ainsi sa requeste ? Dieu, il demoura en sa devotion au Montier jusques ? l'eure de prime.

Comment Raimondin trouva ung homme qui portoit ung cuir de cerf, et l'achetta.

Or dist l'istoire que quant Raimondin eut ouy la messe et fait sa devotion, que il saillist hors du moustier neuf, et ? l'issue de l'abbaie, au del? du chasteau, il trouva ung homme qui portoit ung cuir de cerf sur son col, qui luy vint ? l'encontre et luy dist en ceste maniere: Sire, acheterez-vous ce cuir de cerf que j'ay en mon sac, pour faire bonnes cordes chasseresses pour vos veneurs? Par ma foy, dist Raimondin, ouy, se te veulx; et que coustera-il, en ung mot, ainsi qu'il est? Par ma foy, sire, vous en paierez cent soulbz se vous l'avez. Amy, dist Raimondin, apportez le en mon hostel, et je vous paieray. Et il luy respondist: Voulentiers. Adoncques il suyt Raimondin jusques ? son hostel et luy bailla le cuir, et il le paia. Et apr?s manda Raymondin ung sellier, et luy dist ainsi: Mon amy, il fault, se il vous plait, que vous me taillez tout ce cuir le plus deli? que vous pourrez, en forme d'une courroie qui se entretiengne tant que vous le pourrez faire courrir. Et ainsi le fist le sellier; et puys le mirent arri?re au sac ainsi taill?. Que feroye ores plus long prolongation? Il est vray que ceulx qui commis estoient ? luy faire la delivrance de son don se departirent de Poetiers, et Raimondin avecques eulx; et tant chevauch?rent ensamble qu'ilz vindrent sur la montaigne qui estoit au dessus de Colombiers. Et lors ilz apperceurent sur la roche de la fontaine de Soif que on y avoit fait grant trench?e et abbatis d'arbres d'une part et d'aultres, dont ilz se prindrent moult fort ? esmerveiller: car oncques mais ilz n'avoient veu illec d'arbres trenchez, ne nul temps aulcuns tronches. Adoncques Raimondin, qui bien apperceut que la dame y avoit ouvr?, se teut. Et quant ilz furent en la prarie, ilz descendirent et jett?rent le cuir hors du sac.

Comment ceulx qui estoient commis vindrent delivrer le don ? Raimondin.

Quant les livreurs visdrent le cuir taill? si deli?, ilz en furent tous esbahis, et disdrent ? Raimondin qu'ilz ne s?avoient que faire; et sur ce vindrent deux hommes vestus d'ung gros burel, qui disdrent en ceste mani?re: Nous sommes icy envoiez pour vous aydier. Adoncques ilz desvid?rent le cuir de la masse o? l'avoit enroul? celluy qui l'avoit taill?, et le port?rent au fons de la vall?e, au plus prez du rocher qu'ilz peurent; et l? plant?rent ung pieu fort et gros, et y li?rent l'ung des bous du cuir; et avoit l'ung d'eulx ung grant fais de pieus que ilz fich?rent de lieu en lieu en environnant la roche, et ainsi que ilz trouv?rent la tranche faicte; et les aultres le sievoient en atachant le cuir au pieus, et par ceste mani?re ilz environn?rent la montaigne; et quant ilz revindrent au premier pal, il y eut grant foison de remanant de cuir, et pour l'acomplir et fournir le tir?rent contre val la vall?e, tellement qu'ilz parfournirent l'enchainte dudit cuir. Et sachi?s que selon ce que on dist au pays, et que la vraie histoire le nous tesmoingne, que il sourdit ung ruisseau duquel pluiseurs molins molurent et ont molu depuys. Adoncques ceulx qui livroient la place furent moult esbahis tant du ruissel que ils veoient devant eulx souldainement sourdre, comme la circuite du cerf comprenoit, car il contenoit bien deux lieues de tour.

L'ystoire nous racompte que les livreurs, comme devant est dit, furent moult esbahis quant ilz visrent le ruissel sourdre souldainement, et courrir contre la vall?e grans sourions d'eaue, et aussi se esmerveilloient-ilz de la grant en?ainte que le cuir du cerf comprenoit; et neantmoins delivrent-ilz ? Raimondin la terre ? luy donn?e selon le texte de sa chartre. Et aussi tost qu'ilz l'eurent baill?, ilz ne sceurent oncques que les deux hommes vestus de burel devindrent, qui au devant estoient devant leurs yeulx. Lors se departirent tous ensamble pour eulx en aller ? Poetiers; et quant ilz vindrent l?, ilz compt?rent au conte et ? sa m?re ceste merveilleuse adventure. Et adonques dit la dame en ceste maniere: Ne me croy jamais de chose que je die se Raimondin n'a trouv? quelque adventure en la forest de Colombiers, car celle forest est aulcunes foys moult plaine de moult merveilleuses adventures. Et lors dist le conte: Par ma foy, ma dame, je croy que vous dictes vray, et j'ay piecha oy dire que sur la fontaine qui est dessoubz celluy rocher, on a veu advenir pluiseurs fois maintes merveilleuses adventures; mais quant ? luy, je prie ? Dieu qu'il luy laisse jouir ? son honneur et ? son preu. Amen, dist la dame. Ainsi qu'ilz parloient Raimondin arriva, qui tantost se agenoilla devant le conte en le remerciant de l'onneur et de la courtoisie qu'il luy avoit faicte. Par ma foy, Raimondin, dist le conte, c'est peu de chose; mais se Dieu plait je feray mieulx au temps advenir. Or, mon amy Raimondin, dist le conte, que on m'a compt? moult grant et merveilleuse adventure qui est advenue ? present en la place que on vous a delivr? de par moy, laquelle je vous ay donn?e legi?rement; si vous prie tresaffectueusement que vous me vueillez dire la plaine v?rit?. Par ma foy, dist Raimondin, mon treschier seigneur, se ceulx qui ont est? avecques moy ne vous en ont compt? fors que ce que ilz en ont veu, ilz ont bien faict; toutes fois il est vray de la place que le cuir du cerf a circuy de rond environ de deux lieues. Et quant est de ces deux hommes qui sont vestus de bureau, lesquels ont ayd? ? le mesurer et circuier, et aussi du ruissel qui est sours tout souldainement, c'est toute plaine verit?, monseigneur. Par ma foy, dist le conte, Raimondin, vecy grant merveille. En bonne foy, Raimondin, ainsi comme il nous est advis, il faut que vous ayez trouv? quelque adventure; je vous prie que vous nous le dictes aulcunement, ainsi que vous le savez, pour nous en oster hors de merencolie? Mon seigneur, dist Raimondin, je ne ay encore trouv? que bien et honneur; mais, mon treschier seigneur, j'ay plus de plaisir de hanter en celluy lieu quant ? present, que je n'ay ailleurs, pour ce que est commune renomm?e du lieu estre adventureux; et pour ce j'ay esperance que Dieu m'envoiera quelque bonne adventure qui, par son plaisir, me sera pourfitable et honnourable au corps et ? l'ame. Et, mon treschier seigneur, ne m'en enquerez plus, car certainement aultre chose, pour le present, ne vous s?auroie bonnement que dire. Adoncques le conte, qui moult l'aimoit, se teut ? tant pour ce qu'il ne le vouloit point couroucer; et ce fait Raimondin prinst congi? du conte et de sa m?re. Et ? tant me tairay quant ? present de plus parler d'eulx, et diray comment Raimondin retourna par devers sa dame o? il s?avoit bien qu'il l'avoit laiss?e.

Comment Raimondin prinst congi? du conte et retourna vers sa dame.

En ceste partie nous dist l'istoire que Raimondin, qui moult estoit enamour? de sa dame, se partit sur heure de Poetiers, tout seul, moult hastivement, et chevaucha tant qu'il vint en la haute forest de Colombiers, et descendit de dessus la montaigne au val, et vint ? la fontaigne o? il trouva sa dame qui moult liement le receupt, et luy dist en ceste mani?re: Mon amy, vous commencez moult bien ? celler nos secrez, et se vous perseverez ? faire ainsi, il vous en viendra grant bien, et tantost vous vous en apperceverez et le verrez. Adoncques va Raimondin respondre en ceste mani?re: Ma dame, je suis tout prest de acomplir ? mon povoir tout vostre plaisir; par ma foy, Raimondin, dist la dame, tant que vous m'aiez espous?e, ne povez-vous plus s?avoir ne veoir de nos secrez. Dame, dist Raimondin, je suis tout prest; non mie encore, dist la dame, il fault que il soit aultrement, car il convient que vous allez prier le conte, sa m?re, et tous vos aultres amis, que ilz vous viennent faire honneur ? vos nopces, en ceste place, au jour de lundi prouchainement venant, affin qu'ilz voient les noblesses que je pense ? faire pour vostre honneur acroistre; pourquoy ilz ne soient pas plus en suspition que vous soiez petitement mari? selon vous, et tout leur povez bien dire seurement que vous prenez une fille de roy; mais plus avant ne vous en descouvrez, mais bien vous en gardez si chier que vous avez l'amour de moy. Dame, dist Raimondin, ne vous en doubtez. Amy, dist la dame, n'aiez j? soing que pour grans gens que vous sach?s amener, que ilz ne soient trestous bien receups et bien logez, et qu'ilz n'aient bien ? vivre ? grant foison pour eulx et pour leurs chevaux; et allez tout seurement, mon amy, et ne vous doubtez de riens. Et ? tant se entre-accol?rent et bais?rent, et se partit Raimondin d'elle, et monta ? chevau. Et ? tant se taist l'istoire d'en plus parler, et commence ? parler de Raimondin, qui va grant erre vers Poetiers.

Or nous dist l'istoire que tant erra Raimondin aprez qu'il fut parti de sa dame, que il vint ? Poetiers, o? il trouva le conte et sa m?re, et grant foison des barons de Poetiers et du pays, qui moult fort le bienveign?rent, et luy demand?rent dont il venoit; et il leur respondit qu'il venoit de soy esbatre. Et quant ilz eurent grant pi?ce parl? d'une chose et d'aultre, Raimondin vint devant le conte, et se agenoilla et luy dist ainsi: Treschier seigneur, je vous supplie humblement, sur tous les services que je vous pourray faire jamais, que il vous plaise ? moy faire tant d'onneur de venir le lundi prochain ? mes espousailles ? la fontaine de Soif, et que il vous plaise de y amener vostre m?re et toute vostre baronnie pour nous honnourer et nous faire compaignie. Et quant le conte l'entendit, il fut moult esbahi. Dieu, dist le conte, beau cousin Raimondin, estes-vous j? si estrange de nous que vous vous mariez sans ce que nous en aions riens sceu jusques ? l'espouser? Pour certain nous nous en donnons grant merveilles, car nous cuidons que se vous eussi?s voulent? de femme prendre, que nous fussions le premiers ? qui vous en deussiez avoir pris conseil. Adoncques Raimondin respondit: Mon treschier seigneur, ne vous en vueille desplaire, car amours ont tant de puissance qu'ilz font faire les choses ainsi que il leur plaist, et je suys si avant all? en ce meschief que je ne puis reculer; et se je pourroie ores endroit d?faire, je ne le defferoie pas. Or, beau sire, dist le conte, au mains dictes qui elle est et de quelle lign?e. Par ma foy, dist Raimondin, vous me demandez chose que je ne vous pourroie respondre, car oncques en ma vie de ce je n'enquis riens. Par ma foy, dist le conte, vecy grans merveilles; Raimondin se marie et ne scet quelle femme il prent, ne de quel lignage. Monseigneur, dist Raimondin, puys qu'il me souffist, il vous doit bien souffire, car je ne prens pas femme pour vous ennoisier, mais pour moy; si en porteray le dueil ou la joye, lequel Dieu plaira. Par ma foy, dist le conte, vous dictes bien. Quant est de moy, je ne vueil mie avoir la noise, se elle y est; combien puys qu'il est ainsi, je prie Dieu devotement qu'il vous envoie paix et bonne adventure ensamble; et tresvoulentiers nous irons aux nopces, et y menerons madame et pluiseurs aultres dames et damoiselles, et nostre baronnie. Raimondin respondist: Monseigneur, tresgrans mercis, car je croy que quant vous viendrez l? et vous verrez la dame, qu'elle vous plaira bien. Et ? tant laiss?rent le parler de ceste chose, et parl?rent d'une chose et d'aultre tant qu'il fut temps de sopper. Et nonobstant ce, tousjours le conte pensoit ? Raimondin et ? sa dame, et disoit que c'estoit quelque fortune qu'il avoit trouv? ? la fontaine de Soif.

En ceste mani?re pensa le conte longuement, et tant que le maistre d'ostel luy venist dire: Monseigneur, il est tout prest quant il vous plaira. Par foy, dist le conte, ce me plaist. Adonc ilz lav?rent et furent assis, et furent bien servis; et aprez souper parl?rent de pluiseurs mati?res, et puis s'en all?rent couchier. Lendemain au matin le conte se leva et ouyt sa messe, et fist mander ses barons pour aler avec luy aux nopces de Raimondin, et ilz vindrent delivrement. Et manda ledit conte le conte de Forestz, qui estoit fr?re de Raimondin, car son p?re estoit mort. Et demantiers la dame fist son appareil en la prarie de dessoubz la fontaigne de Soif, qui fut si grant et si noble, que ? dire voir riens n'y failloit de quelque chose qui appartenist ? honneur pour celle besongne, et fut ores pour ung roy recepvoir ? tout son estat, et vous en parleray plus ? plain. Le dimence vint, chascun se appareilla pour venir aux nopces; la nuyt passa et le jour vint. Adonc le conte se mist en chemin et avecq luy sa m?re, sa seur et sa baronnie ? noble compaignie. Et adonc le conte enquiert Raimondin de l'estat de sa femme; mais il ne luy en voulsist riens dire, dont le conte estoit moult doulent, et tant vont ensamble parlant qu'ilz mont?rent la montaigne et qu'ilz virent les grans tranch?es qui faictes avoient est? soudainement, et virent la fontaigne qui y sourdit habondamment. Adonc chascun s'esmerveilla comment celle chose povoit estre ainsi faicte si soudainement. Et aprez vont regarder contre val la prarie, et voient tant de pavillons si treshaultz, si grans et si chiers, et de si nobles et merveilleuses fasson, que chascun s'esmerveilloit; et par especial quant ilz voient si grant foison de nobles gens allans et venans pour les affaires de la feste, les ungs les aultres conseillans, aval la prarie; car l? veissi?s dames, damoiselles, chevaliers et escuiers de nobles atours; l? veissiez courir chevaux et palefrois ? grant multitude, et contre val les estres ? grant foison de cuisines fumans, o? on faisoit grans et merveilleux apparelz. Et si voyoient au dessus de la fontaine la chappelle de Nostre-Dame, qui estoit belle, gracieuse et bien ordonn?e que oncques m?s n'avoient veu si belle chappelle, ne si noblement aourn?e. Si s'en vont esmerveillant en disant entre eulx: Je ne s?ay qu'il adviendra en aprez du surplus, mais vecy tresbeau commencement, grant et apparant de grans noblesses et honneurs.

Comment le conte de Poetiers vint aux nopces de Raimondin acompaign? de noble baronnie.

En ceste partie nous dist l'istoire que quant le conte et ses gens furent descendus de la montaigne, adonc ung chevalier ancien, noblement aourn? et ?ainct d'une noble ?aincture et riche et ? pierres precieuses et perles, mont? sur un hault palefroy liart, noblement acompaign? jusques au nombre de .xii. hommes d'onneur noblement aournez, s'en vint joieusement vers la route du conte. Et en la premi?re route trouva le conte de Forestz et Raimondin son fr?re noblement acompaignez; et sitost que le chevalier ancien apperceut Raimondin, que il congneut bien entre les aultres, il alla saluer honnourablement, et aprez le conte de Forestz son fr?re et toute leur compaignie. Et ? brief parler icelluy ancien chevalier et ceulx de sa compaignie les receuprent joyeusement, disant ledit chevalier soy adressant envers ledit Raimondin: Monseigneur, faictes-moy mener vers le conte de Poetiers, s'il vous plait, car je veulx parler ? luy; et ainsi le fist-il faire. Et quant l'ancien chevalier vint devant le conte, il le salua doulcement, et le conte luy va dire: Vous soiez le tresbien trouv?. Or me dictes ce pour quoy vous me demandez; lors le chevalier dist au conte ainsi: Sire, madamoiselle Melusine d'Albanie se recommande ? vous tant qu'elle peut, et vous mercie du grant et hault honneur que vous faictes ? Raimondin vostre cousin, et ? elle, quant il vous plait de vostre grace de leur venir faire compaignie ? leurs espousailles. Par foy, dist le conte, sire chevalier, en ce cas povez-vous dire ? vostre damoiselle que cy n'a nul de merciement besoing, pour ce que je suys entenu de faire honneur ? mon cousin. Sire, dist le chevalier, vous dictes vostre courtoisie, mais nostre damoiselle est saige pour s?avoir ce que on doibt faire, et, sire, elle m'a envoi? ? vous, et mes compaignons. Sire chevalier, dist le conte, il me plaist bien; mais sachi?s que je ne cuidoie mie trouver log?e damoiselle cy prez de moy de si hault affaire, qui eut tant de si nobles gens avecques elle. Ha, sire, dist le chevalier, quant il plaira ? madamoiselle elle en aura bien plus, car il ne luy convient que demander. Et ainsi parlans les ungs aux aultres, ilz arriv?rent au pavillon et fut le conte logi? au plus riche logis qu'il eut oncques mais veu. Et aprez fut chascun logi? selon son estat, et disoient que en leurs propres hostelz ilz ne fussent point mieulx logez. Leurs chevaux furent logez ?s grans tentes, et liez si ? leur aise qu'il n'y eut varlet qui ne s'en loast, et s'esmerveill?rent tous dont tant de biens et de richesses povoient si habundamment venir.

Comment Raimondin et Melusine furent espousez.

En aprez vint la contesse, la m?re au conte, et Blanche sa fille, et adoncques Melusine, qui fut moult saige, envoia au devant d'elle l'ancien chevalier qui avoit tenu compaignie au conte, et aussi avec celluy ancien chevalier s'en all?rent pluiseurs dames et damoiselles de hault et noble estat, qui moult bienveign?rent et honnour?rent la contesse et sa fille, et les men?rent logier en ung moult noble pavillon de drap batu en or, perles et pierres pr?cieuses. Si richement, ? brief parler, furent logez que tous s'esmerveilloient de la grant richesse et du grant atour qu'elles visdrent au pavillon, et l? furent-elles receues ? moultz grans et melodieux sons de divers instrumens, moult honnourablement ? toute sa compaignie, et furent tresbien logi?s. Et quant la contesse fut ung peu repos?e et habill?e, et les seigneurs, dames et damoiselles qui estoient en sa compaignie, elles all?rent en la chambre de l'espous?e, qui estoit sur toutes les aultres chambres la plus noble sans comparaison, et si estoit tant belle et si tresnoblement aourn?e que chascun disoit que oncques si belle ilz n'avoient veu jour de leur vie, ne si noblement aourn?e. Et se commenc?rent tous ? esmerveiller de sa beault? et de la grant richesse de son abillement. Et adoncques la comtesse en soy-mesme considerant l'estat, dist que en tout le monde elle ne cuidoie mie que on peut trouver royne ne emperresse qui peut finer autant d'avoir que les joyaulx qu'elle avoit sur elle valoient. Que ferois-je ores long plait? Le conte de Poetiers et ung des plus haultz barons, c'est assavoir le conte de Foretz, adress?rent et mirent ? point l'espous?e, et la men?rent moult doulcement ? ladicte chappelle, qui estoit tant noblement aourn?e que nul ne s?auroit priser la richesse tant des parements qui l? estoient le plus estrangement ouvrez et si richement de fin or et de brodure de perles, que on n'avoit oncques mais veu nul temps les pareilz, comme d'ymaiges et de croix, de crucifis d'or et d'argent, et si avoit de livres tant nobles que on ne pourroit plus au monde souhaidier. Et l? fut ung evesque qui les espousa.

Comment ? disner ilz furent moult honnourablement servis.

Et aprez le service divin ilz se repos?rent; et fut le disner en ung moult grant pavillon qui estoit moult riche et de noble atour, tout emmy la prarie, et furent servis de tant de metz si grandement, et de si bons vins estranges et aultres, et d'ipocras, si largement que chascun s'en esbahissoit dont tant de biens povoient venir, et les servoit-on si appertement en vaisseaulx d'or et d'argent que chascun s'esmerveilloit, et quant ung m?s estoit ost?, l'aultre estoit prest si tost que chascun s'esmerveilloit comment les serviteurs estoient de ce faire si diligens.

Comment aprez disner les chevaliers et escuiers joust?rent.

Aprez ce qu'ilz eurent disn? et que les tables furent ost?es et graces dictes, que on eut servi d'espices, pluiseurs s'en all?rent armer et mont?rent ? chevau; et lors l'espous?e et pluiseurs aultres dames furent mont?es sur eschafaulz moult richement parez de draps d'or, et estoient les aultres dames sur pluiseurs aultres eschafaulz. A tant commenc?rent moult fort les joustes, et jousta moult bien le conte de Poetiers et le conte de Forestz; si firent les Poetevins. Mais le chevalier de l'espous?e faisoit merveilles de bouter chevaux et chevaliers par terre. A tant est venu Raimondin sur un destrier liart qui moult noblement fut aourn?, de blanc tout couvert, et lui avoit envoi? la dame; et du premier poindre qu'il fist ? son chevau, il abbatist le conte de Forestz son fr?re, et fist tant qu'il n'y eut chevalier d'ung cost? ne d'aultre qui ne le redoubtast. Adonc le conte de Poetiers s'esmerveilla moult qui le chevalier estoit, et joingt le sal au pis et s'en vient vers luy lance baiss?e; mais Raimondin qui bien le congneut s'en tourna d'aultre part, et assiet sur ung chevalier de Poetou et le fiert si roidement en la partie de l'escu qu'il le porta par terre luy et son chevau; et ? brief parler tant fist Raimondin en celle journ?e que chascun disoit que le chevalier aux blanches armes avoit tresfort joust?. La nuyt approucha et la jouste se departist, dont retourn?rent les dames et s'empartirent avecques l'espous?e, et s'en all?rent en leurs pavillons, et se repos?rent ung peu; et ne demoura gaires qu'il fut temps de soupper. Adonc se assambl?rent en la grant tente, et lav?rent et s'assirent ? table, et furent moult richement servis, et aprez soupper furent les tables lev?es et graces dictes. Ce fait, les dames all?rent ? leurs retrais et ost?rent leurs grandes robes, et vestirent plus cours habis, et firent feste moult belle; et furent les honneurs moult grans, et tant que tous ceulx qui l? estoient venus avecq le conte s'esmerveilloient du grant luminaire, des grans honneurs et des grans richesses que ils visdrent l?. Et quant il fut temps, ilz men?rent l'espous?e coucher moult honnourablement en ung tresmerveilleusement riche pavillon qui fut pour ce nouvellement tendu, et la livr?rent le conte de Poetiers et le conte de Forestz aux dames. Et lors la comtesse de Poetiers et les aultres grandes dames vindrent, qui men?rent l'espous?e dedens, et l'administr?rent et instruirent en tout ce qu'elle devoit faire, combien qu'elle estoit assez pourveue de ce; mais non obstant ce, elle les mercioit moult humblement de ce qu'elles luy montroient pour son bien et garder son honneur; et quant elle fut couch?e, elles attendirent autour du lict en devisant pluiseurs choses tant que Raimondin venist, qui estoit encores demour? avec le conte et son fr?re, et le mercioit de ce qu'il avoit le premier combatu. Par ma foy, dist le conte de Poetiers, beau cousin de Forestz, vous avez piecha ouy dire que aulcunes foys l'amour des dames donne paine et travail aux amoureux et la mort aux chevaux. Monseigneur, dist le conte de Forestz, Raimondin mon fr?re le m'a huy monstr? que c'est v?rit?. Et Raimondin, qui fut ung peu honteux, va respondre en ceste mani?re: Beaulx seigneurs, frappez du plat, et ne me donnez j? tant de los, car je ne suys mie celluy que vous pensez, puys que vous me congnoissez pour celluy aux blanches armes; se ne suys-je pas; je vouldroie bien que Dieu m'eut donn? la grace de faire si bien. Et ? ces parolles vint ung chevalier que les dames envoi?rent, qui leur dist: Beaulx seigneurs, ne rigolez pas trop fort, car sachi?s bien qu'il a aultre chose ? penser. Par ma foy, dist le conte de Poetiers, je croy que vous dictes vray. Et de rechief va dire le chevalier: Mes seigneurs, amenez Raimondin, car les dames le demandent pour ce que sa partie est toute preste, et de ce commenc?rent tous ? rire, et disdrent que il ne luy en failloit j? de tesmoing, car c'estoit chose bien croiable.

Comment l'evesque beneist le lict o? Raimondin et Melusine estoient couchi?s.

A ces parolles admen?rent Raimondin au pavillon, et fut assez tost couch?; et lors vint l'evesque qui les avoit espous?, lequel beneist le lict, et aprez chascun prist congi?, et furent les courtines tir?es. Et ? tant se taist l'istoire sans plus avant parler de la mat?re, et commence ? parler des aultres qui s'en all?rent les ungz coucher, et les autres dansser et esbattre tant qu'il leur pleut. Et aprez vous parlera l'istoire de Raimondin et de la dame comment ilz se gouvern?rent, et les parolles qu'ilz se disoient au lict quant ilz furent couchi?s ensamble.

En ceste partie nous dist l'istoire que quant tout fut departi et les pans du pavillon furent joinctz, que Melusine parla ? Raimondin en ceste mani?re: Mon treschier seigneur et amy, je vous mercie du grant honneur qui m'a aujourduy est? faict de vostre lign?e et amis, et aussi de ce que vous celez si bien ce que vous m'avez promis en nostre premi?re convenance. Et sachi?s pour certain se vous le tenez tousjours aussi bien que vous serez le plus puissant et le plus honnour? qui oncques fut en vostre lign?e; et se vous faictes le contraire, vous et vos heritiers decherrez peu ? peu de vostre estat et de la terre que vous tiendrez, quant vous ferez la faulte, s'il est ainsi que vous la fac?s, ce que Dieu ne vueille j? consentir, ne ne sera jamais tenue par nul de vos heritiers ensamble. Et adoncques luy va respondre Raimondin: Ma treschi?re dame, ne vous en doubtez mie, car ce ne m'aviendra j?, se Dieu plaist. Et lors la dame lui respond en ceste mani?re: Mon treschier amy, puys que ainsi est que je me suys mise si avant, il me convient attendre la voulent? de Dieu, et moy confier en vostre promesse. Or, vous gardez bien, mon treschier amy et compaignon, que vous ne me faillez de ce convenant, car vous serez celluy qui plus y perdrez aprez moy. Ha, ha, chi?re dame, dist Raimondin, de ce ne vous faut j? doubter, car ? ce jour me faille Dieu quant je vous fauldray de mon povoir de convenant. Or, mon chier amy, dist la dame, laissons ester le parler, car pour certain de ma part n'y aura point de faulte que vous ne soiez le plus fortun? que oncques fut en vostre lignage, et en serez de tous le plus puissant, se il ne tient ? vous. Et adonc en ce parti laiss?rent aler de ceste mat?re, et pour ce nous dist l'istoire que en ceste nuyt fut engendr? d'entre eulx deulx le preux vaillant Urian, qui depuys fut roy de Chippres, comme vous ouyrez bien cy aprez au long.

Comment le conte de Poeitiers et de Foretz et les barons et dames prindrent congi? de Raimondin et Melusine.

L'istoire nous dist en ceste partie que tant demour?rent ces deux amans au lict que le soleil fut hault lev?; et adoncques se leva Raimondin et se vestit, et saillist hors du pavillon. Et desj? estoit le conte de Poetiers et le conte de Forestz et les aultres barons qui attendoient Raimondin, et l'emmen?rent tous ensamble en la chappelle, et l? ouyrent la messe moult devotement, et puys vindrent en la prarie, et l? de rechief commen?a la feste qui fut moult grande. Or vous en laisserons ? parler, et dirons en avant de la contesse et des autres grans dames qui atourn?rent Melusine et la men?rent moult richement appareill?e en la chappelle; et l? ouyrent la messe, et fut l'offrande grande et riche; et aprez ce que le service divin fut fait, se retrairent au pavillon. Que vous feroie ores long compte, la feste fut grande et noble, et dura par l'espace de quinze jours entiers, et donna Melusine de moult grans dons et joyaulx aux dames et damoiselles, aux chevaliers et escuiers; et aprez la feste prindrent congi? le conte et la contesse et toute la baronnie, pour eulx en aler. Et lors convoia Melusine la contesse et sa fille jusques oultre la villette de Colombiers; et au departement donna Melusine ? la contesse ung si riche fermail d'or que ce fut sans nombre, et ? sa fille ung chappeau de perles ? saphiers, gros rubis, diamans, et aultres pierres precieuses; et tous ceulx qui veoient le fermail et le chappeau s'esmerveilloient de la beault?, bont? et valleur d'iceulx. Et sachiez que Melusine donna tant aux grans et aux petis, que nul ne fut en la feste qui ne se louast des grans dons que Melusine leur donna, et s'esmerveilloient tous dont tant de biens povoient venir; et disoient trestous que Raimondin estoit moult grandement, puissamment et vaillamment mari?. Et aprez toutes ces choses, Melusine prinst congi? honnourablement du conte et de la contesse et de toute la baronnie, et s'en retourna en son pavillon en moult noble et belle compaignie; et Raimondin convoia tousjours le conte, et en chevauchant leur chemin le conte luy dist en ceste mani?re: Beau cousin, dictes moy, se faire se peut bonnement, de quel lignage est vostre femme; combien que quant le chevalier vint ? nous de par elle pour nous logier, il nous mercia de l'onneur que nous vous venions faire, de par ma damoiselle Melusine d'Albanie, et je le vous demande aussi pour ce que nous en s?aurions voulentiers la verit?, car ? tant que nous povons appercevoir de son estat et maintieng, il convient qu'elle soit saillie de moult noble et puissant lieu; et la cause qui nous meut de le voulentiers s?avoir est pour ce que nous n'aions point mespris de luy faire l'onneur qui lui appartient. Par ma foy, monseigneur, dist le conte de Foretz, tout ainsi estoit ma voulent?.

L'istoire nous dist que adonc Raimondin fut moult courouc? au cuer quant il ouyt la requeste que le conte de Poeitiers, son seigneur, luy faisoit, et pareillement le conte de Foretz, son fr?re; car il amoit, doubtoit et prisoit sa dame tant qu'il haioit toutes choses qu'il pensoit qui luy deussent desplaire; non pourtant il luy respondit moult froidement: Par ma foy, monseigneur, et vous mon fr?re, plaise vous s?avoir que par raison naturelle ? qui que je cellasse mon secret, ? vous deux je ne le debveroie pas celler, voire se c'estoit chose que je le peusse dire, et aussi que je le sceusse; et pour ce je vous responderay ? ce que vous m'avez demand? selon ce que je puys s?avoir. Sachi?s que je ne demand? ne enquis oncques tant que vous m'avez demand? et j? enquest?; mais tant vous en s?ay bien dire qu'elle est fille de roy puissant et hault terrien; et par l'estat, gouvernement et maintieng que vous avez veu en elle, vous povez bien assez appercepvoir qu'elle n'est ne a est? nourie en mendicit? ne en rudesse, mais en superfluit? d'onneur et largesse de tous biens; et vous requiers comme ? messeigneurs et amis que plus n'en enquerez, car aultre chose ne povez vous s?avoir de moy; et telle qu'elle est elle me plaist bien, et en suys trescontent, et congnois bien que c'est le sourion de tous mes biens terriens pr?sens et advenir, et aussi crois-je certainement que c'est la voie premi?re de tous mes biens et le saulvement de moy. Adonc, respondist le conte de Poeitiers, par ma foy, beau cousin, de ma part je ne vous en pense plus ? enquester, car comme vous avez saigement mis en termes de haultes honneurs, richesses et maintieng de ma cousine, vostre femme, nous devons de nous mesmes concepvoir qu'elle est de noble extraction, et de trespuissant et hault lieu. Par ma foy, monseigneur, dist le conte de Foretz, vous dictes vray; quant est de ma part je ne l'en pense jamais ? enquester, j? soit ce qu'il est mon fr?re, car je l'en tien tresbien asseur? selon mon advis. Las! depuys il luy faillit de convenant, dont Raimondin emperdist la dame, et le conte de Forestz emprist depuys, pour ce, mort par Geuffroy au grant dent, dont on vous parlera cy apr?s plus ? plain en l'istoire, mais quant pour cause de briefvet?. Raimondin prist congi? du conte et de son fr?re et des barons, et s'en retourna ? la fontaine de Soif; et aussi le conte de Forestz prist congi? du conte de Poetiers, de sa m?re, de sa seur, et de tous les barons moult honnourablement, et s'en alla en sa cont? et les mercia moult de l'onneur qu'ilz lui avoient fait aux nopces de Raimondin son fr?re. Et pourtant le conte de Poeitiers, sa m?re et sa seur, et ceux de son hostel retourn?rent ? Poetiers, et chascun des aultres barons s'en alla en sa contr?e. Mais il n'y eut celluy qui ne pensast aux merveilles et richesses qu'ilz avoient veu aux nopces, et aux trenchis et au ruissel qui si souldainement leur estoit apparu estre fait; et disoient bien tous ceulx d'un commun d'illec environ, que d'aultres plus grans merveilles y adviendroient et apparroient. Et ? tant se taist l'istoire ? parler d'eulx et commence ? parler de Raimondin et de sa dame comme ilz furent aprez la departie de la feste.

L'istoire nous racompte que quant Raimondin fut retourn? devers la dame, qu'il trouva la feste encore plus grande que devant, et y avoit plus de nobles gens qu'il y eut devant. Toutes lesquelles gens lui vont dire ? haulte voix: Monseigneur, vous soiez le bien venu comme celluy ? qui nous sommes et ? qui nous voulons ob?ir; et ce disdrent aussi bien les dames que les seigneurs; et adoncques Raimondin leur respondit: grans mercis de l'onneur que vous me offrez. Et ? tant est venue Melusine qui moult honnourablement le bienveigna et le traist ? part, et luy recorda mot ? mot toutes les parolles qui avoient est? entre le conte et luy, et entre luy et le conte de Forest; et luy dist la dame: Raimondin, tant que vous tiendrez ceste voie tous les biens vous habonderont; beau amy, je donneray demain congi? ? la plus grant partie de nos gens qui cy sont venus ? nostre feste; car il nous fauldra ordonner aultre chose, Dieu devant, que vous ferez bien prouchainement; et Raimondin respondist ainsi: dame, comme il vous plaira. Et quant vint le lendemain au matin, Melusine departist ses gens, et en y eut grant quantit? qui s'en all?rent, et ceulx qui luy pleurent demour?rent. Et ? tant se taist l'istoire ? parler des choses dessusdictes, et commence ? traicter et ? parler comment la dame commen?a ? fonder la fortresse de Lusignen, de quoy j'ay dessus parl?.

En ceste partie nous dist l'istoire que quant la feste fut departie de ses gens, que tantost aprez elle fist venir grant foison d'ouvriers et de pionniers, et fist tantost trencher et desracinier les grans arbres, et fist faire la roche toute nette par dessus, et le parfont trenchis, ainsi qu'elle avoit fait ordonner par avant, et ainsi que le cuir du cerf avoit environn?; et puys fist venir grant foison de massons et tailleurs de pierre, et aprez fist commencer sur la vive roche nette et bastir le fondament tel et si fort que c'estoit merveilles ? veoir; et faisoient les ouvriers dessusdis tant d'ouvraige et si soudainement, que tous ceulx qui par l? passoient en estoient tous esbahis; et les paioit merveilleusement tous les samedis sans nulle faute, tellement qu'elle leur donnoit ung denier de reste, et trouvoient pain, vin et char, et toutes aultres choses qui leur faisoient besoing, ? grant habondance. Et est vray que personne ne s?avoit dont ces ouvriers estoient. Et sachiez que en brief temps fut la fortresse faicte, non pas une tant seullement, mais deux fortes places avant que on puisse venir ne aller au donjon; et sont toutes les trois places environn?es de fortes tours machicoll?es et les voul?es des tours tourn?es et aguies, et les murs haultz et bien carnelez; et en y a ? trois pares de brayes bien haultes et puissans; et y a pluiseurs tours ?s dictes braies, et poternes fortes ? merveilles, et au lez, vers le hault bois au dessus de la prarie, est la roche si haulte et si droite qu'en elle nulle creature pourroit habiter. Et avec tout ce il y a fortes braies entaill?es de mesmes la roche. Or est vray que la fortresse est grande et forte ? merveilles. Et sachiez que le conte de Poetiers et tous les barons et mesmes les gens du pays furent tous esbahis comment si grant ouvraige povoit ainsi estre fait et en si peu de temps; et adonc la dame se logea dedens la fortresse, et Raimondin fist crier une grande feste qui fut moult noble; et y furent le conte de Poetiers, sa m?re, sa seur, les barons du pays, le conte de Forestz, et pluiseurs aultres nobles du pays et de pluiseurs nations; et aussi y furent tant de dames et damoiselles qu'il devoit bien souffire pour la journ?e. Et ? la feste fut bien joust? et bien danc?, et men?rent moult joyeuse vie, et moult amoureusement furent assamblez. Et quant Melusine vit son bon point, si a dit aux deux contes et aux barons moult humblement en ceste mani?re: Mes beaulx et bons seigneurs, nous vous remercions de la haulte honneur que vous nous avez faicte, et la cause pour quoy nous vous avons pri? de y venir je vous la declareray ? present.

Seigneurs, dist la dame, je vous ay icy assamblez pour avoir vostre conseil comment ceste fortresse sera appell?e, pour quoy il soit memoire ? jamais comment elle a est? fond?e adventureusement. Par ma foy, dist le conte de Poetiers, belle niepce, et nous vous disons tant en g?n?ral et voulons que vous mesmes luy donnez le nom qu'elle aura; car il n'y a pas en tous nous assemblez autant de saigesse qu'il y a en vous seullement; et sachiez que nul de nous ne se meslera de ce faire; vous en avez tant fait que d'avoir achev? si tresbelle place que ceste est devant vous. Chier sire, dist Melusine, vous avez tout ? pensement gard? ceste response pour moy rigoler; mais quoy qu'il en soit, je vous requiers que m'en vueillez dire vostre entention. Par ma foy, dist le conte, ma niepce, nul de nous ne s'en meslera j? par dessus vous, car, par raison puys que vous en avez tant fait que d'avoir achev? si tresbelle place que ceste est quant ? present la plus belle et la plus forte que j'ai point en nul lieu veue, vous mesmes, sans aultre, lui devez donner le nom ? vostre gr?. Ha, ha, monseigneur, dist Melusine, puys qu'il n'en peut aultrement estre, et que je voy qu'il est ? vostre plaisir que je luy mette son propre nom, or doncques, puys qu'il vous plaist, elle a nom Lusignen. Par ma foy, dist le conte, ce nom lui affiert bien pour deux causes: car tout premierement vous estes nomm?e Melusine d'Albanie, en langaige gregoys vault autant ? dire comme chose qui ne fault; et Melusine vault autant ? dire comme chose de merveilles, ou merveilleuse chose; et aussi ceste place est fond?e merveilleusement, car je ne crois mie autrement que jamais, tant que elle sera, que on y trouve tous temps aucunes choses merveilleuses. Adonc respondirent tous d'ung assentiment en ceste mani?re: Monseigneur, on ne luy pourroit donner nom qui luy mieulx advenit selon l'estre du lieu, et aussi selon l'interpretation que vous avez faicte du nom propre. Et en ceste propre oppinion et parolle furent tous d'ung accord, et fut le nom si publi? en peu de temps, qu'il fut sceu par tout le pays; et fut ainsi nomm? et a tousjours est? jusques ? maintenant, et jusques au jour du jugement ne perdera j? son nom. Et assez tost prindrent tous congi?, et leur donna Melusine et Raimondin assez de riches dons; et ainsi se departist la feste tresamoureusement, et du surplus se deporte de parler d'eulx, et retourne ? parler de Melusine et Raimondin, comme depuys ilz se gouvern?rent et tressaigement, puissamment et honnourablement.

Aprez ce que la feste fut departie, Melusine, qui moult estoit ensaincte, porta son fruit jusques au terme de l'enfanter; et quant vint le temps, au plaisir de Dieu elle se delivra d'ung enfant masle qui fut en tous estas bien form?, except? qu'il eut le visaige court et large ? travers, et si avoit ung oeil rouge et l'aultre pers. Il fut baptis?, et eut nom Urian. Et sachiez qu'il avoit les plus grans oreilles qui oncques furent veues ? enfant; et quant il fut parcreu, elles estoient aussi grandes comme les mamilles d'ung van. Adoncques Melusine appella Raimondin, et luy dist en ceste maniere: Mon tresdoulx compaignon et amy, je ne vueil pas que tu laisse perdre l'eritage qui te appartient, et qui de fait te est advenu par la mort de tes predecesseurs qui sont mors en Bretaigne: car Guerende et Penicense doibvent estre ? vous et ? vostre fr?re, et toutes celles places et marches de pays. Allez-y, et sommez le roy des Bretons comme il vous re?oipve en droit, et luy dictes que vostre p?re avoit occis son nepveu en gardant sa vie, et pour la doubte dudit roy qu'il n'avoit oncques mais os? se tenir au pays, mais s'en estoit estrang?. Et se il ne vous veult recepvoir ne tenir en droit, ne vous en esbahissez j? pour ce, car aprez il sera tout joyeulx quant il le vous pourra faire. Adonc respondit Raimondin: il n'est chose que vous me commandez que je ne face ? mon povoir car je vois bien et consid?re que toutes vos oeuvres ne tendent que ? honneur et ? bien. Amy, dist la dame, c'est bien raison, puis que vous fiez du tout en moy, que je vous tienne verit?. Il est vray que vostre p?re, de par ses antecesseurs, doibt avoir moult grans choses en Bretaigne, lesquelles choses vous seront declar?es quant vous serez au pays. Or doncques vous vous en irez d'icy tout droit ? un beau fort que on appelle Quemegnigant, et y trouverez ung ancien chevalier qui fut fr?re de vostre p?re, et l'appelloit-on Alain, et vostre p?re eut nom Henry de Leon; lequel fut en sa jeunesse moult aspre homme et de chaude colle. Et sachiez qu'il ne doubtoit ne craignoit chose que personne entreprist contre luy, car il estoit moult plain du feu de jeunesse et de hardiesse qu'il ne vouloit homme doubter ne cr?mir en regardant honneur. Si advint, pour ce qu'il estoit si abille, le roy des Bretons l'aima moult et le fist son senechal; et est vray que ce roy avoit ung nepveu, lequel avoit, par l'introduction d'aulcuns, envie sur Henry vostre p?re, et grand indignation, car ilz luy firent accroire que le roy son oncle faisoit son heritier de Henry vostre p?re, et disdrent au nepveu du roy en ceste mani?re: Ha, ha, droit heritier de Bretaigne, boute et gallesse, or estes-vous bien ru? jus et debout? de la noble contr?e de Bretaigne; certes, se vous la vous laissez oster par lachet? de vostre cueur, tout le monde vous echervira et dira: Voiez l? le fol qui par sa faintise de cueur s'est laiss? dechasser de si noble pays et region comme le royaulme de Bretaigne. Et quant il entendist les mots d'iceulx envieux, il respondist: Et comment, dist-il, qui est celluy qui me pourroit faire tort? Sans ce que Dieu me voulsist nuire, il n'y a homme au monde que je craigne qui m'en puisse debouter dehors: car je s?ay bien de verit? que monseigneur le roy mon oncle n'a talent de faire ne d'avoir aultre heritier que moy. Par ma foy, va dire l'ung d'eulx, vous estes mal inform? de ceste besongne, car vostre oncle a fait son heritier de Henry de Leon, et en sont les lettres pass?es. Quand le damoiseau, qui estoit filz de la seur au roy des Bretons, oyt ces motz, il fut trop doulent, et leur respondist ainsi: Sachiez de certain que se je s?avoie que ces parolles fussent veritables, que je y metteroie bien rem?de si hastivement que jamais il ne tiendroit terre ne possession. Adonc luy respondist ung chevalier nomm? Josselin du Pont: Par ma foy, dist-il, il est ainsi. Et pour ce que nous ne vouldrions avoir aultre que vous en Bretaigne aprez le trespas du roy, pourtant vous en advisons-nous; car ceste chose a fait le roy vostre oncle tout secretement, affin que ne le puissiez savoir; et sachiez que nous qui cy sommes y fusmes presens avecques pluiseurs aultres. Or demandez ? mes compaignons se je dis vray. Et il leur demanda; et ilz luy disdrent d'une commune voulent? ? haulte voix: Et en verit?, monseigneur, il vous a dit la pure verit?. Or verra-on que vous en ferez.

Par foy, dist le jouvencel, beaulx seigneurs, cy a trop grand mesprison, et plus de la part de mon oncle que de la part de Henri de Leon; combien qu'il en sera tresbien pai?. Allez-vous en ? vostre affaire; car sachez que j'en feray grant diligence, telle qu'il ne me ostera pas mon heritaige. Et ilz prennent congi?, et s'en vont tous joyeux; car ilz avoient si grant envie sur Henry vostre p?re, pour ce que le roy l'amoit, croyoit et usoit en pluiseurs choses de son conseil; car il ne leur chailloit ? quelle perte il deut tourner, mais que ilz le peussent faire destruire. Et sachiez que lendemain au matin le nepveu du roy s'arma et agueta vostre p?re en ung petit bois, qui ne pensoit riens de tout ce, car ainsi comme vostre p?re s'en alloit ? son esbatement dessoubz Leon, le nepveu du roy lui escria ? mort disant: Faulx triste, me veulx-tu tollir mon heritage? et, en ce disant, traist l'esp?e et cuida f?rir vostre p?re d'estoc parmy le corps; mais il tressaillit, et au passer que le nepveu du roy fist, vostre p?re luy osta l'esp?e de la main; et va traire ung petit coustel agu dont de rechief il le cuida f?rir; et vostre p?re despassa et luy donna du pommeau de l'esp?e qu'il luy avoit tollue si grant coup en la temple, ? ce que la coeffe de fer qu'il avoit affoull?e n'estoit pas si forte que on pourroit bien dire, qu'il le rua contre terre tout mort; mais quant il advisa et congneut que c'estoit, il en fut moult doulent et s'en vint ? l'ostel et prinst toute sa finance, et vint en la cont? que on appelle maintenant Foretz, et trouva moult grand aide et confort en une dame qu'il trouva, de laquelle je me tais de plus en avant parler quant ? pr?sent, et aprez sa departie d'elle, qui si bien luy aida ? son premier gouvernement, ? faire les fortresse et fonder les villes et habitations, et peupler le pays, il prinst ? mariage la seur de celluy qui pour lors gouvernoit la cont? de Poetou, et d'elle eut plusieurs enfans desquieulx vous estes l'ung.

Amy, dist Melusine, or vous ay devis? comment vostre p?re se partist dont il estoit, et laissa tous les heritaiges vacans qui doibvent estre vostres, lesquelles je ne vous prise pas en les laissant perdre; et sachiez bien que encores vit Josselin du Pont de Leon, et a ung filz qui gouverne ? pr?sent toute la terre de Leon, qui doit estre vostre. Or doncques, vous vous en irez devers vostre oncle Alain de Quemegnigant, et vous ferez congnoistre ? luy, et il vous croira assez bien de tout ce que vous luy direz. Et sachiez qu'il a deux vaillans, riches et saiges filz chevaliers qui sont vos cousins germains, lesquieux le roy des Bretons aime moult; et par l'ung de ces deux bons fr?res, appelez Josselin du pont de Leon par devant le roy, et luy mettez sus de faict comment il fist la tra?son de quoy le nepveu du roy vint courir sus ? votre p?re; et sachi?s qu'il a un filz appel? Olivier du Pont de Leon, qui vous en combatra; mais en assez brief temps vous le desconfirez, et seront le p?re et le fils condemnez ? estre pendus, et congnoistra le p?re toute la tra?son, et vous sera ajug? avoir vostre terre, et serez mis en bonne, vraye et pacifique possession par les pers du pays. Or, mon tresdoulx amy et compaignon, allez vous-en hardiement, et ne doubtez ne craignez riens, car certainement Dieu vous aidera en tous vos affaires qui seront vrayes et justes.

A ce mot Raimondin respondit: Ma dame, je feray mon devoir de achever votre commandement. Adonc Raimondin prinst congi? de Melusine, et s'en partist ? moult belle compaignie de chevaliers et escuiers, jusques bien au nombre de deux cens gentilz hommes, et n'y all?rent pas si degarnis que chascun n'eust la coste d'acier, le pan, la pi?ce, et les harnoys de jambes; et les pages portoient les lances et les bassines; et tant vont ensamble chevauchant qu'ilz vindrent en brute Bretaigne; et moult s'esbahissoit le peuple que celles gens queraient en leurs pays; mais de ce qu'ilz paioient bien et largement les asseuroit qu'ilz ne vouloient et ne queroient que bien; car l'ancien chevalier, qui estoit de la maisn?e de Melusine, gouvernoit tout le fait de Raimondin. Et toutesfois le roy de Bretaigne sceut que celles gens alloient armez en son pays, et ne s?avoit que penser, car il ne se doubtoit de nulluy. Adoncques il envoia tantost deux chevaliers de grant affaire devers Raimondin s?avoir que il queroit en allant ainsi parmy son pays de Bretaigne tout arm?, en lui demandant s'il vouloit point de mal au roy ne ? son pays; adonc ceulx vindrent par devers ledit Raimondin et luy enquirent moult sagement qu'il queroit, et que le roy de Bretaigne s'en esmerveilloit. Adoncques respondist Raimondin humblement ainsi: Beaulx seigneurs, vous direz au roy que je ne viens fors que pour bien, et pour avoir droit en sa court de ce que je demanderay, selon la raison que le roy et son conseil verront que je auray et qu'il leur semblera bien ? faire; car assez briefment je m'en iray par devers luy en sa court, et me complainderay devant sa majest? selon le droit que j'ay. Par foy, disdrent ceux, et vous soyez le tresbien venu, puisque vous y venez pour icelle chose; et sachiez bien que le roy vous fera droit et raison; mais dictes-nous, s'il vous plaist, o? vous voulez aller d'icy. Par ma foy, dit Raimondin, je vouldroie estre ? Quemegnigant. Adonc, dist l'un d'eulx, vous estes bien au chemin; il n'y a pas d'icy plus de cinc lieues; et sachi?s que vous y trouverez Alain de Leon, qui vous fera tresbonne chi?re; et y trouverez aussi deux chevaliers qui sont honnourables gens de bien et d'onneur; et tenez tout ce chemin, et vous ne pourrez faillir; et nous allons ? vostre congi?. Beaulx seigneurs, dist Raimondin, allez ? la garde de Dieu qui vous conduise seurement, et me veuillez treshumblement recommander au roy.

Quant les deux chevaliers furent eslongez d'une lieue de Raimondin, si vont dire l'ung ? l'aultre: Par foy, vel? moult honnourables gens; pour certain ilz ne viennent mie en ce pays sans grant affaire. Et adoncques vont dire entre eulx: Allons nous-en par Quemegnigant, et racompterons leur venue ? Alain. Par ma foy, dit l'aultre, ce ne sera que bien fait; et ? tant tindrent leur chemin ensemble jusques audit Quemegnigant, o? ilz trouv?rent Alain, auquel ils disdrent et annonci?rent la venue de Raimondin et de ses gens, qui s'en donna grant merveilles. Adoncques appela le preudomme ses deux filz chevaliers, dont l'aisn? a nom Alain et le plus jeune Henry, et leur dist en ceste mani?re: Mes enfans, montez ? chevau et allez au devant de ces estrangiers, et les recepvez honnourablement, et les faictes tresbien loger; car on m'a dit qu'ilz sont bien de six ? sept cens chevaux; mais pour neant en parle, car l'ancien chevalier de Melusine estoit j? venu devant, et avoit advis? qu'ilz ne pourroient pas bien tous estre logez dedens la ville, et avoit fait tendre grant foison de tentes et pavillons, et avoit envoi? environ le pays querir vivres; et payoit si largement que on lui admenoit assez plus de vivres que ne luy en failloit. Et adonc Alain fut tout esbahi quant on lui compta le grant avoir et le grant appareil que ces gens faisoient, et ne s?avoit que penser.

Or dist l'istoire que tant chevauch?rent les deux fr?res ensemble qu'ils encontr?rent Raimondin et le bienveign?rent moult courtoisement, et le pri?rent, de par Alain leur p?re, ? venir loger au fort, et qu'il auroit moult bonne chi?re. Beaulx seigneurs, dist Raimondin, grans mercis ? vostre p?re et ? vous de la grant courtoisie que vous offrez, mais ? vostre requeste je iray par devers vostre p?re pour luy faire la reverence, et aulcuns de mes plus privez gens avecques moy; car j'ay bien grant voulent? de le veoir pour le bien que j'en ay ouy dire. En disant ces parolles et aultres, chevauch?rent ensemble tant que ilz vindrent prez de la ville. Adonc vint l'ancien chevalier, qui dist ? Raimondin: Sire, j'ay fait tendre vostre pavillon et pluiseurs tentes pour loger vous et vos gens, et sommes tresbien pourveus, Dieu mercy. Vous avez tresbien fait, dist Raimondin. Or pensez bien de nos gens et ne m'attendez huy mais, car je m'en vois au fort avecques ces deux gentilz hommes. Et ? tant se part de l'ancien chevalier et vint au fort; et le sire de leans, qui s?avoit bien sa venue, s'estoit fait admener ? l'entr?e de la porte, et quant Raimondin le vit, il congneut tantost que c'estoit le seigneur de leans, et adonc le salua moult humblement. Que vous feroie ores longues parolles de leur accointance, fors que du fait de quoy doibz parler? Or doncques disons quant ilz eurent soupp?, lav? et graces dictes, le sire de leans prinst Raimondin par la main, et le mena asseoir sur une couge pour deviser entre eulx tant que les derniers soupp?rent; et ses deux filz faisoient le plus d'onneur qu'ilz pouvoient ne s?avoient ? ceulx qui estoient venus avecques Raimondin. Et lors le seigneur de leans, qui estoit moult subtil homme, et s?avoit de bien et d'onneur, mist Raimondin en parolles pluiseurs, et luy dist moult honnourablement: Sire chevalier, j'ay moult grant joye de vostre venue, car certainement vous ressamblez assez ung mien fr?re qui fut moult vitte et appert, et se partist de ce pays il y a bien quarante ans pour une noise qu'il eut encontre le nepveu du roy qui lors regnoit en ce pays; et sachi?s que veez cy le quart roy qui regne depuis celluy temps dont je vous parle; et pourtant qu'il me samble proprement que retrai?s ? mon fr?re de semblant, je vous en vois plus voulentiers. Sire, va adonc dire Raimondin, tresgrans mercis, car je croy, avant que je me departe d'avec vous, que je vous feray tout certain pour quelle cause celluy inconvenient advint entre vostre fr?re et le nepveu du roy, et ne suys venu cy pour aultre chose que pour en monstrer publiquement la pure verit?.

Quant Alain ouyt ces parolles, il fut moult esbahi, et prist moult fort ? regarder Raimondin et moult asprement. Et quant il l'eut moult fort regard? si luy dist: Et comment se pourra ce faire? vous n'avez pas encores l'aage de XXX ans; de vous me ferez acointe de ce fait que nul ne peut oncques s?avoir veritablement; car quant le coup du meffait fut advenu ? mon fr?re, il s'en partist si souldainement que moy ne aultre n'en ouysmes oncques puys aultres nouvelles; et si a ja XL ans au plus prez. Sire, dist Raimondin, dictes moy, s'il vous plaist, vit-il nul homme en ces marches que, pour le temps que vostre fr?re regnoit en ce pays, fut a la court en auctorit?? Par ma foy, dist Alain, si fait, mais il n'y en a que ung, et celluy mesmes tient l'eritaige de mon fr?re; car le roy luy en donna la fraiture a ung filz qu'il a, qui est comme est mon filz aisn?, qui est chevalier. Par ma foy, dist Raimondin, je s?ay bien comment il a nom. Et comment le s?avez tous, dist Alain? Par ma foy, dist Raimondin, sire, il est nomm? Josselin du Pont de Leon, et son filz est nomm? Olivier. Sire chevalier, dist Alain, c'est verit?; mais or dictes comment vous povez ce savoir. Sire, vous n'en s?aurez plus de moy, dist Raimondin, quant ? present. Aprez, s'il vous plaist, vous viendrez acompaignier, vous et vos enfans, ? la court du roy. Et sachiez que je vous declareray la querelle si clerement que vous en serez tout joyeulx, se vous amastes oncques vostre fr?re Henry de Leon. Et quant Alain l'entendist, il fut plus esbahy que devant, car il ne cuidoit pas que son fr?re ne fut mort, si grant temps avoit que nul n'en eut memoire; et adoncq pensa moult longuement sans mot respondre.

Ainsi comme vous ay dit pensa moult longuement Alain, et puis il respondit: Sire chevalier, je vous accorde vostre requeste, puis que icy je ne puis s?avoir vostre voulent?; car j'en ay grant desir. Je vous compaigneray voulentiers ? aller ? la court du roy. Par ma foy, dist Raimondin, grans mercis, et je vous en garderay bien de dommaige. Que vous feroie ores long compte? Alain manda grant foison de ses amis, et se mirent en grant estat pour aller ? la court, et partirent ? ung merdi devant la Pentecoste. Le roy, qui sceut leur venue, partist de Stoirrion o? il estoit, et s'en vint ? Nantes; car les deux chevaliers qu'il avoit envoi? devers Raimondin estoient retournez, et avoient compt? au roy la responce de Raimondin, et le grant estat o? il venoit; et pour ce le roy c'estoit retrait ? Nantes, et manda une partie de la baronnie, pour ce qu'il ne vouloit pas que Raimondin le trouvast despourveu de gens; et entre les aultres, il manda Josselin du Pont de Leon, pour avoir son conseil sur la demande que Raimondin luy feroit, car il estoit moult saige. Que vous diroie plus? l'ancien chevalier vint ? tout le sommaige, et fist tendre tentes et pavillons, et appareiller moult richement; et sachiez que tous ceulx de la ville s'esbahissoient des grans pourveances que faisoient ces gens. Adoncques vindrent Raimondin, Alain et ses deux filz, et descendirent au maistre pavillon, et se abill?rent moult richement pour aller devers le roy et luy faire la reverence, et partirent des tentes a bien XL chevaliers si noblement montez et parez, que c'estoit grant merveilles; et avoit sa baronnie avec luy. A tant sont venus Raimondin et Alain, son oncle, ses deux filz et leurs gens; et quant ilz entr?rent en la salle, toute la salle estoit emplie de noblesse, et vindrent Raimondin, Alain et ses deux enfans faire la reverence au roy, et puys les autres en suyvant, et les receupt le roy moult joyeusement. Adoncques il appella Alain, et luy dist tout en ceste maniere:

Alain, je me donne grant merveilles de ce chevalier estrange de quoy vous estes ainsi acoinct?, ne qu'il quiert en ce pays. Ha, ha, sire, dist Alain, je suis plus esmerveill? des parolles qu'il m'a dictes, cent fois que vous n'estes de sa venue; mais assez tost serons esclerez de ce que nous desirons assavoir. Et lors traist avant, Raimondin, l'aisn? filz Alain, et luy dist: Sire chevalier, dictes-moy, par vostre courtoisie, se ung que on appelle Josselin du Pont de Leon est point en la compaignie du roy; et lors luy dist Alain que ouy. Pleut ores ? Dieu, dist Alain, que le roy ne s'en deut pas couroucer, et je l'eusse occis, car il tient l'eritaige qui fut ? ung mien oncle, que nous deussions avoir. Et aprez ces parolles dist Alain ? Raimondin: Voiez-le l? celluy ancien qui est au plus prez du roy, et sachi?s pour vray que c'est le plus plain de mauvais malice qui soit en dix royaulmes; et si veez l? Olivier son filz, qui ne poise pas mains une once. Par ma foy, sire chevalier, dist Raimondin, vous en serez tantost veng?, se dieu plaist. Et ? tant en laisse le parler, et s'en vint devant le roy en disant telles parolles: Ha, hault sire et puissant roy, dist Raimondin, il est bien verit? que commune renomm?e court par tous pays que vostre court est si noble et si raisonnable qu'elle est droite fontaine de justice et de raison, et que nul ne vient ? vostre court ? qui vous ne facez bonne justice et raisonnable, selon le bon droit qu'il a. Par foy, sire chevalier, dist le roy, c'est vray; mais pour quoy le dictes-vous? car je le vouldroie bien s?avoir. Par ma foy, sire, dist Raimondin, pour le vous faire ? s?avoir je suys icy venu; mais, sire, se il vous plaist, devant que je vous die, vous me promettrez que vous me ferez toute raison et tendrez en droit; car ce que je diray est en partie pour vostre bien, prouffit et honneur; car roy qui est accompaign? de triste n'est pas bien log? ne bien asseur?. Par ma foy, dist le roy, il est vray; dictes hardiement, car je vous jure par tant que je tiens de Dieu que je vous feray toute raison et justice, selon le bon droit que vous aurez; et ce vous feray-je plainement, et fut maintenant contre mon fr?re. Sire, dist Raimondin, cent mille mercis, car vous dictes comme vaillant roy et preudomme; et pour ce fut le roy estably premierement pour tenir justice et verit?.

Noble et puissant roy, dist Raimondin, il est bien verit? que ung vostre predecesseur roy regna moult puissamment et vaillamment; ce fut au temps que Josselin du Pont estoit jeune, et aussi estoit Alain de Quemegnigant, qui sont cy presens de vostre face. Or avoit le roy que je vous dis ung moult beau et noble jouvenceau de nepveu. Et pour lors avoit ung baron en ce pays, appell? Henry de Leon, qui fut fr?re Alain qui cy est. Par ma foy, sire, dist Josselin, c'est verit?; et oultre plus, celluy Henry de Leon occist le nepveu du roy vostre predecesseur en tra?son, et s'enfouyt hors du pays, et oncques puis n'en ouyt-on aulcunes nouvelles; et lors le roy me donna toute sa terre qu'il avoit fourfaicte. Et adoncques le roy respondist: Nous avons assez ouy de ces mat?res; mais laissez ce chevalier parfaire sa raison qu'il avoit commenc?e.

Et ad ce respondist Raimondin: Sire roy, il a bien raison de en parler, car plus avant luy en conviendra dire, combien que j? il a failly ? dire verit? de ce qu'il dit que Henry de Leon occist le nepveu du roy en tra?son, car il sceut bien la querelle pour quoy ce fut, et n'est plus homme vivant qui veritablement sache le cas que luy, car ceulx de son accord sont tous mors; et dictes luy que il en die la plaine verit? tout hault, sire, se il vous plaist. Et adonc quant Josselin entendit ce mot, il fut moult esbahi; et non pourtant il respondit en ceste mani?re: Sire chevalier, estes-vous venu en ce pays pour advenir sur moy? Et Raimondin luy respond appertement: Par foy, faulx triste, il ne devine pas qui dist la plaine verit?. Lors dist de rechief au roy: Sire, il est bien verit? que Henry de Leon fut moult hardi chevalier, courtois et bien morigin?, et l'amoient moult le roy et son nepveu, et usoit moult le roy par son conseil; or estoit Henry de Leon celluy en qui il se fioit le plus. Or advint que pluiseurs tristes qui lors estoient en la court du roy, de quoy Josselin, qui cy est, estoit l'ung, fut le droit chief du meschief que pour lors ilz firent; car ils vindrent au nepveu du roy et luy disdrent en ceste maniere: Damoiseau, nous qui sommes icy sommes tous couroucez de vostre grant dommaige et honteuse perte, quant vous serez desherit? de si noble pays comme est le bon pays de Bretaigne. Et il leur respondit: Comment se pourroit-ce faire? Le roy n'a plus aultre heritier que moy. En mon Dieu, dist Josselin que veez l?, sachi?s qu'il a fait son heritier de Henry de Leon; et je croys que il ait enchant? et les barons du pays aussi, car les lettres en sont j? pass?es et seell?es de leurs seaulx avec le grant sel du roy. Et tout ce afferm?rent par foy et par serment estre vray. Par ma foy, dist doncques le damoiseau, icy a moult grant inconvenient, se il est vray ce que vous dictes. Et Josselin et les aultres qui estoient de son accord luy jur?rent de rechief que il estoit vray et certain; de quoy il commen?a ? estre moult doulent. Et quant Josselin vit que il pensoit bien acertes, si luy va dire en ceste mani?re: Se vous avez en vous tant de hardiesse que vous vous osez venger du tort que on vous fait, nous y aiderons tous. Et lors leur dist qu'il en avoit bien le cueur et la voulent?. Lors dist Josselin: Or vous allez donc armer et vous mettez en tel estat que on ne vous puisse congnoistre, et nous vous attendrons au dehors de la ville, et vous menerons en tel lieu o? vous vous en pourrez bien venger ? vostre aise. Et il fist ainsi, et retourna par devers eulx pour ce faire. Or, noble et trespuissant roy, je ne quiers plus me celler, puys que je suys en court de droit et de justice, et que je vois mon ennemy devant moy; car je suys filz de Henry de Leon. Adoncques furent tous esbahis de ce mot, mais tous se tais?rent; et lors Raimondin reprint la parolle et dist en ceste mani?re:

Sire roy, mon p?re avoit pris congi? du roy et s'en estoit all? en son pays, et avoit acoustum? qu'il alloit tousjours au matin esbatre au bois qui joinct ? la fortresse, en disant ses heures tout seul. Et ce faulx triste que voyez l? et ses complices admen?rent le nepveu du roy, et se misrent en embuche; et mon p?re, qui ne se donnoit garde, vint ? celle heure. Et quant Josselin l'apperceut, il dist au damoiseau: Or il est temps de vous venger, car il est sans armes ne cousteau; il ne vous peut eschapper; et aussi si nous voions qu'il vous soit besoing d'aide, nous tous vous aiderons. Et adoncques il s'en partist d'eulx espris de mal talent, et s'en vint vers Henri, mon p?re, l'esp?e toute nue tenant par la poign?e, et de l'autre main par le millieu, en luy escriant: A mort, ? mort, faulx triste. Et en ces paroles disant, il cria: Faulx desleal, de rechief, et cuida ferir mon p?re d'estoc parmi le corps; mais de la paour qu'il eut il tressaillit; et celluy qui venoit de grant voulent? ireuse et tant eschauff? de mal talent et de felonnie, comme Dieu le voulut, car en ce n'avoit-il pas cuid?, faillist ? l'assener. Et adoncques mon p?re retourna vers celluy qui ainsi voulut sans cause meurtrir, et luy sault sus, et luy oste l'esp?e des mains par grande force; et il s'en retourne aprez la course du chevau, et tire un petit cousteau, et en ferit mon p?re par la cuisse; mais il lui cuidoit bien avoir bout? parmy le corps. Et adoncques quand mon p?re se sentit f?ru, et le sang degouster par la plaie, mon p?re le ferit du pommeau de l'esp?e en la temple ung tresgrant coup, ? ce qu'il estoit fort et appert chevalier, et la coste estoit faible et mal seure, et le pommeau de l'esp?e estoit moult pesant; et adoncques l'adventure fut telle qu'il le rua ? bas tout mort estendu sur la terre, et ce fist ainsi mon p?re.

Et adoncques quant mon p?re le vit gisir par terre, et qu'il ne se remouvoit point, il luy descouvrit le visaige, et lors il le congneut, et en mena en soy mesmes moult grant dueil, soy desconfortant et pensant qui avoit ce fait faire. Et il considera en soy mesmes que tel affaire ne luy venoit mie tant seullement du nepveu du roy, mais povoit venir d'aultre pour aulcune mauvaise detraction de tra?son; et ainsi aprez le fait il n'osa oncques plus arrester au pays, pour doubte du roy, et se traist o? il avoit finance, et la prist, et s'en alla en tel lieu o? il conquesta du pays assez. Et adoncques Josselin le faulx triste dist ? ses compaignons et complices: Or sommes-nous venus ? chief de nostre intention, car le nepveu du roy est mort, et Henry, se il est tenu, ne peut eschapper sans mort; or ferons-nous du roy ? nostre guise et ? nostre vouloir; ne nous mouvons point tant qu'il soit eslongi?, et puys ferons une bi?re de perches et le couvrirons de ramonceaulx et rames de bois, et le porterons devers le roy en luy disant que Henry de Leon a occis son nepveu en tra?son. Ha, ha, noble roy, ainsi et en la mani?re le fist le faulx triste que voiez l?, et se il dist que non, je presente mon gaige de luy faire congnoistre sa faulcet? et mauvaise gorge de tout ce que j'ay devant dit. Et pour ce, sire roy, que je veulz que chascun congnoisse que je ne fais pas cecy pour avarice, mais pour garder mon droit heritaige, et pour esclargir la vilonnie et mauvaise tra?son que le faulx triste et ses complices firent ? mon p?re pour le chasser d'entour du roy et hors de son pays, je vous prie, vaillant et noble roy, se il vous plaist, qu'il prengne son filz Olivier et ung aultre de ses plus prouchains amis, et je les combateray sans faillir, au regard du noble et juste jugement de vostre court, voire l'ung aprez l'autre. Et en ceste parolle disant, il jetta son gaige, mais il n'y eut qui mot respondist. Et quant Alain et ses enfants eurent ainsi ouy parler Raimondin, tantost ils le coururent baisier et embrasser de joye et de piti? qu'ils eurent quant ilz oyrent ainsi piteusement parler du fait de la tra?son.

Et adonc quant le roy des Bretons apperceut que nul ne respondoit mot ? celle parolle ainsi racompt?e en sa presence, si a dit si hault que chascun le povoit ouyr: Josselin, estes-vous sourt? Or vois-je bien que le proverbe que on dit communement est vray, que viel pechi? fait nouvelle vergogne; car ce chevalier estrange vous apporte par advis de pays une nouvelle moult estrange, et moult merveilleuse medicine de long pais. Advisez-vous de respondre, car il vous en est bien besoing. Adonc Josselin lui respond: Sire roy, je ne suys mie deshoresmais celluy qui doibve respondre ? telles choses, et aussi je croy bien qu'il ne se fait que gaber. Et adoncques respondit Raimondin: Le gaber, faulx triste, desloyal, tournera sur vous. Or vous requiers-je, noble roy, que vous me vueillez tenir droit ? vostre court, et que vous en fac?s bonne justice selon le droit et la raison, soit de moy ou de luy. Lors dist le roy: Ne vous en doubtez, car si feray-je. Josselin, dist le roy, il fault que vous respondez ? ceste querelle. Adonc quant Olivier son filz ouyt ce que le roy disoit ? son p?re, dist et respondist ces parolles: Sire, il a si grant paour qu'il tremble, cest chevalier; je croy qu'il cuide prendre les grues en vollant; par foy, il fauldra bien ? ce qu'il vous a dit, car mon p?re est vray preudomme en tous cas, et je prens bataille ainsi comme il l'a ordonn?, et voyez l? mon gaige; il sera bien fortun? se il me peut desconfire, et ung aultre de mon lignage que je esliray.

Quant le roy ouyt ceste parolle, il fut moult courouc?, et respondit en ceste mani?re: Ce n'aviendra j? en ma court, tant que je vivray, que ung seul chevalier combate deux aultres pour vassal seul, pour une mesmes querelle; et est grant honte ? vous d'avoir pens? si tresgrant lachet? en vostre cueur, et sachiez que vous ne me montrez pas par samblant que votre p?re ait bonne querelle; et d'icy je vous donne journ?e ? la requeste du chevalier, de la bataille, au jour qu'il luy plaira assigner. Par foy, dist Raimondin, il me plaist tout maintenant, car j'ay mon harnois tout prest; et Dieu vous vueille rendre le merite du loyal jugement que vous avez fait. Lors oyssi?s grant murmure de toutes les gens d'environ, car tous disoient: Veez l? le plus vaillant chevalier que nous veissions oncques en requerrant son droit. Mais quoi que en eut douleur Alain de Quemegnigant, eut grant joye Alain et Henry ses filz, lesquieulx disdrent ? Raimondin: Beau cousin, ne vous esbahiss?s de riens du monde; prenez hardiement la bataille pour vous et pour nous deux contre ce faulx triste, car nous adviendrons bien briefvement, au plaisir de Dieu, ? chief. Beaulx seigneurs, dist Raimondin, prengne bataille pour soy qui vouldra, car j'auray ceste en ma part, et ne doubtez point que je n'en vienne ? bon chief, ? l'aide de Dieu, et le bon droit que je y ay. Et me loe du roy et de sa bonne justice, et prie Dieu qu'il l'en vueille meriter en son glorieux paradis.

Endementiers que la murmure estoit entre les gens, et le roy de Bretaigne, qui estoit moult saige et subtil, pour ce que les parties estoient de hault lignage, doubtant que aulcun grant inconvenient n'en peut advenir entre eulx, il envoia souldainement fermer les portes, affin que par icelles nul ne saillist ne entrast, et les fist garder par bons gens d'armes bien armez ? descouvert; et puys traist son conseil ? part, et leur remonstra le fait, et leur racompta au long la querelle; adonc ilz conseill?rent tout ce qui estoit ? faire. Lors retourna le roy en sa salle, et fist-on commandement de par luy, sur paine de la hart, que nul ne fut si hardi de sonner mot; et adoncques dist le roy: Or entendez, beaulx seigneurs; ceste querelle n'est pas petite, car c'est pour la vie ou deshonneur ? tousjours de une partie. Et sachiez que je ne doibz ne ne veulz refuser j? faire droit en ma court. Olivier, dist le roy, voulez-vous deffendre vostre p?re de ceste tra?son? Sire, dist-il, ouy certainement. Adoncq le roy respondit: Les lices sont toutes prestes et appareill?es, et pour ce je vous ordonne ? demain la bataille. Et sachi?s se vous estes desconfy, vous ne vostre p?re ne eschapperez j? que vous ne soiez tous deux pendus; et aussi vostre adverse partie, si le cas luy advenait, n'en auroit j? mains. Delivrez-vous et baillez ostages; et tout le premier vostre p?re demourra; et ? tant le fist mener par quatre chevaliers en une forte et grosse tour. Lors dist ? Raimondin: Sire chevalier, baillez obstages; adonc se met avant Alain son oncle et ses deux filz, et bien jusques ? quinze chevaliers, qui tous disoient ? une voix: Sire, nous le plesgeons. Par foy, dist le roy, il souffit bien; ne vous n'en tendrez j? prison; car je s?ay bien que le chevalier n'eut pas fait ceste entreprise se il ne l'eut voulu achever. Et ainsi se departirent les parties de devant le roy; et Raimondin s'en va avec ses gens et son oncle et ses cousins ? ses pavillons; et le soir alla veiller en la maistresse eglize; et il fut moult grant espace de temps en devotion, et Olivier aussi vint en son hostel ? grant foison de ceulx de son lignage et fist mettre ? point son harnoys et son chevau. Et lendemain au matin oyrent la messe et puys s'en vont armer. Et adonc le roy et les haultz barons furent montez sur haultz eschafaulz environ les lices, et furent les gardes du champ bien establies et ydonement, et les chaieres assises ? droit. Et environ heure de prime vint Raimondin ? noble compaignie en champ, arm? moult doulcement et richement, l'escu au col, la lance sur le faultre, la coste d'armes vestue brod?e d'argent et d'asur, et entra ?s lices mont? sur ung grant destrier liart moult bien arm? jusques ? l'ongle du piet, si comme pour gaige de bataille; et l? fist reverence au roy et ? tous les barons. Par foy, dist chascun, il y a grant temps que nous ne vismes nul plus bel homme en armes, ne de plus belle contenance; celluy n'a pas oeuvre laiss?e qui ? tel homme a ? besongner. Et adoncques descendist Raimondin de dessus le destrier aussi appertement comme se il ne fut point arm?, et se assist en la chaiere en actendant son adversaire. Or est-il vray que grant temps aprez vint Olivier moult tresbien et noblement arm?, mont? sur ung chevau moult riche destrier, et moult bien sembloit homme de grant affaire, et aussi estoit-il. Et si y venoit-il Josselin son p?re devant luy sur ung palefroy gris, et fisrent moult noblement la reverence au roy comme ilz deurent. Moult sembloit ores Josselin moult esbahy, dont pour ce que chascun disoit que il avoit mauvaise cause. Aprez descendist Olivier moult vitement. Que vous feroye ores long compte? Les sainctes evangilles furent apport?es, et jura Raimondin que Josselin avoit mauvaise cause, et que il avoit faicte la tra?son en la forme et mani?re qu'il avoit par avant declar?e, et aprez se agenoilla et baisa les sainctes evangilles, et puys se rassist en sa chaiere; et aprez Josselin jura, mais pour baiser les evangilles il chancela tellement qu'il n'y peut oncques toucher; et aussi Olivier, qui bien s?avoit comme il estoit, jura lachement; et ce fait se rassist en la chaiere, et tantost cria ung herault ? haulte voix, de par le roy, que nul ne fut si hardi qui parlast mot ne fist signe aulcun que nul des champions peut entendre ne appercepvoir, sur peine de la hart. Et lors vuida chascun sa place, fors tant seullement ceulx qui furent commis ? garder le champ et Josselin. Et adoncques monta Raimondin ? chevau moult legierement, et prinst la lance; et d'aultre part monta Olivier moult vistement, et prinst sa lance au fer trenchant. Et adoncques cria ung herault par trois fois: Laissez aller vos chevaux et faictes vostre devoir.

Or dist la vraie histoire que quant le cry fut fait que Raimondin mist le bout de sa lance ? terre et la coucha sur le col du destrier, et fist le signe de la croix par trois fois; et en ce faisant, son ennemy l'apperceut et fiert son chevau des esporons qu'il avoit si ? main comme ? son desir, et baisse la lance, et va f?rir Raimondin amy le pis, avant qu'il s'en donnast garde, moult rudement, car ? ce faire il mist toute sa force. Raimondin n'en ploya oncques l'eschine, et la lance Olivier froissa jusques au poing, et de la force du coup la lance de Raimondin chait ? terre. Ha, ha, triste, dist Raimondin, tu ensuys bien la tresfaulce lign?e dont tu es parti; mais ce ne te peut valoir. Et adonc prent l'estrier qui pendoit ? l'arson de sa selle, lequel avoit trois pointes bien asser?es, chascune de sept poux de long, et au tourner, aprez son coup que Olivier cuida faire, il ferist sur le bassinet, qui fut moult dur et fort tremp?, et le compassist. L'une des pointes coula mal, et entrecouppa le bassinet et la visi?re. Et aussi le coup qui descendit de grant ramen?e avec la force du bras de quoy il fut feru, l'ung des clous de la maisselle se rompist, et Raimondin tire fort ? luy, tellement que la visi?re demoura pendant d'ung cost?, si que il eut le visaige tout descouvert. Et de ce s'esbahist moult Olivier; et neantmoins il traist l'esp?e et fait bien contenance de chevalier qui petitement redoubtoit son ennemy. Et en ce parti se combatirent fermement par grant espace, et se entredonn?rent moult de grans coups; et en la fin Raimondin descendist ? piet et prist sa lance qui gisoit par terre, et vint le grant pas vers son ennemy mortel, lequel, au mieulx qu'il pouvoit, se destournoit de luy, et le faisoit aller aprez luy parmy le champ, car il avoit chevau si bien ? main comme s'il fut ? son desir. Et par telle mani?re cuidoit lasser Raimondin que il le faulsist arrester ou que la journ?e se passast; mais Raimondin s'advise, et vint ? son chevau qui estoit aval le champ, et prinst le destrier ? une main et ? l'aultre main la lance, et s'en vint pas pour pas vers son ennemy. Et quant Olivier le vist venir et apper?oit sa mani?re, si ne sceut comment ne en quelle mani?re Raimondin le vouloit assaillir, et point son chevau en sursault et cuide venir hurter Raimondin emmy le pis comme il avoit fait aultresfois par avant; mais Raimondin lui jetta de rechief l'estrier par grant hayr, et atainct le chevau au front de si grant force que le gauffrain d'acier fut effondr? dedans la teste du chevau, qui, par la force du coup, convint aller ? terre des jarr?s de derri?re. Et adoncques Olivier luy laisse le frain et le point des esporons, et au dresser que le chevau fist, Raimondin le va ferir de la lance au cost?, tellement que il le porta par terre de l'autre cost? du destrier, et demoura ? Olivier bien demy piet du fer dedans; et fut la lance dedans le corps, et avant qu'il se peut relever, Raimondin le chargea si de coups qu'il ne se peut mouvoir, et luy erracha le bassinet de la teste par force et luy mist le genoul sur son nombril et la main senestre au col et le tint en telle detresse qu'il ne se povoit mouvoir.

En ceste partie presente tient Raimondin Olivier par longue espace de temps, et quant il vit que il fut au dessus, il tira le coustel qui lui pendoit au destre, et luy dist: Faulx triste, rends-toy ou tu es mort. Par ma foy, dist Olivier, j'aime mieulx ? mourir par la main d'un si vaillant chevalier comme vous estes que d'aultre main. Adoncques Raimondin prinst grant piti? de luy, et luy demanda, sur le p?ril de l'ame de luy, se il s?avoit riens de la tra?son que Josselin son p?re avoit fait, et il respondit que non, et qu'il n'estoit mie encores n? au temps que le temps advint, et que combien que il pleut ? Dieu que fortune luy fut ? present contraire, si tenoit-il encore son p?re pour preudomme loyal et non coupable d'icelluy fait. Adonc quant Raimondin, qui s?avoit bien le contraire, l'ouyt, si fut moult doulent, et le batist tant aux temples du poing ? tout le gantelet, qui le fist si estourdi qu'il ne veoit ne oyoit, ne ne s?avoit chose que on luy fist. Et adonc se leva Raimondin, et le prinst par les deux pi?s et le traina jusques aux lices, et puys le bouta hors, et s'en tourna et vint devant l'eschafault du roy, la visi?re lev?e, en luy disant: Sire, ay-je fait mon devoir? car se j'ay plus riens ? faire, je suys tout prestz de le faire au regart de vostre court et ordonnance. Par foy, dist le roy, sire chevalier, vous vous estes bien acquitt?. Et adoncques commanda le roy que Josselin et son filz fussent pendus; et ceulx ? qui le roy le commanda vont tantost et sans delay saisir Josselin, qui crioit au roy piteusement mercys. Et adoncques le roy luy va dire que il congneut la verit? de la querelle, et par adventure il pourroit bien avoir grace.

Lors dist Josselin: Sire, le celler ne vault riens; prenez vous piti? de moy s'il vous plaist. Certainement il fut en la forme que le chevalier le proposa, et sachiez que Olivier mon filz n'estoit pas encores n?. Par ma foy, Josselin, dist le roy, cy a grant mauvaisti?, et s'il n'eut pleut ? Dieu que vous en fussiez pugny en ce monde, il ne vous eut pas tant laiss? vivre; et quant est de ma part, vous ne fauldrez pas ? la pugnition. Adoncques dist tout hault ? ceulx qui estoient ordonnez que tantost le p?re et le filz fussent pendus. Et adoncques se traist avant Raimondin, et dist au roy: Sire, je vous mercie tant comme je puys plus au monde de vostre bonne justice et du droit que vous faictes en vostre court; mais je vous prie par piti?, sire roy, par piti? et misericorde, qu'il vous plaise ? moy donner la vie d'Olivier; car veu la vaillance de luy, et aussi consider? qu'il n'a coulpe en la tra?son, ce seroit grand dommaige de sa mort: car encores pourra il ass?s de bien faire; et quant est du p?re, pour ce que je le voys vieil et foible, de ma part, sire roy, se il vous plaist ? luy faire grace, je vous en requiers de bon cueur, pourtant que j'avoye mon heritaige et les prouffis et fruictz qu'il a lev? selon la mise de l'argent qu'il en pourra avoir eu, et que ce fut distribu? pour fonder une prieur? et renter les moynnes d'icelluy prieur?, selon la quantit? de l'argent, pour chanter ? tousjours perpetuellement pour l'ame du nepveu du roy. Adoncq dist le roy ? ses barons: Beaulx seigneurs, veez cy grant franchise de chevalier, qui prie que je respite ses ennemis de mort; mais, par la foy que je doibz ? l'ame de mon p?re, Josselin ne son filz ne feront jamais tra?son et ne me chasseront homme nul de mon pays; et tantost les fist tous les deux pendre, et rendist ? Raimondin sa terre; et luy donna avecq ce toute la terre de Josselin enti?rement, dont Raimondin le mercia moult humblement, et lui fist hommaige. Aprez commen?a la feste ? estre moult grande, et tint le roy grant et noble court ? tout homme; et estoit moult joyeux de ce qu'il avoit recouvr? ung si noble homme en son pays; mais pour neant s'en esjouissoit, car assez tost verra que Raimondin n'avoit gaires de voulent? de demourer en Bretaigne, car moult luy tarde de reveoir Melusine.

En ceste partie nous dist l'istoire que Raimondin fut moult festoi? du roy de Bretaigne, qui tint bien honnourable court pour l'amour de luy, et firent les barons de Bretaigne moult grant joye de sa venue, et par especial Alain son oncle et ses deux enfans, et ceulx de son lignage. Et adonc vint Raimondin au roy et luy dist ainsi: Sire roy, je vous prie et supplie qu'il vous plaise de vous accorder que je donne la baronnie de Leon, qui fut ? Henry mon p?re, ? qui Dieu fasse mercys, ? Henry mon cousin; si aura la terre le nom de son droitturier seigneur, et vous le nom de vostre homme, car il est de la droite lign?e. Par foy, dist le roy, sire, puys qu'il vous plaist, il nous plaist bien. Adonc appella le roy Henry, car il l'amoit moult, et luy dist le roy: Henry, recepvez le don de baronnie de Leon que vostre cousin vous donne, et m'en faictes hommaige. Et il le fist et en mercia moult le roy et Raimondin. Et, ce fait, appella Raimondin Alain son cousin et luy dist ainsi: Beau cousin, je vous donne la terre que le roy m'a donn?e, qui fut ? Josselin du pont de Leon, et en faictes au roy hommaige. Et il en mercia moult humblement ? genoulx, et en fist hommaige au roy, qui l'en receupt moult joyeusement. Mais les barons du pays commenc?rent adonc moult fort ? murmurer et disdrent: Par la foy, ce chevalier n'est mie venu en ce pays pour nulle convoitise ne avarice, mais seullement il a mis sa vie en tresgrande adventure pour conquerre son heritaige; quant si tost s'en est deffait, il convient bien qu'il ait grandes richesses ailleurs. Adoncques vint l'ancien chevalier ? Raimondin, et, quand Raimondin le vit, il luy dist qu'il se delivrast de ce que sa dame luy avoit command?; et luy respondist: Monseigneur, pour ce suis-je venu par devers vous. Et adoncques presenta au roy, de par sa dame, une moult riche couppe d'or o? il avoit moult de riches pierres precieuses, et donna aprez ? tous les barons moult de riches joyaulx, dont chascun s'esmerveilloit dont telles richesses venoient, et disoient tous que il convenoit que Raimondin fut moult puissant et riche homme. Et lors moult se refforcha la feste; et avoient Alain de Quemegnigant et ses deux fils si tresgrant joye que nul ne le s?auroit bonnement exposer; mais encores durant leur joye eut de l'aultre part dueil du lignage du pont de Leon, qui n'oubli?rent pas la mort de leur cousin, ainsi comme orrez cy aprez racompter. Et de ce plus parler se taist l'istoire quant ? present, et ne parle plus de la feste, et commence ? parler de Melusine, comment elle se gouvernoit tant comme Raimondin fut en ce voyage.

En ceste partie nous dist l'istoire que moult fut grande la feste ? Nantes, et moult honnoura le roy Raimondin, et y fist-on joustes esquelles Raimondin se porta moult vaillamment; et y furent toutes les plus gentilz dames du pays, et prisoient la contenance de Raimondin, et moult bien disoient qu'il estoit digne de tenir ung grant pays; et moult se esbahissoient de la grande richesse qu'ilz veoient entour Raimondin de jour en jour. Mais qui que fist feste de Raimondin, le chastellain d'Arval, qui fut nepveu de Josselin du Pont de Leon, faisoit tout le contraire; car il envoya soudainement ? tous ses parens et proesmes et ? tous les parens de Josselin, et leur faisoit assavoir comme la chose estoit all?e, et que ilz fussent ? ung certain jour qu'il leur manda en ung certain recept qu'il avoit en la forest de Guerende, si estoit ? luy. Et quant ceulx ouyrent les nouvelles, ilz furent moult doulens, et se misrent bien ensamble environ deux cens hommes d'armes de toutes pi?ces armez, et s'en vindrent tout secretement audit recept o? le chastellain les avoit mandez. Et adoncq le chastellain, le plus secretement qu'il peut, s'en partist de la court sans prendre congi? du roy ne d'aultres barons, mais il laissa ? la court trois de ses escuiers pour s?avoir quel chemin Raimondin tiendroit, et qu'ilz l'anon?assent au recept dessusdit; et ilz respondirent que cy feroient-ilz. Et atant se partist le chatellain, et chevaucha tant qu'il vint au recept, o? il trouva ceulx de son lignage qu'il avoit mand?, et leur compta toute la mani?re de l'adventure, et comment Josselin et son filz avoient est? pendus, et que ilz avoient en pens?e de faire ou de le venger de Raimondin qui avoit fait pourchasser cest annoy, et ? eulx ? tousjours fait si grant blasme et si grant honte, ou de le laisser en ce parti. Adoncq respondit pour tout le lignage ung moult estourdi chevalier qui fut filz du cousin germain Josselin: Chastellain, nous voulons que vous sachiez que ainsi ne demourra pas: car nous tous d'ung accord et d'une voulent? voulons mettre celluy ? mort qui nous a fait celluy vitup?re et deshonneur. Par foy, adonc va dire le chastellain, or tiens-je bien employ? l'onneur que Josselin mon oncle vous a fait au temps pass?, et je vous metteray tantost en lieu o? nous pourrons bien accomplir nostre voulent? de celluy qui telle honte nous a fait; car, quelque cost? qu'il saille du pays de Bretaigne, il ne nous peut par voye eschapper, car nous y avons bonnes espies qui le nous viendront noncer quant temps en sera. Et ilz respondirent tous ? une voix: Benoit soiez-vous, et sachi?s, quoy qu'il en doibve advenir, ceste entreprinse sera achev?e, et occirons le faulx chevalier qui ce dommaige et ceste honte nous a fait. Si se taist l'istoire de plus en parler, et commence ? parler du roy et de Raimondin, et comment Raimondin s'en partist moult honnourablement du roy et de toute sa baronnie, et s'en vint en la forteresse qui fut ? Henry de Leon son p?re, qu'il avoit ja donn?e ? Henry son cousin.

L'istoire nous dist que la feste dura bien par quinze jours ou plus; le roy des Bretons et sa baronnie firent ? Raimondin tant d'onneur que je ne le vous pourroie racompter. Et ? tant me tairay d'en plus parler pour abregier, car ce me seroit longue chose, et parleray de Raimondin, qui prinst congi? du roy et de ses barons, et mercya moult humblement le roy de sa bonne justice qu'il luy avoit faicte en sa noble court, et s'en partist moult honnourablement d'eulx tous. Et sachi?s que le roy et pluiseurs des barons furent moult doulens de sa departie; et ainsi s'en partist Raimondin du roy, et avecq luy Alain son oncle et ses deux enfants chevaliers et ceulx de son lignage, et vont moult fort chevauchant vers Leon. Mais il est vray que l'ancien chevalier s'en estoit j? parti devant et avoit fait tendre tentes et pavillons, et toutes aultres choses ordonner comme mestier estoit. Et adoncques Raimondin, son oncle et ses deux enfants, et les plus prouchains de son lignage se log?rent au chasteau, et les aultres au bourc; et fut la feste moult grande, et donna Raimondin ? tous les barons qui l? estoient de moult riches dons. Mais le peuple du pays sceut que celluy qui estoit filz de leur propre seigneur estoit venu, si en furent moult joyeulx, et luy fisrent moult de beaulx presens, selon l'usaige du pays, comme de vins, de bestiaulx, de poisson, de foin, d'avaine, et moult de aultres choses; et estoient moult joyeux, puys que il ne plaisoit ? Raimondin de demourer ne de tenir la terre, qu'ilz estoient eschous en la dicte lign?e de leur seigneur, pour ce qu'ilz estoient hors de la subjection de la lign?e de Josselin. Adonc Raimondin les mercia moult gracieusement de leurs presens, et leur pria et commanda qu'ilz fussent tous bons et leaulx subjectz ? Henry, ? qui il avoit donn? la terre. Et ilz luy disdrent que si feroient-ilz. Et se taist l'istoire de plus parler en avant d'eulx, et commence ? parler des espies qui l? estoient mesmes en aiguet, dont l'ung se partist et s'en alla vers le recept o? le chastellain de d'Arval et le lignage de Josselin estoient tous prestz. Et lors les deux aultres espies demour?rent pour s?avoir quel chemin Raimondin tiendroit.

Share on: WhatsApp @Hash Facebook Tweet