Homepage
Login
Profile
BookClubs
dmBox
Read Ebook: Le specule des pecheurs by Johannes Von Kastl Active Th Century
Font size:
Background color:
Text color:
Add to tbrJar First Page Next Page Prev Page
Ebook has 136 lines and 16283 words, and 3 pages
Balade et exortation a tous prelatz d'eglise pour despriser soy et le monde et mener saincte vie
Refrain
Mais s?ais tu quant demain par adventure Ou aujourd'uy pourtant donne toy garde
Homme mortel cre? de terre et fait Du createur form? a la semblance Las recongnois le bien que dieu t'a fait Puis que tu es homme priv? d'enfance Remanbre toy et ayes souvenance Cueur dur ingrat rempli de vanit? Du hault degr? et de la dignit? Ou dieu t'a mis indigne creature Tant riche et noble eslue en prelature Dont tu rendras conte estroit quoy qu'il tarde Mais s?ais tu quant demain par adventure Ou aujourd'ui pourtant donne toy garde
Homme arme toy contre l'eure future Forte et dure car mort de la pointure Te picquera de sa cruelle darde Mais s?ais tu quant demain par adventure Ou aujourd'uy pourtant donne toy garde
Le .iiii. chappitre
Ballade proufitable et utile contenant les principalles joies de paradis et les peines d'enfer
Refrain
Qui tousjours dure et qui jamais ne cesse
Puis qu'ansi est qu'il nous faille fenir Et apr?s fin conte a dieu de tout rendre Las desoresmais vueillons nous maintenir Si saintement sans taiche et sans mesprendre Qu'a l'eure horrible ou mort nous vouldra prendre Nostre povre ame a present vicieuse Soit de vertus tant riche et precieuse Que voler puisse en la haulte cit? Ou est plaisir joie et felicit? Salut vertus feste et paix pardurable Vie sans mort beaut? sant? jeunesse Le pris povoir et force insuperable Qui tousjours dure et qui jamais ne cesse
Pourtant vueillons par cueur bien retenir Tous ces poins cy et a bien faire entendre Siqu'apr?s mort nous puissons parvenir Au hault royaume ou nous devons tous tendre Qui tant riche est que sens ne peut comprendre La voit on dieu o face glorieuse La oit on son o voix melodieuse La ont les corps impassibilit? Agilit? clart? subtillit? Et les ames sapience admirable Puissance honneur suret? et lyesse Concorde amour et gloire inseparable Qui tousjours dure et qui jamais ne cesse
Las nous voions tous les jours mort venir Qui est la fin que nous devons attendre Et ne s?avons que puent revenir Les esperis quant les corps sont en cendre Les bons vont sus les mauvais fault descendre En une chartre obscure et tenebreuse Ou est vermine immortelle angoisseuse Misere ennuy faulte et necessit? Faim soif pleur cri et toute adversit? Horreur fraieur paeur inenarrable Mort sans mourir desespoir et tristesse Feu sans lumiere et froit intollerable Qui tousjours dure et qui jamais ne cesse
O mauvais riche enfl? d'iniquit? Rude aux povres las que t'a proufit? Ton riche habit ta plantureuse table Puis que tu es povre pour ta richesse Et as soif ore et faim insaciable Qui tousjours dure et qui jamais ne cesse
Le .v. chappitre
Balade pour aprendre a bien mourir et renuncier du tout au monde
Refrain
Pour bien mourir et vivre longuement
Puis qu'ansi est que la mort soit certaine Plus qu'autre rien terrible et douloureuse Et que chose ne peut estre incertaine Plus qu'en est l'eure horrible en angoisseuse Et soit si briefve et partant perilleuse Las nostre joie en ce val miserable Il m'est advis pour le plus convenable Que nous devrions du tout entierement Mettre soubz pi? ce monde pou durable Pour bien mourir et vivre longuement
Delaissier doit toute joie mondaine Et mener vie humble et religieuse Qui monter veult a la tressouverainne Cit? des cieulx qui tant est glorieuse La contempler doit tousjours l'ame eureuse Qui aime dieu et het euvre de dyable Suivre les bons estre a tous charitable Soy confesser souvent devotement Et messe ouyr qui tant est proufitable Pour bien mourir et vivre longuement
Trop s'abuse tout homme qui demaine Orgueil en luy et vie ambicieuse Quant il s?ait bien que la mort tout amaine Qui vient souvant soubdainne et merveilleuse Mais doit penser la passion piteuse Du redempteur et la peine doubtable D'enfer sans fin qui est inenarrable Le jour hatif du divin jugement Et ses pech?s comme sage notable Pour bien mourir et vivre longuement
O mortel homme et ame raisonnable Se tu ne veulx estre apr?s mort dannable Tu dois le jour une fois seulement Penser du moins ta fin abhominable Pour bien mourir et vivre longuement
Le .vi. chappitre
Balade pour acquerir le tresor des cieulx et despriser toutes richesses terriennes
Refrain
Ou chacun peut sans riens mettre tout prendre
Puis que la chartre obscure de tristesse Mere de dueil qui joie desherite Thesauriser ne peut n'avoir richesse Nul prisonnier qui en sa fosse assiste Sans charge d'ame et de corps exercite Et que tout bien terrien se decline De cueur contrict la majest? divine Requerons tous qu'apr?s mort aspre et dure Le beau tresor desploier et destendre Nous vueille es cieulx qui tousjours sans fin dure Ou chacun peut sans riens mettre tout prendre
La verrons nous sa face et sa haultesse En son royaume ou beaut? se delicte La verrons nous la court et la noblesse De sa mere qui ne peut estre dicte Des apostres le palays et l'eslite Et des martirs la sale et gloire fine Des confesseurs la chappelle tresdigne Et des vierges le temple et l'amour pure La nostre cueur doit soupirer et tendre Pour vivre au lieu de tous biens sans mesure Ou chacun peut sans riens mettre tout prendre
Qui aujourd'uy regne au monde en jeunesse Pense en son cueur que sa vie est petite Et que ces deux maladie et viellesse Pour le mener droit a la mort subite Le suivent pr?s et selon son merite Aura apr?s joie ou dueil sans termine Pourtant congneu que tout ainsi se fine Et sommes cy de perdre en adventure Vivons en dieu si bien qu'apr?s mort rendre Nous nous puissons des cieulx a l'ouverture Ou chacun peut sans riens mettre tout prendre
Prince mortel du monde et de nature Faillent les biens et devenons tous cendre Pourtant d'avoir paradis mettons cure Ou chacun peut sans riens mettre tout prendre
Cy finist l'exortation des mondains
Cy c'ensuit le mirouer de dames et damoiselles et l'exemple de tout le sexe femenin
Mir?s vous cy dames et damoiselles Mir?s vous cy et regard?s ma face Helas pens?s se vous estes bien belles Comment la mort toute beaut? efface
Comment beaut? humaine tourne plus a desplaisir apr?s mort qu'elle ne pleut en vie
Je fus jadis tant belle et tant plaisante Que de beaut? j'estoie l'exemplaire Et ores suis tant laide et desplaisante Que plus desplais qu'oncques je ne peus plaire
La fin des beaux cheveux et du chief atourn?
Las et que sont maintenant devenus Les beaux cheveux de mon chief atourn? De l'orde terre estoient tous venus Et en terre s'en est tout retourn?
La fin des beaulx ieulx
Las comment sont mes beaux ieulx vers chang?s Et de ma face aussi tout le surplus Las tellement les ont les vers mang?s Qu'on n'i voit plus que les partus sans plus
La fin de la beaut? de la face
Las advis?s hors ma face et dedans Qui jadis fut tant belle et coulouree Laiss? n'i ont le vers fors que les dens Las bien peu m'est ma beaut? demouree
La fin du beau col
Las je souloie aussi droit q'une tour Avoir le col plus blanc que lis et beau Environn? d'ung collier d'or autour Et maintenant plus noir est q'ung corbeau
La fin de la beaut? de la poitrine
Las maintenant qu'est aussi devenue Ma poitrine tant blanche et tant refaite Las qui la voit maintenant toute nue Horreur en a tant est laide et deffaite
La fin de la beaut? des mains et des pi?s
Las et ou est la beaut? de mes mains Aornees de diamens richement Las et ou sont pour denser soirs et mains Mes pi?s polis chauss?s mignotement
La fin de la beaut? du corps
Las ors souloit mon corps estre tenu Tant bel et gent et souefment nourri Et maintenant qui l'advise tout nu Conte n'en fait ne que d'un sac pourri
La fin des precieux vestemens
Las de draps d'or de damas et de soye Jadis souloie estre toute couverte Et maintenant fault que d'une serqueul soie Envelopee et demi descouverte
La fin des riches fourreures
Add to tbrJar First Page Next Page Prev Page